Ja lekil kamigotiki mas jitsan wa xya ajyuk ja jgustoʼiltik. Soka skoltanele, ja jwokoltiki mas tʼusan. Pe talnabʼaj, ja Biblia wa xyala ke mi spetsaniluke lekil amigoʼe. Anto, ¿jastal oj bʼobʼa tsaʼ ja wamigoʼik? Paklay ja sjobʼjelik yiʼoj ja sjejel it.

1. ¿Jastal oj bʼobʼ sjoma ja wamigoʼik?

Lek ma mi lekuk, jachni wala kʼotik jastal ja maʼ mas wa xmojtaytik. Seʼa ja yajni wa xmojtaytike ma kechan loʼilanel bʼa internet. Jachni wa xyala ja Biblia: «Ja maʼ wan bʼejyel soka bibo cha ojni kʼot bibo, pe ja maʼ wa smojtay ja matik sonso [kristyanoʼik ke mi syajtaye ja Jyoba] mini lek oj elkʼota» (Proverbios 13:20). Ja wamigoʼik ke wa syajtaye sok wa stoyowe ja Jyoba ojni skoltaya bʼa mojan oj ajyan soka yeʼn sok stsajel jastik bʼa lek. Pe ta ja wamigoʼik mi xyaʼteltaye ja Jyoba, ojni bʼobʼ jitsan soka yeʼn. Jakʼa yuj ja Biblia wa xyakitik ja rason ke la jtsatik lek ja kamigotik. Yajni ja kamigotik cha wa syajtaye ja Dyos, wa xkatik el slekil ja keʼntik cha jachuk ja yeʼnle. Kechan jachuk, wa xbʼobʼ jkʼuluktik ja rason it: «Moka waʼexkan stsatsankʼujolajel abʼajex sok skoltajela bʼajex, jastalni wanexjan skʼulajel» (1 Tesalonicenses 5:11).

2. ¿Tʼilan maʼ xyila ja Jyoba ja wamigoʼik waxa tsaʼa?

Ja Jyoba wa stsaʼa lek ja yamigoʼik. Pes «jel mojan ay soka matik toj ayi» (Proverbios 3:32). ¿Jastal maʼ oj yabʼ ja Jyoba lekbʼi xmojtaytik ja matik mi xyajtajiyuji? ¡Jelni oj tristeʼaxuk! (Kʼuman ja Santiago 4:4). Pe ta mi tʼun xmojtaytike ja matik mi lek smojtajele sok wala mojxitik soka yeʼn sok ja matik wa xyajtajiyuji, ja Jyoba oj gustoʼaxuk sok oj yamigoʼukotik (Salmo 15:1-4).

 LA JNEBʼTIK MAS

4. Oj bʼobʼ kʼotuke lekil kamigotik ja kristyano bʼa tuke yuja keʼntik

Ja Biblia wa staʼa tiʼal bʼa David sok Jonatán, chabʼ winik bʼa poko Israel. Ama tuktukil ja sjabʼile sok ja sakʼanile, yabʼye stsamalil yamigoʼajel sbʼaje. Kʼumanik ja 1 Samuel 18:1 sok loʼilananik sbʼaja jas ti nochani:

• ¿Jas yuj mi tʼilanuk ke ja kamigotik junxta ja jabʼiltiksoke ma ja kabʼaltike?

Kʼumanik ja Romanos 1:11, 12 sok loʼilananik sbʼaja jas ti nochani:

• ¿Jastal wa stsatsankʼujolan sbʼaje ja amigoʼik wa syajtaye ja Jyoba?

¿Jastal staʼa yamigoʼik jun kerem bʼa mini jaʼ wa smajlay? Kʼelawik ja BIDEO sok loʼilananik sbʼaja jas ti nochani:

• ¿Jas yuj wa xcham skʼujole ja snantat ja Akil yuja yamigoʼik ja bʼa yeskuela?

• ¿Jas yuj ja Akil lek xyila ajyi ja yamigoʼik?

• ¿Jas skʼulan bʼa mixa stuchʼil oj yabʼ oj ajyuk?

 5. Jastal stajel lekil amigoʼik

 JA JASA NEBʼA

Yajni wa stsaʼatik lek ja kamigotik, lek wa xwajkujtik sok wa xgustoʼaxi ja Jyoba.

Yajel juljkʼujoltik

• ¿Jas yuj ja Jyoba tʼilan xyila ja amigoʼalik wa stsaʼatik?

• ¿Jas tikʼe amigoʼik mok jmojtaytik?

• ¿Jastal oj bʼobʼa wamigoʼik ja matik lek smojtajele?