SJEJEL 50
¿Jastal oj bʼobʼ ajyuk gusto jawa pamilya? (xchabʼil)
Ja untiki jun majtanal bʼa Jyoba. Ja yeʼn wa smajlay ke ja nantatalik oj stalnaye lek ja majtanal jaw. Ja yuj wa xyayile lekil rasonik bʼa oj lajxukyujile. Cha wa xyayi rasonik ja untiki ke akoltanuke bʼa lek oj ajyuk ja pamilya.
1. ¿Jas rasonik wa xyayi ja Jyoba ja nantatalik?
Ja Jyoba wa smajlay ke ja tatal sok ja nanal a-syajtaye ja yuntikile sok a-spileyi tyempo. Cha wa skʼana ke a-stalnaye bʼa chikan jas xiwela sbʼaj sok a-stoje jastalni wa xyala ja rasonik bʼa Biblia (Proverbios 1:8). Ja Dyosi wa xyayi ja rason it ja olomalik bʼa pamilya: «Awik kʼiʼuke soka tojelal [...] wa xyaʼa ja Jyoba» (kʼuman ja Efesios 6:4). Ja Jyoba jel skʼulan gusto ja wa xyila ke ja nantatalik jaʼ wa xyiʼaje ja stojelal ja yajni wa xyawe kʼiʼuk ja yuntikile sok ja mi pilan maʼ wa xyaweyi ja cholal jaw.
2. ¿Jas rasonik wa xyayi ja Jyoba ja untik?
Ja Jyoba wa skʼanayi ja untiki: «Kʼuʼabʼal ajyanik soka wa nantatex» (kʼuman ja Colosenses 3:20). Ta jun untik wa skʼuʼan sok wa skisa ja snantati jelni oj ya gustoʼaxuke sok jachuk ja Jyoba (Proverbios 23:22-25). Ja Jesús wajni jun lekil untikal: ama mey yiʼoj mulal, skʼuʼan sok skisa ja snantat mulanume (Lucas 2:51, 52).
3. ¿Jas oj bʼobʼ skʼuluke ja pamilya bʼa oj ajyuke mojan soka Jyoba?
Ta aya wuntikil, seguro waxa kʼana ke oj syajtaye ja Jyoba jastalni ja weʼn. ¿Jastal oj bʼobʼ lajxukawuj? Jani snochjel ja rason it bʼa Biblia: «Tʼilan oja jeʼyi jawa wuntikili sok stajel tiʼal ja bʼa jaw ja yajni wana jijlel ja bʼa wa naji, yajni wajuma bʼa bʼeji» (Deuteronomio 6:7). Sjejelyi jani yaljel yabʼ tikʼan ja jastik junuk. Seguro ke wani xa naʼa ke jitsan ekʼele oja wa julyi skʼujol ja wuntikil bʼa oj kan skʼujole. Ja jas wa xkʼan yal ja teksto jaw, ke tʼilan oja leʼ modo ja bʼa kʼakʼu oj loʼilanan soka wa wuntikil bʼa Jyoba. Cha lekni ke spetsanil ja pamilya oj spil-e tyempo kada semana jach lajan bʼa yajelyi stoyjel ja Jyoba skʼulajel estudiar ja Biblia. Sok ama meyuka wuntikil, skʼulajel estudiar ja Yabʼal ja Dyos atuchʼil kada semana jel oj skoltaya.
LA JNEBʼTIK MAS
La jpaklaytik jujuntik rasonik bʼa wa xkoltani ke seguro oj ajyuke ja pamilyaʼik sok gusto.
4. Tojo sok yajalkʼujol ja wuntikili
Stojel jun untik bʼobʼta jelni wokol. ¿Jastal oj bʼobʼ skoltaya ja Biblia? Kʼumanik ja Santiago 1:19, 20 sok loʼilananik sbʼaja jas ti nochani:
-
¿Jastal oj bʼobʼ sjeʼeyi ja nantatalik wa syajtaye ja yuntikile ja wa xloʼilaniyesok?
-
Ta ja tatal tajkel ay, ¿jas yuj nunka oj stoj ja yuntikil? a
5. Talnay ja wuntikil
Bʼa oja talnay ja wuntikil tʼilan oj loʼilanansoke kada jujune sbʼaja stajel sbʼaj jun ixuk sok winik. Meran, bʼobʼta mi pasiluk. Kʼelawik ja BIDEO sok loʼilananik sbʼaja jas ti nochani:
-
¿Jas yuj jujuntik nantatal wokol xyabʼye loʼilanel soka yuntikile ja stajel sbʼaj jun ixuk sok winik?
-
¿Jasa koltubʼale jujuntik nantatal loʼilanelsok ja yuntikile sbʼaja jaw?
Jastalni alubʼalxakan, ja sluʼumkʼinal ja Satanás masni jelxa malo. Kʼumanik ja 2 Timoteo 3:1, 13 sok loʼilananik sbʼaja jas ti nochani:
-
Jujuntik ja kristyano jel malo wa staʼa tiʼal ja bersikulo 13 wa xyixtalane yal untik. Anto, ¿jas yuj ja nantatalik tʼilan oj xchol-e yabʼ ja yuntikile ja stajel sbʼaj jun ixuk sok winik? ¿Jastal oj bʼobʼ stalnaye ja bʼa ixtalanel?
¿Wan maʼ xa naʼa ajyi?
Ja Testigoʼik wa xyawe el jitsan yamkʼabʼalik bʼa jastal ja nantatalik oj xchol-e yabʼ ja yuntikile ja stajel sbʼaj jun ixuk sok winik sok stalnajele ja bʼa ixtalanel. Ila jujuntik:
-
Talnayik jawa wuntikilexi (bideo)
-
«Jastal loʼilanel soka wuntikil ja stajel sbʼaj ixuk sok winik» (¡Kʼeʼan!, núm. 5 2016)
6. Kisa jawa nantat
Ja yal untik sok ja solteroʼiki tʼilan oj skis-e ja snantate, sok ti wa xchiknaji ja bʼa jastal wa skʼumane. Kʼelawik ja BIDEO sok loʼilananik sbʼaja jas ti nochani:
-
¿Jas yuj jun kerem lekni ja tsamalxta a-skʼumuk ja snantat?
-
¿Jastal oj bʼobʼ sjeʼ wa skisa ja snantat jun kerem?
Kʼumanik ja Proverbios 1:8 sok loʼilananik sbʼaja jas ti nochani:
-
¿Jasa tʼilan oj skʼuluk jun kerem ta aljiyabʼ ja jas oj skʼuluk yuja snantat?
7. Toyowik lajan ja Jyoba soka pamilya
Ja testigoʼik bʼa Jyoba wa spilawe jun tyempo kada semana bʼa stoyjel ja Dyos soka spamilyaʼe. ¿Sok jastal wa skʼulane? Kʼelawik ja BIDEO sok loʼilananik sbʼaja jas ti nochani:
-
¿Jas oj bʼobʼ skoltaya skʼulajel ja tsomjelal bʼa pamilya jach tikʼan?
-
¿Jastal oj bʼobʼyujile ja nantatalik ja tsomjelal bʼa pamilya oj yawe el slekilal sok oj yabʼye stsamalil? (Kʼela ja poto bʼa skʼeʼulabʼili).
-
¿Ay maʼ jas wa xbʼobʼ stima bʼa skʼulajel estudiar soka pamilya? ¿Jasa?
Ja bʼa najate, ja Jyoba wa smajlay ke ja pamilyaʼik israʼelenyo aʼajyuk yujile ja kostumbre loʼilanel ja bʼa Yabʼal ja Dyos. Kʼumanik ja Deuteronomio 6:6, 7 sok loʼilananik sbʼaja jas ti nochani:
-
¿Jastal oj bʼobʼ wa makunuk ja rason jaw?
Modoʼik jastal skʼulajel ja tsomjelal bʼa pamilya:
-
Chapabʼajik ja bʼa reunionik.
-
Kʼumanik sok kʼulanik komentar jun loʼil bʼa Biblia bʼa oj ya-el slekilal ja pamilya.
-
Ta ay yala wuntikil, akoʼuk ma kʼulan imprimir junuk sbʼaja yal untik bʼa jw.org.
-
Ta aya wuntikil solteroʼexa, tsaʼawik jun artikulo ja bʼa keremtik akʼixuk bʼa jw.org.
-
Jeʼawik weʼnlex jun kristyano bʼa Biblia.
-
Kʼelawik sok loʼilananik sbʼa jun bideo bʼa jw.org.
JA JAS WA XYALAWE JUJUNTIK: «Jel wokol oj yabʼye stojol ja yal untik ja Biblia».
-
¿Jas waxa pensaran?
JA JASA NEBʼA
Ja Jyoba wa skʼana ke ja nantatalik a-syajtaye ja yuntikile, a-stoje sok a-stalnaye; ke ja untiki a-skise sok a-skʼuʼuke ja snantate, sok ja pamilyaʼik a-stoye lajan.
Yajel juljkʼujoltik
-
¿Jastal oj bʼobʼ stoje sok oj stalnaye ja yuntikil ja nantatalik?
-
¿Jastal oj bʼobʼ sjeʼ ja untik ke wa skisawe ja snantate?
-
¿Jasa slekilal ja spiljel tyempo kada semana bʼa stoyjel ja Dyos soka pamilya?
LEʼA TUK JASTIK
¿Jastik modoʼal oj koltajuk ja wuntikil ja yajni niwanxa?
«Wake modoʼal jel oj koltajuke ja wuntikili» (¡Kʼeʼan! núm. 2 2019)
Kʼuman jujuntik rason oj koltajuk ja matik wane stalnajel june awelxa.
Ila jastal jun winik mi snaʼa jastal oj yaʼ kʼiʼuk ja yuntikil kʼot jun lekil tatal.
Ila jastal jun tatal mas lek oj bʼobʼ yiʼ sbʼaj soka yuntikil.
a Yajni ja Biblia wa staʼa tiʼal stojel, jani wan stajel tiʼal sjejel sok yajel tojelal. Mini tʼun ti chʼikanuk maloʼil sok ixtalanel (Proverbios 4:1).
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
