Ja Jesús sjeʼa ke ja snebʼumaniki mi teyuke bʼa «sparte ja luʼumkʼinali» (Juan 15:19). Ja jaw wa stojolan ke mi xchʼika sbʼaje bʼa politika sok mini bʼa guerra. Pe ja smeranili mi tolabida pasiluk. Bʼobʼta oj kʼulajuke burlar yuja jaw. ¿Jastal mi oj xchʼik sbʼaje soka luʼumkʼinal sok ajyel toj soka Jyoba?

1. ¿Jastal wa xyilawe ja gobyernoʼik ja snochumanik Kristo?

Ja nochumaniki wa skisawe ja gobyernoʼik. Ja Jesús yala: «Awikyi ja César ja jas sbʼaj ja Cesari». Sok jachni wa skʼulane: wa skʼuʼane ja sleyik yiʼoj ja paisi, jastal stupjel kontribusyonik (Marcos 12:17). Ja Biblia wa sjeʼa, ta ja gobyernoʼik wane mandar, yujni yeʼn yaʼunej permiso ja Jyoba (Romanos 13:1). Ja yuj wa snaʼawe lek ke ja gobyernoʼik ayta stikʼanil ja xchole. Seguro lek aye ke ja Dyos sok ja sGobyerno bʼa satkʼinali oj xchʼaye ja wokolik wa x-ekʼ sbʼaje ja kristyano.

2. ¿Jastal wa sjeʼawe mi xchʼika sbʼaje soka luʼumkʼinal?

Jastalni ja Jesús, mini xchʼika sbʼaje bʼa politika. Yajni ja kristyano yilawe june ja milagroʼik skʼulan ja Jesús sok sleʼawe modo yajel och rey ja bʼa Luʼum, mini skisa (Juan 6:15). ¿Jas yuj? Yeʼnani yala mas tsaʼan: «Ja jGobyerno mi sparteʼuk ja luʼumkʼinal it» (Juan 18:36). Ja snebʼumanik ja Jesús wa sjeʼawe bʼa tuktukil modo ke mi xchʼika sbʼaje soka luʼumkʼinal. Jun sjejel, mi xwajye bʼa guerra (kʼuman ja Miqueas 4:3). Ama wa skisawe ja senyaʼik bʼa paisik, jastal ja bandera, pe mi xyaweyi stoyjel (1 Juan 5:21). Sok mi skontraʼane cha mi skoltaye jun partido cha mini jun politiko. Ja bʼa jastik jaw sok bʼa tuk modoʼik, wa sjeʼawe jani wa skoltaye ja sGobyerno ja Dyos, ja gobyerno yaʼunej kujlajuk.

 LA JNEBʼTIK MAS

3. Ja snochumanotik Kristo mi xchʼika jbʼajtik soka luʼumkʼinal

Ja Jesús sok ja snebʼumaniki yawekitik ja sjejel. Kʼumanik ja Romanos 13:1, 5-7 sok 1 Pedro 2:13, 14. Tsaʼan kʼelawik ja BIDEO sok loʼilananik sbʼaja jas ti nochani:

• ¿Jas yuj tʼilan oj jkistik ja matik ay xchol?

• ¿Jas jujuntik modo wa xjeʼatik kʼuʼabʼal ayotiksoke?

Yajni ay guerra, jujuntik país wa xyalawe ke mi xchʼika sbʼaje, pe wani skoltaye bʼa jun modo june ja bʼa kʼole. Soka it, ¿merani maʼ mi xchʼika sbʼaje? Kʼumanik ja Juan 17:16. Tsaʼan kʼelawik ja BIDEO sok loʼilananik sbʼaja jas ti nochani:

• ¿Jas wa stojolan mi xchʼika jbʼajtik soka luʼumkʼinal?

Ay ekʼele ja matik ay xchol wa xtʼenwaniye bʼa jun jasunuk kontra ay soka sley ja Dyos. ¿Jas wa xkʼulantik ja ekʼeleʼik jaw? Kʼumanik ja Hechos 5:28, 29. Tsaʼan kʼelawik ja BIDEO sok loʼilananik sbʼaja jas ti nochani:

• Ta jun sley ja kristyano kontra ay soka sley ja Dyos, ¿bʼaya oj jkʼuʼuktik?

• ¿Jas ekʼele ja snochumanik Kristo mi oj skʼuʼukeyi ja matik ay xchol?

 4. Moka chʼikabʼaj mini ja bʼa wa pensar sok ja jas waxa kʼulan.

Kʼumanik ja 1 Juan 5:21. Tsaʼan kʼelawik ja BIDEO sok loʼilananik sbʼaja jas ti nochani:

• ¿Jas yuj stsaʼa ja Ayenge mi oj xchʼik sbʼaj bʼa politika cha mini skʼulajel saludar ja bandera?

• ¿Wan maʼ xa kʼuʼan ke lek ja jas skʼulani?

¿Jastik ekʼele oj bʼobʼ och probar ja mi xchʼika jbʼajtiki? Kʼelawik ja BIDEO sok loʼilananik sbʼaja jas ti nochani:

• ¿Jastal oj bʼobʼ jetik mi xchʼika jbʼajtik yajni wa x-ajyi tajnelik ke wa xjakye bʼa tuktukil país?

• ¿Jastal mi oj jchʼik jbʼajtik ama yuja jastik oj stsaʼe ja politikoʼik oj kiltik smaloʼil ma slekilal?

• ¿Jastal oj bʼobʼ sjom ja jastal mi xchʼika jbʼajtiki ja notisyaʼik ma ja matik sjoybʼunejotiki?

 JA JASA NEBʼA

Ja nochumanik Kristo jel skʼujolane mi xchʼika sbʼaje bʼa politika, wa xchiknaji ja bʼa jas wa spensarane, wa xyalawe sok wa skʼulane.

Yajel juljkʼujoltik

• ¿Jasa cholal kiʼojtik soka gobyernoʼik?

• ¿Jas yuj mi xchʼika jbʼajtik bʼa politika?

• ¿Jastik ekʼele oj bʼobʼ och probar ja mi xchʼika jbʼajtik soka luʼumkʼinal?