Ja matik ajkʼachto nupanele wa skʼanawe ke oj albʼuk tolabida ja gustoʼil yabʼye ja yajni nupaniye. Sok ojni bʼobʼuka. Ja jaw wani snaʼawe lek ja snochuman Kristo bʼa ayxa tyempo nupanele sok skʼujolanuneje snochjel ja rasonik bʼa Biblia.

1. ¿Jas rasonik wa x-ajiyi ja tatamal yuja Biblia?

Ja Jyoba yayi ja tatamal ja cholal bʼa olomal bʼa pamilya (kʼuman ja Efesios 5:23). Wa smajlay ke oj stsaʼ jastik bʼa oj ya el slekil ja spamilya. Ja Biblia wa xyayi ja rason it ja tatamalik: «Moka waʼexkan syajtajel jawa cheʼumex» (Efesios 5:25). ¿Jas wa stojolan? Ja tatamal ke wa syajtay ja xcheʼumi yajxta wa xyila ja yajni stuchʼile sok ja yajni ay jitsan kristyano. Wa stalnay sok wa skʼujolan yajelyi ja jas wa xmakuniyuj sok ja jastal wa xyabʼ ayi (1 Timoteo 5:8). Cha wa skoltay ja jastal wa xyila sbʼaj soka Dyos (Mateo 4:4). Jun sjejel, oj bʼobʼ yayisok orasyon sok skʼumajel ja Biblia. Ta sok yajalkʼujol wa stalnay, mini xjom ja jastal wa xyila sbʼaj soka Dyos (kʼuman ja 1 Pedro 3:7).

2. ¿Jas rasonik wa x-ajiyi ja cheʼumal yuja Biblia?

Ja Yabʼal ja Dyos wa xyala ke ja cheʼumali «tʼilani oj skis lek ja statami» (Efesios 5:33). ¿Jastal oj bʼobʼyuj? Ojni bʼobʼ spensaraʼuk ja bʼa lekil smodoʼik ja statam, ja janekʼto wa skʼujolan wa xtalnaji ja yeʼn sok ja yuntikile. Cha oj bʼobʼ sjeʼ wa skisa ja jas wa stsaʼa ja yajni wa skoltay, ja tsamalxta wa skʼuman sok wa staʼa tiʼal lek, cha jachuk ta mi junukxta ja skʼuʼajele.

3. ¿Jastal oj bʼobʼ yawe tsatsbʼuk ja snupanele?

Ja Biblia wa xyala yabʼ ja matik nupanelexa: «June ita oj kʼotuke xchawanile» (Mateo 19:5). Ja jaw wa stojolan ke tʼilan mok jas skʼuluke jastik bʼa oj ajuk najatbʼuke. Ja yuj kʼajyel wa xyawe ekʼ tyempo lajan, yaljel ja jas wa spensarane sok yaljel jaman lek sok yajalkʼujol ja jastal aye. Chomajkil, mini xyilawe mas tʼilan pilan jasunuk bʼa mi jaʼuk ja Jyoba sok ja snupeʼi. Sok xchawanile wa stalnay sbʼaje bʼa mi jel kʼubʼan oj ajyukesok june bʼa mi jaʼuk ja snupe.

 LA JNEBʼTIK MAS

4. Tatamal, yajtay sok talnay jawa cheʼum

5. Cheʼumal, yajtay sok kisa jawa tatam

Ja Biblia wa xyayi rason ja cheʼumal ke a-skis ja statam ama wa syajtay ma miyuk ja Jyoba. Kʼumanik ja 1 Pedro 3:1, 2 sok loʼilananik sbʼaja jas ti nochani:

• Ta jawa tatami mi xyaʼteltay ja Jyoba, wani maʼ xa kʼana ke oj yaʼteltay. ¿Jasa mas oj skoltaya: xcholjel yabʼ tolabida ma jaʼ soka wa modo sok waxa kisa? ¿Jas yuj jach waxa pensaran?

Ojni bʼobʼ stsaʼe lajan jastik bʼa lek ja tatamal sok ja cheʼumal. Meran, ja yeʼn mini tolabida akuerdo oj ajyuksok. Ja bʼa ekʼele jaw, ja cheʼumali  oj bʼobʼ yal ja jas wa spensaran jach laman sok wa xkiswani. Pe tʼilan ajul skʼujol ke ja Jyoba ja yaʼunejyi ja tatamal ja cholal bʼa stsajel ja jas mas lek ja bʼa spamilya. Sok wani xmajlaxi ke a-skoltay ja janekʼ wa xbʼobʼyuj. Jachuk ojni ajyuk ja gustoʼil ja bʼa spamilya. Kʼumanik ja 1 Pedro 3:3-5 sok loʼilananik sbʼaja jas ti nochani:

• ¿Jastal wa xyabʼ ja Jyoba ja yajni wa xyila ke ja cheʼumal wa skisa ja statam?

6. Ojni bʼobʼ tojbʼuk ja wokolik ja bʼa nupaneli

 JA JASA NEBʼA

Ja tatamal sok ja cheʼumal oj bʼobʼ ajyuke gusto ta wa syajtay sbʼaje, wa skisa sbʼaje sok wa xyawe makunuk ja rasonik bʼa Biblia.

Yajel juljkʼujoltik

• ¿Jastal oj bʼobʼ koltanuk ja tatamal bʼa oj ajyuk gustoʼil ja bʼa nupanel?

• ¿Jastal oj bʼobʼ koltanuk ja cheʼumal bʼa oj ajyuk gustoʼil ja bʼa nupanel?

• Ta nupanelaxa, ¿jas rason bʼa Biblia oj skoltaya yajel tsatsbʼuk jawa nupanel?