Yibʼanal ja kristyano wa skʼana oj ajyuk yamigoʼe ke toj ja smodoʼe, sok ja Jyoba wa smajlay ke cha jachuk ja yamigoʼik. Pe mi pasiluk sjejel toj ja jmodotik bʼa jun luʼumkʼinal bʼa jel kristyano ke wa sloʼlay ja tuk. ¿Ay maʼ slekilal sjejel toj ja jmodotik bʼa yibʼanal, sok jastik?

1. ¿Jas rason mas tʼilan yuja oj jetik toj ja jmodotik?

Yajni toj wa xjeʼa ja jmodotik soka tuk, wa xjeʼatikyi ja Jyoba wa xyajtaytik sok wa xkisatik. Aʼa tʼabʼana kʼujol ja Jyoba wa snaʼa ja jas wa xpensarantik sok ja jas wa xkʼulantik (Hebreos 4:13). Wa xyila ja yajni wa stsaʼatik ajyel toj sok jel chaʼanyabʼal xyila. Ja Yabʼali wa xyala: «Ja Jyoba wa xyilkʼujolan ja maʼ mi tojuk ayi, pe ja Yeʼn jel mojan ay soka matik toj ayi» (Proverbios 3:32).

2. ¿Bʼa jastik ja bʼa kʼakʼu oj jetik toj ja jmodotik?

Skʼulajel ja jas wa skʼana ja Jyoba ti chʼikan ja yaljelyabʼ ja smeranil ja tuk (Zacarías 8:16, 17). ¿Jas wa stojolan? Ke mi xleʼatikyi abʼal ja jpamilyatik, ja jmojtik aʼtel, ja hermanoʼik sok ja matik ay xchol. Ja matik wa sjeʼa toj ja smodoʼe mi x-elkʼaniye sok mi sloʼlaye ja tuk (kʼuman ja Proverbios 24:28 sok ja Efesios 4:28). Cha wa stupuwe ja kontribusyon (Romanos 13:5-7). Ja bʼa jaw sok bʼa tuk jastik wa ‹xkʼana oj jetik toj ja jmodotik bʼa yibʼanal› (Hebreos 13:18).

3. ¿Jastik slekilal ja sjejel toj ja jmodotik?

Yajni wa xnaji jbʼajtik ke toj ja jmodotik, wa xjipji jkʼujoltik. Cha wala koltanitik bʼa seguro oj ajyuk ja kongregasyon, jastal bʼa jun pamilya jel xyajtaniye. Cha wa xkabʼtik stsamalil ajyelkujtik jun lekil conciencia. Yuja wa xjeʼatik toj ja jmodotik, wa xkatik tsamalbʼuk «ja sjejelik sbʼaja jKoltanumtiki, ja Dyosi» sok wa xkoltaytik ja tuk bʼa oj skʼan-e oj yaʼteltaye ja Jyoba (Tito 2:10).

 LA JNEBʼTIK MAS

5. Tolabida la jetik toj ja jmodotik

 6. Ja toj ja jmodotik wa xkatik el slekil

Sjejel toj ja jmodotik bʼobʼta oj yijan jujuntik wokol, pe tolabida jani mas lek. Kʼumanik ja Salmo 34:12-16 sok loʼilananik sbʼaja jas ti nochani:

• ¿Jastal oj stojbʼes ja jsakʼaniltik ja toj ja jmodotik?

1. Yajni ja tatamal sok ja cheʼumal toj ja smodoʼe, wa stsatsbʼi ja snupanele.

2. Yajni ja aʼtijumik toj ja smodoʼe, wa xjipji skʼujole yuja yajwale.

3. Yajni ja kristyano toj ja smodoʼe, lekni wa x-iljiye yuja matik ay xchol.

 JA JASA NEBʼA

Ja Jyoba wa smajlay ke toj ja smodoʼe ja yamigoʼik ja bʼa jas wa xyalawe sok wa skʼulane.

Yajel juljkʼujoltik

• ¿Bʼa jastik tʼilan oj jetik toj ja jmodotik?

• ¿Jas yuj mey sbʼej spensarajel ke oj bʼobʼ nakʼxuk ja smeranil?

• ¿Jas rason awiʼoj bʼa tolabida oja jeʼ toj jawa modo?