Bʼa yibʼanal ja luʼumkʼinal, ja kristyano tuktukil ja jas wa spensaran sbʼaja yujel trago. Jujuntik bʼa ekʼeleʼikta wa xyuʼaje soka yamigoʼe, tuk mini skʼana oj yuʼe mini jasa bʼa ayiʼoj trago. Sok tuk wa xyuʼaje man wa xyakbʼiye. ¿Jasa wa xyala ja Biblia sbʼaja jaw?

1. ¿Ay maʼ smaloʼil ja yujel trago?

Ja Biblia mi xyala ta malo ja yujel trago. Jaʼuktoma, ja Yabʼal ja Dyos wa xchʼika «ja vino bʼa wa xya gustoʼaxuk ja skʼujol ja winiki» ja bʼa majtanalik yaʼunejkitik ja Jyoba (Salmo 104:14, 15). Chomajkil ja Biblia wa staʼa tiʼal bʼa ixuke sok winike jel toje bʼa yuʼaje trago (1 Timoteo 5:23).

2. ¿Jas rason wa xyaʼa ja Biblia sbʼaja matik wa stsaʼa oj yuʼe?

Ja Jyoba mi kechan wa xyijnay ja yakbʼelal, cha wani xyijnay ja jelxelxa yujel trago (Gálatas 5:21). Ja Biblia wa xyala: «Mokni ajyan soke ja matik jel wa xjelxiye yujel vino» (Proverbios 23:20). Ja yuj, ta jtsaʼatik yujel trago, jtuchʼiltik ma ay jmojtik, mok jelxukotik bʼa mixa oj natik ja jas wa xkʼulantik sok wa xkalatik, ma wanxa xjom jpensartik. Cha mokni jel kuʼtik bʼa ojxa ya kokotik chamel. Ta mi xbʼobʼ jkomtik ja janekʼ wa xkuʼajtiki, tʼilan puesto oj ajyukotik yajelkan juntiro.

3. ¿Jastal wa xjeʼatik wa xkisatik ja jas wa stsaʼawe ja tuk?

Kada jujune tʼilan oj stsaʼ ta oj yuʼe ma miyuk. Mokni la jkʼultik jusgar ja maʼ wa stsaʼa tʼusanta oj yuʼi. Cha mok maʼ jtʼentik bʼa oj yuʼ ta stsaʼunejxa mi oj skʼuluk (Romanos 14:10). Sok wa stsaʼatik mi oj kuʼtik ta mi lek xyila ja tuk (kʼuman ja Romanos 14:21). Pes ja snochumanotik Kristo jawa xleʼatik «ja slekilal ja tuki sok mi jaʼuk ja jbʼajtiki» (kʼuman ja 1 Corintios 10:23, 24).

 LA JNEBʼTIK MAS

4. Tsaʼa ta oja wuʼ ma miyuk

¿Jas wa spensaran ja Jesús sbʼaja yujel trago? Bʼa oj jnatik, la kiltik ja bʼajtan milagro skʼulani. Kʼumanik ja Juan 2:1-11 sok loʼilananik sbʼaja jas ti nochani:

• ¿Jas wa sjeʼakitik ja loʼil it sbʼaja jastal wa xyila ja Jesús ja yujel sok ja matik wa xyuʼaj?

• Yuja Jesús mi xyijnay ja yujel trago, ¿jasa oj spensaraʼuk jun snochuman Kristo bʼa june wa stsaʼa yujel?

Pe yuja libre ay bʼa oj bʼobʼ yuʼ trago jun snochuman Kristo, mi wa stojolan ke tolabida lek skʼulajel. Kʼumanik ja Proverbios 22:3 sok paklayik ta lek yujel ja bʼa ekʼeleʼik it:

• Yajni oja yam karro ma niwak makina.

• Yajni embarazada aya.

• Yajni ja loktor yalunejawabʼ mi oja wuʼ trago.

• Yajni wokol xa wabʼ skomjel janekʼ oja wuʼe.

• Yajni ja matik ay xchol wa xyala mi oja wuʼe.

• Yajni teyasok june maʼ stsaʼunej mi oj yuʼ trago yujni wokolani bʼa oj yakan.

¿Sbʼej maʼ oja waʼ trago bʼa jun boda ma bʼa jun kʼin? Bʼa oja naʼ jasa tʼilan oja wa tʼabʼana kʼujol, kʼelawik ja BIDEO.

Kʼumanik ja Romanos 13:13 sok 1 Corintios 10:31, 32. Yajni xchʼaka kʼumukex kada teksto, loʼilananik sbʼaja jas ti nochani:

• ¿Jastal oj bʼobʼ skoltaya ja rason it bʼa oj wa gustoʼaxuk ja Jyoba soka jas oja tsaʼi?

 5. Aʼa kulan janekʼ oja wuʼ

Ta atsaʼa oja wuʼ trago, ajuluka kʼujol, ke ama ja Jyoba mi maloʼuk xyila ja wa xkuʼajtik, pe wani xyijnay ja jelxelxa yujeli. ¿Jas yuj? Kʼumanik ja Oseas 4:11, 18 sok loʼilananik sbʼaja jas ti nochani:

• ¿Jasa oj bʼobʼ ekʼuk yajni june jelxa xyuʼaj?

¿Jasa oj bʼobʼ skoltayotik bʼa mi oj jelxukotik? Tʼilan oj jnatik lek ayta kiʼojtik stikʼanil. Kʼumanik ja Proverbios 11:2 sok loʼilananik sbʼaja jas ti nochani:

• ¿Jas yuj jelni lek oja wa kulan janekʼta stikʼanil oja wuʼ?

6. Ja jas oj koltajuk june bʼa mixa oj jelxuk yujel

 JA JASA NEBʼA

Ja Jyoba yaʼunejkan ja trago bʼa oj kabʼtik stsamalil, pe ja yeʼn wa xyilkʼujolan ja yakbʼel sok ja jelxelxa yujel.

Yajel juljkʼujoltik

• ¿Jasa wa xyala ja Biblia sbʼaja yujel trago?

• ¿Jastik junuk wa xyiʼajan ja jelxelxa yujel?

• ¿Jastal wa xjeʼatik wa xkisatik ja jas wa stsaʼawe ja tuk sbʼaja yujel trago?