SJEJEL 44
¿Lek maʼ xyila spetsanil ja kʼinik ja Dyos?
Ja Jyoba wa skʼana ke oj kabʼtik stsamalil ja sakʼanil sok wa skʼana oj jkʼuluktik kʼinik bʼa jujuntik ekʼele. Pe ¿lek maʼ xyila spetsanil? ¿Jastal oj bʼobʼ jetik wa xyajtaytik sok wa xcham jkʼujoltik ja jastal wa xyabʼi?
1. ¿Jas yuj ja Jyoba mi lek xyila jitsan kʼinik?
Bʼobʼta chamni oja wabʼ snajel ke jitsan kʼinik ja bʼa jastal kujlaji kontrani ay soka jas wa sjeʼa ja Biblia ma tini eleljan bʼa relijyonik mi meranuk. Bʼobʼta ja kʼinik jaw tini chʼikan soka aʼtel soka pukujiki ma ja bʼa skʼuʼajel ke ayto jas wa xkan sakʼan ja yajni wala chamtiki. Cha jujuntik ti chʼikan soka bʼa jastik lom skʼuʼajeli sok ja skʼuʼajel bʼa suerte (Isaías 65:11). Mini chamyabʼjeluk ke ja Jyoba wa xyala yabʼ ja yaʼtijumik ja yaljelik it: «Elanik [...] sok aʼawikan syamjel ja jas kuxi» (2 Corintios 6:17). a
2. ¿Jas wa spensaran ja Jyoba ja kʼinik bʼa ja wa xyayi stoyjel ja kristyano?
Ja Jyoba wa xyalakabʼtik mok jkʼuluktik jastal ja tuk bʼa jaʼ wa sjipa skʼujole ja kristyano, pes juni trampa (kʼuman ja Jeremías 17:5). Jujuntik kʼin jaʼ bʼa stoyjel ja gobyernoʼik ma koltanumik bʼa país. Bʼa tuk jaʼ wa xyayi stoyjel ja senyaʼik bʼa jun país, jastal ja bandera ma ja wa x-el libre jun país (1 Juan 5:21). Cha tey ja kʼoleʼik bʼa politika. Ta jel xkatikyi stoyjel jun kristyano ma jun organisacion, pe masto ta ja wa spukuwe ja pensarik bʼa kontra ay soka jas wa skʼana oj skʼuluk ja Dyos, ¿jastal waxa pensaran oj yabʼ ja Jyoba?
3. ¿Jas modo wa sjeʼa ke jun kʼin mi lekuk?
Ja Biblia wa xyijnay ja «jelxelxa yujel», ja «kʼinik bʼa jelxelxa» sok ja «kʼinik bʼa yujel» (1 Pedro 4:3). Bʼa jujuntik kʼin, ja kristyano mi skomo sbʼaje sok wa skʼulane jastik jel kistal. Ta wa xkʼanatik mi oj katikan yamigoʼajel ja Jyoba, tʼilani najat lek oj ajyukotik ja bʼa jastik jel kuxik.
LA JNEBʼTIK MAS
La kiltik jastal oja naʼ stsajel jastik lek bʼa ti chʼikan soka kʼin, sok jachuk oja wa gustoʼaxuk ja Jyoba.
4. Mok ajyan bʼa kʼinik ke mi skisawe ja Jyoba
Kʼumanik ja Efesios 5:10 sok loʼilananik sbʼaja jas ti nochani:
-
¿Jasa tʼilan seguro oj ajyukotik ta oj jkʼuluktik jun kʼin ma miyuk?
-
¿Jastik kʼin wa skʼintaye ja bʼa wa lugari?
-
¿Wan maʼ xa kʼuʼan ke lek xyila ja Jyoba?
Jun sjejel, ¿ay maʼ bʼa ajobʼunejabʼaj jas wa spensaran ja Dyos sbʼaja cumpleañoʼik? Ja Biblia mini bʼa wa xyala ta jun yaʼtijum Dyos skʼintaye jun cumpleaño, pe wa xyala bʼa chabʼ cumpleaño ke skʼintaye kristyanoʼik bʼa mi xyaʼteltaye ja Jyoba. Kʼumanik ja Génesis 40:20-22 sok Mateo 14:6-10. Tsaʼan loʼilananik sbʼaja jas ti nochani:
-
¿Jas wa slaja sbʼaj ja chabʼ cumpleaño jaw?
-
Yajni akʼumanta ja loʼilik jaw, ¿jas waxa kʼuʼan wa spensaran ja Jyoba sbʼaja cumpleañoʼik?
Ama jachuk, bʼobʼta waxa jobʼo abʼaj «¿Meran maʼ wa xyila stʼilanil ja Jyoba ta jkʼintay jun cumpleaño ma wajyon bʼa jun kʼin ke kontra ay soka Biblia?». Kʼumanik ja Éxodo 32:1-8. Tsaʼan kʼelawik ja BIDEO sok loʼilananik sbʼaja jas ti nochani:
-
¿Jas yuj tʼilan oj jkʼul jbʼajtik asegurar ja jas lek xyila ja Jyoba?
-
¿Jastal wa xkʼulantik?
¿Jastal oj bʼobʼ jnatik ta ja Dyos lek xyila jun kʼin?
-
¿Ti maʼ eleljan bʼa sjejelik bʼa kontra ay soka Biblia? Bʼa snajel, leʼa bʼa eljan.
-
¿Jel maʼ wa xyayi stoyjel kristyanoʼik, organisacionik ma senyaʼik bʼa país? Ja keʼntiki ja wa xkatikyi stoyjel ja Jyoba yuj chikan jasa sok wa xjipa jkʼujoltik yeʼn oj stojbʼes ja wokolik.
-
¿Kontra maʼ ay soka rasonik wa xyaʼa ja Biblia ja jas wa xkʼulaxi ja tiw? Tʼilani sak oj ajyukotik ja bʼa jsakʼaniltik.
5. Koltay ja tuk bʼa oj skis-e ja jas waxa kʼuʼani
Bʼobʼta wokol yaljel «miyuk» yajni ja tuk tʼilan wa xyalawabʼ oj wajan bʼa jun kʼin bʼa mi lek xyila ja Jyoba. Cholo jachsok pasensya sok kiswanel ja jas atsaʼuneji. Bʼa snajel jas skʼulan june ke jach ekʼ sbʼaj, kʼelawik ja BIDEO.
Kʼumanik ja Mateo 7:12 sok loʼilananik sbʼaja jas ti nochani:
-
Jastalni wa xyala ja bersikulo, ¿sbʼej maʼ oja walyabʼ juna pamilya mok skʼintay jun kʼin ta mi junukxta jawa kʼuʼajelex?
-
¿Jastal oj bʼobʼa jeyi jawa pamilya ke jelxa yajtaye ama mixa kʼintaysoke lajan jun kʼin?
6. Ja Jyoba wa skʼana gusto oj ajyukotik
Ja Jyoba jel sgusto jaʼ oj katik ekʼ gusto jutsʼinik soka jpamilyatik sok ja kamigotik. Kʼumanik ja Eclesiastés 8:15 sok loʼilananik sbʼaja jas ti nochani:
-
¿Jastal wa sjeʼa ja bersikulo jaw ke ja Jyoba wa skʼana gusto oj ajyukotik?
Ja Jyoba cha wa skʼana ke ja yaʼtijumik oj yawe ekʼ gusto jutsʼin lajan. Kʼelawik ja BIDEO bʼa yiljel ke wani xchiktes ja jaw ja asambleaʼik wa xjakye bʼa tuktukil país.
Kʼumanik ja Gálatas 6:10 sok loʼilananik sbʼaja jas ti nochani:
-
¿Tʼilan maʼ skʼulajel kʼin bʼa skʼulajelyi jun jasunuk lek ja tuk?
-
¿Jas tikʼe majtanal waxa kʼana oja waʼ: ja maʼ ja bʼa obligado wa x-axi bʼa jun yajtabʼ, ma jaʼa wa x-axi sok spetsanil jkʼujoltik?
-
Jitsan Testigoʼik wa xchapaweyi jastik junuk ja yuntikile, sok ayni wa xyaweyi jun smajtane. Ta aya wuntikil, ¿jastik chaʼanyabʼal oj bʼobʼa kʼulyile?
JA JAS WA XYALAWE JUJUNTIK: «Mi tʼilanuk snajel jastal kujlaji ja kʼini. Jani mas tʼilan yajel ekʼ gusto soka pamilya sok ja amigoʼik».
-
¿Jas oja wale?
JA JASA NEBʼA
Ja Jyoba wa skʼana oj katik ekʼ gusto jutsʼin soka pamilya sok ja amigoʼik, pe mi skʼana oj jchʼik jbʼajtik bʼa kʼinik mi lek xyila.
Yajel juljkʼujoltik
-
¿Jas sjobʼjelik tʼilan oj kaʼ jbʼajtik bʼa snajel ta lek xyila jun kʼin ja Jyoba?
-
¿Jastal oj bʼobʼ jkoltaytik ja jpamilyatik sok ja kamigotik bʼa oj yabʼye stojol ja jas jtsaʼunejtik soka kʼinik?
-
¿Jastal wa xnaʼatik ke ja Jyoba wa skʼana gusto oj ajyukotik sok oj katik ekʼ gusto?
LEʼA TUK JASTIK
Kʼuman bʼa jujuntik kʼin mi skʼintaye ja snochuman Kristo.
«¿Jas yuj ja testigoʼik bʼa Jyoba mi skʼintaye jujuntik kʼin?» (Artikuloʼik bʼa jw.org)
Paklay chane punto ke wa sjeʼa mi lek xyila ja cumpleañoʼik ja Dyos.
Kʼela ja jas skʼulan jun yal akʼix ja yajni wa xkʼulaji burla yuja mi skʼintay ja Navidad.
Miyonik snochuman Kristo mi skʼintaye ja Navidad. ¿Gusto maʼ aye yuja jaw?
«Staʼawe jun jasunuk mas lek» (Ja Juʼun Cholumani, 1 bʼa diciembre bʼa 2012)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
