Ja Adán sok ja Eva skʼokowe ja smandar ja Dyos. Ja yuj mulanumotik, wa xkiʼajtik wokol sok wala chamtik. a Pe ojni jtaʼ jkoltajeltik. Ja Jyoba ay jas skʼulunej bʼa oj ya elkotik libre ja bʼa mulal sok ja chamelal stsʼakatal yuja Yunin Jesukristo. Ja Biblia wa sjeʼa ke ja Jesús stupu soka sakʼanil bʼa oj slokʼolukotik. Ja slokʼoli jaʼa stsʼakol wa xtupxi bʼa yajel el libre june. Ja stsʼakol stupu ja Jesús jani soka sakʼanil mey yiʼoj mulal (kʼuman ja Mateo 20:28). Ja Jesús gustoxta yakan ja sderecho bʼa ajyel sakʼan tolabida ja bʼa Luʼum. Yuja jach skʼulan, sjama ja bʼej bʼa oj ajyukujtik yibʼanal ja jas xchʼaya ja Adán sok ja Eva. Cha sjeʼa janekʼto wa syajtayotik ja Jyoba sok ja yeʼn. Ja bʼa sjejel it oj skoltaya bʼa oj snik-a yajel mas tsʼakatal yuja xchamelal ja Jesús.

1. ¿Jastal wa skoltayotik ja xchamelal ja Jesús?

Yuja mulanumotik, wa xkʼulantik jitsan jastik mi lek xyila ja Jyoba. Pe ta meran wa xnaʼatik malaya ja jmultik sok wa xkʼanatikyi bʼa sbʼiʼil ja Jesús ayaʼotik perdon ja Jyoba, ojni bʼobʼ kamigoʼuktik. Chomajkil ta wa xkʼujolantik mixa oj jkʼultik ja mulalik jaw (1 Juan 2:1). Ja Biblia wa xyala: «Ja Kristo jun ita buelta cham yuja mulaliki, june maʼ toj sbʼaja matik mi tojuki, bʼa jachuk oj yiʼex ja bʼay ja Dyosi» (1 Pedro 3:18).

2. ¿Jastal oj skoltayotik ja bʼa tyempo jakum ja xchamelal ja Jesús?

Ja Jyoba sjekakon ja Yunin bʼa yajel ja sakʼanil mey yiʼoj mulal bʼa «spetsanil ja maʼ wa sjeʼa skʼuʼajel bʼa yeʼn [Jesús] mi oj chʼaysnajel, ojni staʼ sakʼanil bʼa tolabida» (Juan 3:16). Stsʼakatal yuja jas skʼulan ja Jesús, ja Jyoba ojxta xchʼaysnajel spetsanil ja jastik yiʼonejan yuja skʼoko abʼal ja Adán. Ja it wa stojolan, ta wa xjeʼatik skʼuʼajel ja majtanal yaʼa ja Jesús, ojni bʼobʼ kabʼtik stsamalil ja sakʼanil tolabida ja bʼa Luʼum bʼa paxelxa jun tsamal lugar (Isaías 65:21-23).

 LA JNEBʼTIK MAS

3. Ja xchamelal ja Jesús wa xya elkotik ja bʼa mulal sok ja chamelal

1. Ja Adán jun winik mey yiʼoj mulal. Yajni skʼokoyi ja smandar ja Dyos, ya ekanyi ja kristyano ja mulal sok ja chamelal.

2. Ja Jesús jun winik mey yiʼoj mulal. Yuja skʼuʼanyi ja Dyos, sjama ja bʼej bʼa mixa oj ajyuk smule ja kristyano sok oj ajyuke sakʼan tolabida.

4. Ja xchamelal ja Jesús oj bʼobʼ ya el slekilal spetsanil kristyano

 5. Ja slokʼoli jun majtanal yaʼunejawi ja Jyoba

Ja yamigoʼik ja Jyoba wa xyilawe ja slokʼol jastal jun majtanal bʼa yeʼnle. Bʼa snajel jun sjejel, kʼumanik ja Gálatas 2:20 sok loʼilananik sbʼaja jas ti nochani:

• ¿Jas yaljelik ja bʼa jekabʼanum Pablo xchiktes ke yila jastal jun majtanal bʼa yeʼna ja slokʼol?

Yajni sleʼa smul ja Adán, ja yeʼn sok spetsanil ja yintil kechanxta wa smajlaye ja xchamelale. Pe ja Jyoba sjekakon bʼa Luʼum ja Yunin bʼa oj chamuk sok jachuk oj bʼobʼ ajyan sakʼan bʼa tolabida.

Yajni xa kʼuman ja bersikuloʼik it, pensaran jastal yabʼ ja Jyoba yajni yila wan yijel wokol ja Yunin. Kʼumanik ja Juan 19:1-7 sok 16-18, sok loʼilananik sbʼaja jas ti nochani:

• ¿Jastal waxa wabʼ ja waxa pensaraʼan ja jas skʼulan ja Jyoba sok ja Jesús bʼa weʼna?

 JA JASA NEBʼA

Stsʼakatal yuja xchamelal ja Jesús, ja Jyoba wa xyaʼa perdon ja jmultik sok oj bʼobʼ ajyukotik sakʼan tolabida.

Yajel juljkʼujoltik

• ¿Jas yuj cham ja Jesús?

• ¿Jas modo ja sakʼanil mey yiʼoj mulal ja Jesús yaʼa «jastal slokʼol»?

• ¿Jastal wa xwa el slekil ja xchamelal ja Jesús?