SJEJEL 47
¿Chapanxa maʼ aya bʼa oja wi jaʼ?
Jelxani jas anebʼata bʼa Jyoba yuja jasa kʼulanta estudiar ja bʼa Biblia. Cha bʼobʼta ayxani jas atukbʼesta ja bʼa wa sakʼanil bʼa yajel makunuk ja jaw. Pe bʼobʼta ay jas wa stimawa bʼa oja wayi jawa sakʼanil ja Jyoba sok oja wi jaʼ. Ja bʼa sjejel it oj xchol jujuntik wokol wa xtimwani bʼa yijel jaʼ sok jastal oja kʼul ganar.
1. ¿Janekʼ tʼilan oja naʼ bʼa Biblia bʼajtanto oja wi jaʼ?
Bʼa oja wi jaʼ, tʼilani oj ajyukawuj «meran snajelil sbʼaja smeranili» (1 Timoteo 2:4). Ja jaw mi wa stojolan ke tʼilan oj chʼaka naʼ ja sjakʼjel ja sjobʼjelik oj ajukawi bʼa Biblia. Asta ja matik jitsanxa jabʼil yiʼuneje jaʼ tʼilani mi oj yaʼekan snebʼjel (Colosenses 1:9, 10). Pe tʼilan ay jas oja wabʼ stojol: ja jastik mas tʼilan yiʼoj ja Biblia. Ja ansyanoʼik bʼa kongregasyoni oj skoltaya bʼa yiljel ta ayxa wiʼoj snajel bʼa Biblia.
2. ¿Jastik tʼilan oja kʼuluk bʼajtanto oja wi jaʼ?
Ja Biblia wa xyala: «Asutxuka kʼujolex sok kumxanik» (kʼuman ja Hechos 3:19). Ja jaw tʼilani oja kʼuluk bʼajtanto oja wi jaʼ. Ja jaw wa stojolan waxa naʼa malaya chikan jas mulal akʼulunej sok waxa kʼana ke ayaʼa perdon ja Jyoba. Chomajkil puesto aya mi oja kʼuluk ja jas mi lek xyila sok oja wi jawa sakʼanil jastalni wa skʼana. Cha wanxa la waj ja reunioniki sok xcholjel ja lekil rasonik jastal choluman mito yiʼunejuk jaʼ.
3. ¿Jas yuj moka wakan a-stim-a ja xiwel?
Jujuntik wa xiwye mi oj bʼobʼ yawe kʼotuk ja jas wa skʼapaweyi ja Jyoba. Meran, ayni ekʼele oja kʼojchuka wok, jastalni ekʼ sbʼaje ja tojil kristyano wa staʼa tiʼal ja Biblia. Pe ajuluka kʼujol ke ja Jyoba mi wa smajlay toj lek oj kʼotuke ja yaʼtijumik (kʼuman ja Salmo 103:13, 14). Gustoni oj ajyuk ta waxa kʼulan ja janekʼ wa xbʼobʼawuj. Ojni cha skoltaya. Wani xyala kabʼtik ke mi jas «oj bʼobʼ spilotik ja bʼa syajal skʼujol ja Dyos» (kʼuman ja Romanos 8:38, 39).
LA JNEBʼTIK MAS
La kiltik chabʼ jasunuk ke oj skoltaya bʼa mi jas oj stim-a bʼa yijel jaʼ: snajel sbʼaj lek ja Jyoba sok skisjel ja skoltanel.
4. Naʼa sbʼaj lek ja Jyoba
¿Janekʼ tʼilan oja naʼ sbʼaj ja Jyoba bʼajtanto oja wi jaʼ? Tʼilan oja naʼ lek sbʼaj bʼa oja yajtay sok skʼanjel skʼuʼajel ja smandarik. Kʼelawik ja BIDEO bʼa yiljel jastal bʼobʼelyujile ja jaw ja estudianteʼik bʼa Biblia bʼa sutanal ja luʼum. Tsaʼan loʼilananik sbʼaja jas ti nochani:
-
¿Jasa koltajiye jujuntik estudiante bʼa chapan oj ajyuke yijel jaʼ?
Kʼumanik ja Romanos 12:2 sok loʼilananik sbʼaja jas ti nochani:
-
¿Ay maʼ awiʼoj duda sbʼaja jas wa sjeʼa ja Biblia? ¿Wan maʼ xa kʼuʼan ke ja Testigoʼik wa sjeʼawe ja smeranil?
-
¿Jas oj bʼobʼa kʼuluk ta aya wiʼoji?
5. Kʼulan ganar chikan jas wokol
Jpetsaniltik jtʼaspuntik wokol yajni jtsaʼatik yajelyi ja jsakʼaniltik ja Jyoba sok yijel jaʼ. Bʼa yiljel jun sjejel, kʼelawik ja BIDEO sok loʼilananik sbʼaja jas ti nochani:
-
¿Jastik wokol skʼulan luchar ja Narangerel bʼa yaʼteltajel ja Jyoba?
-
¿Jastal koltaji ja yajalkʼujol yiʼoj bʼa Jyoba bʼa skʼulajel ganar?
Kʼumanik ja Proverbios 29:25 sok 2 Timoteo 1:7, sok loʼilananik sbʼaja jas ti nochani:
-
¿Bʼa wa xjak ja kiptik bʼa skʼulajel ganar ja wokolik?
6. Jipakʼujol ke oj skoltaya ja Jyoba
Ja Jyoba oj skoltaya skʼulajel ja jas wa smajlay bʼa weʼn. Kʼelawik ja BIDEO sok loʼilananik sbʼaja jas ti nochani:
-
¿Jas yuj wa xiw oj yi jaʼ ja estudiante?
-
¿Jasa koltajiyuj bʼa oj sjip skʼujol mas bʼa Jyoba?
Kʼumanik ja Isaías 41:10, 13 sok loʼilananik sbʼaja jas ti nochani:
-
¿Jas yuj oj bʼobʼ ajyan seguro ke oj wa kʼotuk ja kʼapjelal bʼa yajelyi jawa sakʼanil ja Jyoba?
7. Aʼa tsʼakatal yuja yajalkʼujol bʼa Jyoba
Yajni mas xa pensaran ja jastal jel skʼanawa ja Jyoba, mas oja wayi tsʼakatal sok mas oj yawi gana yaʼteltajel tolabida. Kʼumanik ja Salmo 40:5 sok loʼilananik sbʼaja jas ti nochani:
-
¿Jastik majtanal bʼa Jyoba mas chaʼanyabʼal xa wila?
Ja aluman Jeremías syajtay ja Jyoba sok ja srasoni, sok jelni chaʼanyabʼal yila ja yiʼaj ja sbʼiʼili. Ja yeʼn yala: «Jawa wabʼaliki kʼot taxuk sok jloʼan; sok jawa wabʼali kʼot gustoʼil sok alegreʼil ja bʼa jkʼujol, pes ja keʼn kiʼoj jawa bʼiʼili, ah Jyoba Dyos bʼa kʼakʼanumik» (Jeremías 15:16). Ayi sjakʼjel ja sjobʼjelik it:
-
¿Jas yuj jel chaʼanyabʼal ja kʼotel testigo bʼa Jyoba?
-
¿Wan maʼ xa kʼana oja wi jaʼ bʼa oj kʼotan Testigo?
-
¿Ay maʼ jas wa stimawa?
-
¿Jas oja kʼuluk bʼa oj lajxukawuj ja wa kʼelsat bʼa yijel jaʼ?
JA JAS WA XYALAWE JUJUNTIK: «Wala xiwyon mi oj jchʼak jkʼuluk ja jas wa xkʼapxi bʼa yijel jaʼ».
-
¿Jach maʼ waxa wabʼ?
JA JASA NEBʼA
Soka skoltanel ja Jyoba, oj bʼobʼa kʼul ganar chikan jas wokol bʼa wa stimawa yijel jaʼ.
Yajel juljkʼujoltik
-
¿Janekʼ tʼilan oja naʼ bʼa Biblia bʼajtanto oja wi jaʼ?
-
¿Jastik tʼilan oja kʼuluk bʼajtanto oja wi jaʼ?
-
¿Jas yuj moka wakan a-stim-a ja xiweli?
LEʼA TUK JASTIK
Paklay ja jas tʼilan oj snik-a bʼa oja wi jaʼ.
«¿Chapanxa maʼ aya bʼa yijel jaʼ?» (Ja Juʼun Cholumani, marzo bʼa 2020)
Ila jastal oja kʼul ganar jujuntik wokol bʼa bʼobʼta wa stimawa.
«¿Ayto maʼ jas wa stimawon bʼa oj ki jaʼ?» (Ja Juʼun Cholumani, marzo bʼa 2019)
Ila jastal jun winik bʼobʼ skʼul ganar ja wokolik bʼa oj bʼobʼ yi jaʼ.
Jun winik sbʼiʼil Ataa, ja bʼajtanto skʼulan dudar ta oj yi jaʼ. Ila jasa aji kʼokxuk bʼa oj skʼuluk.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
