SJEJEL 38
La katik tsʼakatal ja majtanal bʼa sakʼanil
Ja sakʼanili jel yiʼoj jastik bʼa tsamal. Asta ja yajni wan ekʼel jbʼajtik wokol, cha wani xbʼobʼ kabʼtik stsamalil jujuntik jasunuk. ¿Jastal oj bʼobʼ jetikyi ja Jyoba wa xkatikyi tsʼakatal ja majtanal it? ¿Jasa rason mas tʼilan bʼa skʼulajel?
1. ¿Jas yuj tʼilan chaʼanyabʼal oj kiltik ja sakʼanil?
Tʼilan chaʼanyabʼal oj kiltik ja sakʼanil yujni jun majtanal bʼa kala Tatik jel xyajtani, ja Jyoba. Bʼa yeʼn ti «wa xjak ja sakʼanili», pes yeʼn skʼulan spetsanil ja jastik sakʼan (Salmo 36:9). «Yeʼnani wa xyayi yibʼanal ja kristyano sakʼanil, ikʼ sok yibʼanal ja jastik junuki» (Hechos 17:25, 28). Ja Jyoba wa xyakitik ja jas wa xmakunikujtik bʼa ajyel sakʼan. Cha wa xyaʼakan bʼa oj kabʼtik stsamalil ja sakʼanil (kʼuman ja Hechos 14:17).
2. ¿Jastal oj bʼobʼ jetikyi ja Jyoba chaʼanyabʼal wa xkilatik ja sakʼanil?
Man kan embarazada jawa nani, ja Jyoba och cham skʼujola mok. Yuja yip ja Dyos, jun yaʼtijum sbʼiʼil David yala yabʼ ja it bʼa jun orasyon: «Jawa sati kʼotni yil ja yal jkuerpo mito tsʼikanuki» (Salmo 139:16). Jawa sakʼanili jel chaʼanyabʼal wa xyila ja Jyoba (kʼuman ja Mateo 10:29-31). Jelni yaj oj yabʼ lek ay maʼ gana wa smila sbʼaj ma wa smila ja tuki (Éxodo 20:13). a Cha jelni yaj oj yabʼ ta gana wa xchʼika jbʼajtik wokol ma mi xnochotik ja rasonik bʼa stalnajel ja sakʼanil ja tuk. Yajni wa xtalnay jbʼajtik sok wa xkisatik ja sakʼanil ja tuk, wa xjeʼatik chaʼanyabʼal wa xkilatik ja tsamal majtanal bʼa sakʼanil.
LA JNEBʼTIK MAS
La kiltik jujuntik modo bʼa sjejel wa xkaʼatik tsʼakatal ja majtanal bʼa sakʼanil.
3. La jtalnaytik ja jkuerpotik
Ja matik skʼapunejeyi ja Jyoba oj skʼuluke ja jas wa skʼana wa xyawe makunuk ja sakʼanile jastalni wa skʼana ja yeʼn. Skʼapunejeyi ja skuerpoʼe jastal jun majtanal bʼa sak ay, ja yuj tʼilan oj stalnaye. Kʼumanik ja Romanos 12:1, 2 sok loʼilananik sbʼaja jas ti nochani:
-
¿Jas yuj tʼilani oja talnay jawa kuerpo?
-
¿Jastik modo oj bʼobʼa kʼuluk?
4. Talnay jawa sakʼanil sok ja bʼa tuk
Ja Biblia wa xyakitik rasonik ke mok jkʼuluktik bʼa jastik xiwela sbʼaj. Kʼelawik ja BIDEO sok ilawik jastal oj bʼobʼ ajyuk jun lugar seguro.
Kʼumanik ja Proverbios 22:3 sok loʼilananik jastal june oj bʼobʼ koltanuk bʼa ajyel jun lugar seguro ja...
-
... bʼa snaj.
-
... bʼa yaʼtel.
-
... yajni wa xtajni.
-
... yajni wan syamjel karro ma kʼeʼel bʼa pilan karro.
5. Kisa ja sakʼanil ja yal alats mito pojkeluk
Bʼa jun tsʼebʼoj, ja David yala ja jastal wa xcham skʼujol ja Jyoba ja sakʼanil sok ja yajni jun yal alats tito ay bʼa smatriz ja snani. Kʼumanik ja Salmo 139:13-17 sok loʼilananik sbʼaja jas ti nochani:
-
Bʼa Jyoba, ¿jas ora wa xkʼe ajyuk sakʼan june: ja yajni wa xpojki, ma jaʼa yajni wa xkan embarazada ja snani?
Ja leyik yayi ja Jyoba ja poko Israel wa stalnay ja yal alatsik mito xpojki sok ja snani. Kʼumanik ja Éxodo 21:22, 23 sok loʼilananik sbʼaja jas ti nochani:
-
¿Jastal wa xyila ja Jyoba yajni ay maʼ mi gana wa smila jun yal alats mito xpojki?
-
Anto, ¿jastal maʼ oj yabʼ ta ay maʼ gana skʼulan? b
-
¿Jastal waxa wabʼ ja jas wa spensaran ja Dyos?
Asta jun ixuk bʼa chaʼanyabʼal xyila ja sakʼanili oj bʼobʼ spensaraʼuk ja sjipjel alats mito yoraʼuk jaʼita ja jas oj bʼobʼ skʼuluk. Kʼumanik ja Isaías 41:10 sok loʼilananik sbʼaja jas ti nochani:
-
Ta jun ixuk xtʼenji sjipjel ja yalats mito yoraʼuk, ¿maʼ oj skʼanyi skoltajel? ¿Jas yuj?
JA JAS WA XYALAWE JUJUNTIK: «Jun ixuk yeʼn oj yil ta oj sjip jun yal alats bʼa mito yoraʼuk. Yeʼnani skuerpo».
-
¿Jas wa xya kʼuʼuk ke jelni chaʼanyabʼal xyila ja Jyoba ja yal alatsik mito xpojki sok ja snani?
JA JASA NEBʼA
Ja sakʼanili jun majtanal bʼa Jyoba. Ja Biblia wa sjeʼakitik bʼa skisjel, stalnajel sok syajtajel ja jbʼajtiki sok ja bʼa tuk.
Yajel juljkʼujoltik
-
¿Jas yuj wa xnaʼatik ke ja Jyoba chaʼanyabʼal xyila ja sakʼanil ja kristyano?
-
¿Jastal wa xyabʼ ja Jyoba yajni ay maʼ gana wa smila sbʼaj ma wa smila ja tuk?
-
¿Jas yuj waxa waʼa tsʼakatal ja majtanal bʼa sakʼanil?
LEʼA TUK JASTIK
¿Jastal oj bʼobʼ katikyi tsʼakatal ja Jyoba ja majtanal bʼa sakʼanil?
¿Oj maʼ bʼobʼ ya perdon ja Dyos jun ixuk bʼa sjipunej jun alats bʼa mito yoraʼuk?
«¿Jasa wa xyala ja Biblia sbʼaja sjipjel jun yal alats mito yoraʼuk?» (Artikuloʼik bʼa jw.org)
Ila jastal oj skoltayotik snajel ta mini xiwelaʼuk sbʼaj oj ajyuk ja jsakʼaniltik ja yajni wa stsaʼatik yajel ekʼ gusto jutsʼin.
«¿Lek maʼ oj tajnukotik bʼa xiwelaʼik sbʼaj?» (¡Kʼeʼan!, 8 bʼa octubre bʼa 2000)
Ta jun kristyano spensaraʼunej oj smil sbʼaj, ila ja rasonik wa xyaʼa ja Biblia.
a Ja Jyoba jel xcham skʼujol ja matik jel tristeʼay skʼujoli (Salmo 34:18). Wa xyabʼ stojol ja jastal jel yatsʼan ay xyabʼ ja skʼujol june bʼa wa xbʼobʼ ijuk bʼa oj skʼan oj smil sbʼaj sok wani skʼana oj skoltay ja matik jach ayeʼi. Ila ja jastal jel xmakuni ja srasonik, skʼumajel ja artikulo «¿Oj maʼ bʼobʼ skoltayon ja Biblia ta mixa xkʼana oj ajyukon sakʼan sok jpensaranta oj jmil jbʼaj?», bʼa ti jakel ja bʼa «Leʼa tuk jastik» ja bʼa sjejel it.
b Ja matik stsaʼawe sjipjel yal alats bʼa mito yoraʼuk ja bʼa tyempo ekʼta, mok yabʼye ke jel mulal aye; ja Jyoba puesto ay bʼa oj akʼwanuk perdon. Oja taʼ mas akoltajel sbʼaja jaw ja bʼa artikulo «¿Jasa wa xyala ja Biblia sbʼaja sjipjel jun yal alats mito yoraʼuk?» bʼa ti jakel ja bʼa «Leʼa tuk jastik» ja bʼa sjejel it.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
