SJEJEL 25
¿Jas wa skʼana oj skʼuluk ja Dyos bʼa keʼntik?
Ja Biblia wa xyala ke ja kristyano ayni «yiʼoj jun komil sakʼanil sok bʼutʼel wokol» (Job 14:1). Pe ¿ja maʼ it ja sakʼanil wa skʼana ja Dyos oj ajyukujtik? Ta miyuk, ¿jas wa skʼana oj skʼuluk bʼa keʼntik? ¿Oj maʼ kʼotuk smeranil? Ila ja sjakʼjel jel stsatsankʼujolani wa xyaʼa ja Biblia.
1. ¿Jas tikʼe sakʼanil wa skʼana oj ajyukujtik ja Dyos?
Ja Jyoba wa skʼana ja jas mas lek bʼa keʼntik. Yajni skʼulan ja Adán sok ja Eva ti yaʼa bʼa jun tsamal lugar: ja tsamal lugar bʼa Edén. Sok ja tiw ja Dyos ya koʼ slekilale sok yala yabʼye: «Pojxanik sok aʼaybʼananik, bʼutʼuwik ja luʼumi sok talnayik» (Génesis 1:28). Ja Jyoba wa skʼana ke oj ajyuk yuntikile, ayawe pax jun tsamal lugar ja Luʼum sok a-stalnaye ja chanteʼik. Ja jas wa skʼana ajyi jani ke ja kristyano mini jun wokol oj yiʼe sok oj ajyuke sakʼan bʼa tolabida.
Ama mi jach elkʼote, a pe mini stukbʼesnej ja jas wa skʼana ja Dyos (Isaías 46:10, 11). Wantoni skʼana ke ja kristyano bʼa kʼuʼabʼale aʼajyuke sakʼan bʼa tolabida bʼa mixani jun wokol oj yiʼe (kʼuman ja Apocalipsis 21:3, 4).
2. ¿Jastal oj bʼobʼ kabʼtik stsamalil ja jsakʼaniltik man wego?
Ja Jyoba skʼulanotik soka skʼanjel ‹snebʼjel› bʼa yeʼna, wa xkʼan alxuk, skʼanjel snajel sbʼaj sok stoyjel (kʼuman ja Mateo 5:3-6). Ja Dyos wa skʼana kʼubʼan oj ajyukotisok, ke la ajyukotik bʼa spetsanil ja sbʼejik, la jyajtaytik sok la kaʼteltaytik sok spetsanil jkʼujoltik (Deuteronomio 10:12; Salmo 25:14). Ta wa xkʼulantik ja jaw, oj bʼobʼ ajyukotik meran gusto ama ay wokolik. Stoyjel ja Jyoba wani xyayi meran stojolil ja jsakʼaniltik.
LA JNEBʼTIK MAS
La kiltik janekʼto yajalkʼujol sjeʼa ja Jyoba yajni xchapakitik ja Luʼumi sok ja jas wa sjeʼa ja Yabʼal sbʼaja stojolil ja sakʼanil.
3. Ja Jyoba wa skʼana ke oj ajyukujtik jun tsamal jsakʼaniltik
Kʼelawik ja BIDEO sok loʼilananik sbʼaja jas ti nochani:
-
¿Jas yuj ja Dyos skʼulan ja tsamal jLuʼumtiki?
Kʼumanik ja Eclesiastés 3:11 sok loʼilananik sbʼaja jas ti nochani:
-
¿Jas wa sjeʼakitik bʼa Jyoba ja jaw?
4. Ja jas wa skʼana oj skʼuluk ja Jyoba me xtukbʼi
Kʼumanik ja Salmo 37:11, 29 sok Isaías 55:11, sok loʼilananik sbʼaja jas ti nochani:
-
¿Jastal wa xnaʼatik ke me xtukbʼi ja jas wa skʼana oj skʼuluk bʼa keʼntik ja Jyoba?
Jun naʼits bʼa jelxa jomel wani xbʼobʼ tojbʼuk. Cha jachni ja Luʼum: ja kristyano jelxa sjomota, pe ja Dyos oj stojbʼes bʼa oj yayi ja kristyano wa xyajtajiyuji.
5. Stoyjel ja Jyoba wa xyayi meran stojolil ja jsakʼaniltik
Snajel jas stojolil yiʼoj ja jsakʼaniltik wa xya gustoʼaxukotik. Kʼelawik ja BIDEO sok loʼilananik sbʼaja jas ti nochani:
-
¿Jastal koltaji ja Terumi snajel jasa meran stojolil yiʼoj ja sakʼanil?
Kʼumanik ja Eclesiastés 12:13 sok loʼilananik sbʼaja jas ti nochani:
-
Yuj spetsanil ja jas skʼulunej bʼa keʼntik ja Jyoba, ¿jasa tʼilan oj jkʼultik bʼa yajelyi tsʼakatal?
JA JAS WA SJOBʼOWE JUJUNTIK: «¿Jas yuj teytik il? ¿Jasa stojolil yiʼoj ja sakʼanil?».
-
¿Jas oja wale?
JA JASA NEBʼA
Ja Jyoba wa skʼana oj kabʼtik stsamalil bʼa tolabida ja sakʼanil bʼa Luʼum sok bʼa mixa oj ajyuk wokol. Man jtyempotik, wa x-ajyi meran stojolil ja jsakʼaniltik yajni wa xtoyotik ja Jyoba sok spetsanil jkʼujoltik.
Yajel juljkʼujoltik
-
Yajni ja Jyoba skʼulan ja Adán sok ja Eva, ¿jasa wa skʼana oj skʼul ajyi bʼa yeʼnle?
-
¿Jastal wa xnaʼatik ke ja jas wa skʼana oj skʼuluk ja Dyos sbʼaja kristyano me xtukbʼi?
-
¿Jas oj skoltaya bʼa oj ajyuk meran stojol jawa sakʼanil?
LEʼA TUK JASTIK
Ila jas yuj wa xbʼobʼ jkʼuʼuktik lek ke meran ajyi ja tsamal lugar bʼa Edén.
«Ja Tsamal Lugar bʼa Edén, ¿junta maʼ lom loʼil?» (Ja Juʼun Cholumani, 1 bʼa enero bʼa 2011)
Ila jas yuj wani xkʼuʼantik lek ke ja Luʼum nunka oj chʼaysnajel.
«¿Oj maʼ chʼayjuk snajel ja Luʼumi?» (Artikuloʼik bʼa jw.org)
Paklay ja jas wa xyala ja Biblia sbʼaja jas stojol yiʼoj ja sakʼanil.
Ila jastal jun winik bʼa wa skʼuʼan ayiʼoj yibʼanal snaʼa ke aytoni jas wa skʼanayuj ja bʼa sakʼanil.
a Ja bʼa sjejel ti jakumi oj kiltik jas yuj mi kʼoti.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
