SJEJEL 33
Ja jas oj skʼuluk ja sGobyerno ja Dyos
Ja sGobyerno ja Dyos wanxa yajel mandar. Ojxta stukbʼes jitsan jastik ja bʼa Luʼum. La kiltik jujuntik jastik lek oj skʼuluk ja gobyerno it sok ojni bʼobʼa majlay gustoxta.
1. ¿Jas oj skʼuluk ja sGobyerno ja Dyos bʼa oj cha ajyuk lamanil sok ja bʼa toj?
Ja guerra bʼa Armagedón, ja Jesús, ja Rey bʼa sGobyerno ja Dyos, oj xchʼay-el ja mal kristyano sok ja gobyernoʼik (Apocalipsis 16:14, 16). Ja bʼa tyempo jaw, ojxani kʼot smeranil lek ja kʼapjelal it: «Tʼusanxta skʼana, sok ja matik jel malo mixa oj ajyuk» (Salmo 37:10). Ja Jesús jani oj ya makunuk ja gobyerno it bʼa oj ajyuk ja lamanil sok ja jastik toj skʼulajel bʼa sutanal ja Luʼum (kʼuman ja Isaías 11:4).
2. ¿Jastal oj ajyuk ja sakʼanil yajni xkʼulaxi ja jas wa skʼana ja Dyos ja bʼa Luʼum?
Ja bʼa sGobyerno ja Dyos, «ja matik toji oj sbʼajuke ja luʼumi, sok ti tiw oj ajyuke sakʼan bʼa tolabida» (Salmo 37:29). ¡Pensaran jastal oj ajyuk ja sakʼanil ja naka lekexa, ja oj syajtaye ja Jyoba sok ja tuk! ¿Mi maʼ jelni tsamaluk? Mixa maʼ oj koʼ chamel sok oj ajyuke sakʼan tolabida.
3. ¿Jas oj skʼuluk ja sGobyerno ja Dyos yajni xchʼaya ja maloʼiki?
Yajni xchʼaya ja maloʼiki, ja Jesús oj ajyuk Rey 1,000 jabʼil. Ja tyempo jaw, ja Jesús sok ja 144,000 oj skʼul mandarsoki oj skoltaye ja kristyano bʼa mixa oj ajyuk smule. Yajni xchʼak ja tyempo jaw, ja Luʼumi paxta jun tsamal lugar, jun lugar bʼa bʼutʼel kristyanoʼik bʼa gustoxa oj ajyuke yujni wa skʼuʼane ja sleyik ja Jyoba. Anto, ja Jesús oj ya kumxukyi ja gobyerno ja sTati, ja Jyoba. Sok oj ajuk sakbʼuk ja sbʼiʼil ja Dyos bʼa jastal mini kʼulaxel (Mateo 6:9, 10). Anto, chiknajitani lek ke ja Jyoba jun lekil mandaranum sok wa stalnay ja xchonabʼ. Ja Jyoba tixa oj xchʼaysnajel ja Satanás, ja pukujik sok chikan maʼ wa skʼana oj skʼokyi smandar ja sgobyerno (Apocalipsis 20:7-10). Ja jas toj oj skʼuluk ja sGobyerno ja Dyos oj albʼuk bʼa tolabida.
LA JNEBʼTIK MAS
La kiltik jas yuj oj bʼobʼ jipjkʼujoltik ja Dyos jani oj ya makunuk ja sGobyerno bʼa yajel kʼotuk ja jastik skʼapunej bʼa ti chʼikan ja jas wa xmajlaytik.
4. Ja sGobyerno oj xchʼaysnajel ja gobyernoʼik bʼa luʼum
«Ja winiki ibʼ kʼabʼal ayuj ja winiki bʼa sjomelal» (Eclesiastés 8:9). Ja Jyoba ja oj ya makunuk ja sGobyerno bʼa stojbʼesel ja bʼa jas mi lek skʼulunej ja kristyano.
Kʼumanik ja Daniel 2:44 sok 2 Tesalonicenses 1:6-8, sok loʼilananik sbʼaja jas ti nochani:
-
¿Jas oj skʼulukeyi ja Jyoba sok ja Yunini, ja Jesús, ja gobyernoʼik bʼa luʼum sok ja matik wa skoltaye?
-
¿Jas wa xya kʼuʼuk ja bʼa jasa nebʼata bʼa Jyoba sok Jesús ke tojni ja jas oj skʼuluke sok lekni?
5. Ja Jesús yeʼn ja lekil Rey
Yajni ja Jesús yeʼnxa Rey ja bʼa Gobyerno, oj skʼul jitsan jastik lek sbʼaja kristyano. Kʼelawik ja BIDEO bʼa yiljel jastal sjeʼa ja Jesús ke wa skʼana oj skoltay ja kristyano sok akʼubʼalyi yip yuja Dyos bʼa skʼulajel.
Ja jastik skʼulan ja Jesús yajni ti ajyi bʼa Luʼum juni sjejel ja jas oj skʼuluk ja sGobyerno ja Dyos. Ja bʼa kʼapjelik bʼa yibʼeli, ¿bʼaya mas waxa kʼana oja wil oj kʼot smeranil? Kʼumanik spetsanil ja teksto wa xtax ja bʼa skʼapjelik it.
|
JA BʼA LUʼUM, JA JESÚS... |
MAN SATKʼINAL, JA JESÚS... |
|---|---|
|
|
|
|
|
|
|
|
6. Stsʼakatal ja sGobyerno, oj ajyuk jun tsamal jsakʼaniltik
Ja Gobyerno oj ya kʼot smeranil lek ja jas wa skʼana ajyi ja Jyoba sbʼaja kristyano. Oj ajyuke sakʼan tolabida ja bʼa Luʼum bʼa junxa tsamal lugar. Kʼelawik ja BIDEO bʼa snajel jastal ja Jyoba wan yajel makunuk ja Jesús bʼa skʼulajel ja jas wa skʼana.
Kʼumanik ja Salmo 145:16 sok loʼilananik sbʼaja jas ti nochani:
-
¿Jastal waxa wabʼ snajel ke ja Jyoba oj yayi ja jas wa «skʼana spetsanil ja jastik sakʼani»?
JA JAS WA XYALAWE JUJUNTIK: «Ta jpetsaniltik wa xkʼulantik luchar, oj bʼobʼ jtojbʼestik ja wokoliki».
-
¿Jastik wokol oj stojbʼes ja sGobyerno ja Dyos bʼa mini oj bʼobʼyuj ja gobyernoʼik bʼa luʼum?
JA JASA NEBʼA
Ja sGobyerno ja Dyos oj skʼuluk ja jas wa skʼana. Oj ya pax jun tsamal lugar ja Luʼum bʼa bʼutʼel kristyano bʼa lek ke jaʼ oj stoy-e tolabida ja Jyoba.
Yajel juljkʼujoltik
-
¿Jas oj skʼuluk ja sGobyerno ja Dyos bʼa yajel sakbʼuk ja sbʼiʼil ja Jyoba?
-
¿Jas yuj seguro aytik ja sGobyerno ja Dyos oj ya kʼotuk ja kʼapjelik bʼa Biblia?
-
Ja bʼa jastik oj skʼuluk ja sGobyerno ja Dyosi, ¿jasa mas waxa kʼana oja wil?
LEʼA TUK JASTIK
Ila jasunkiluk ja Armagedón.
Paklay ja jas oj ekʼuk ja bʼa 1,000 jabʼil smandaranel ja Jesús sok ja yajni xchʼaki.
¿Jastal oj bʼobʼ ekʼ bʼa spensar ja pamilyaʼik ke wane yabʼjel stsamalil ja jas oj skʼuluk ja Gobyerno?
Kʼuman ja bʼa wa xcholo ja sakʼanil «Wa xya cham jkʼujol jitsan sjobʼjel» bʼa yiljel jastal jun politiko staʼa ja jas wa skʼana ajyi.
«Ja Biblia stukbʼes ja sakʼanile» (Ja Juʼun Cholumani, 1 bʼa enero bʼa 2012)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
