¿Chapanxa maʼ ayon?
¿Chapanxa maʼ ayon bʼa oj jchol soka kongregasyon?
Chapanxani aya bʼa oj ochan jun choluman mito yiʼunejuk jaʼ ta...
... kʼajyela skʼuljel estudiar ja Biblia, yajelyi orasyon sok wajel ja bʼa reunionik.
... waxa kʼuʼan sok chaʼanyabʼal xa wila ja jas wana snebʼjeli sok waxa kʼana oja walyabʼ ja tuk.
... waxa yajtay ja Jyoba sok aleʼunej awamigoʼik bʼa wa xcha syajtaye.
... mixa chʼikanuka bʼa jun organisacion ma bʼa relijyon mi meranuk.
... waxa wiʼaj jawa sakʼanil ja jas yaʼunejkan kulan ja Dyos sok waxa kʼana oj ochan Testigo.
Ta chapanxa aya xa wabʼ bʼa xcholjel soka kongregasyon, jawa maestro oj yalyabʼ ja ansyanoʼik. Jaxa yeʼnle oj loʼilanuke amok bʼa yiljel ta wanxa xlajxi awuj ja jas wa xkʼanxi.
¿Chapanxa maʼ ayon bʼa oj kiʼ jaʼ?
Chapanxani aya bʼa oja wi jaʼ ta...
... junxa cholumana.
... tikʼanxta waxa cholo sok ja janekʼ wa xbʼobʼawuj.
... waxa koltay ja «moso jel toj sok wa spensaraʼan leki» sok waxa nocho ja stojelal (Mateo 24:45-47).
... akʼulunejxa jun orasyon bʼa oja wayi jawa sakʼanil ja Jyoba sok waxa kʼana oja waʼteltay tolabida.
Ta chapanxa aya xa wabʼ bʼa yijel jaʼ, jawa maestro oj yalyabʼ ja ansyanoʼik. Jaxa yeʼnle oj loʼilanuke amok bʼa yiljel ta wanxa xlajxi awuj ja jas wa xkʼanxi.
