SJEJEL 51
¿Jastal yajel gustoʼaxuk ja Jyoba soka jas wa xkalatiki?
Yajni ja Jyoba skʼulanotik, yakitik jun tsamal majtanal: ja kʼumanel. ¿Tʼilan maʼ xyila ja jastal wa xkatik makunuk ja majtanal jaw? ¡Tʼilaniʼa! (Kʼuman ja Santiago 1:26). Anto, ¿jastal oj bʼobʼ katik makunuk bʼa jun modo ke lek xyila ja Jyoba?
1. ¿Jastal yajel makunuk lek ja majtanal jaw bʼa Jyoba?
Ja Biblia wa xyala kabʼtik: «Moka waʼexkan stsatsankʼujolajel abʼajex sok skoltajela bʼajex» (1 Tesalonicenses 5:11). ¿Wan maʼ xa naʼa bʼa june ke wa skʼana stsatsankʼujolajel? ¿Ay maʼ jas oj bʼobʼa kʼuluk bʼa yeʼna? A-snaʼ janekʼto chaʼanyabʼal waxa wila. Bʼobʼta oja walyabʼ ja jastik lek waxa wila bʼa yeʼna. ¿Wan maʼ xjula kʼujol jun teksto ke oj bʼobʼ stsatsankʼujoluk june maʼ waxa naʼa sbʼaj? Ay jitsan bʼa oja tsaʼ. Cha ajuluka kʼujol ke ja jastal waxa wala sok ja yaljeliki wa xbʼobʼ jomjuk ja tuk. Ja yuj tolabida leʼa modo kʼumanel kʼunxta sok laman (Proverbios 15:1).
2. ¿Jas tikʼeʼik kʼumal mok elkujtik?
Ja Biblia wa xyala: «Mok eluk ja bʼa wa tiʼex kistal yaljelik» (kʼuman ja Efesios 4:29). Ja jaw wa stojolan mok katik makunuk yaljelik bʼa kux mini yaljel jastik bʼa yaj sok bʼa kʼixwela sbʼaj bʼa syajbʼesel ja tuk. Cha mok loʼiltanukotik mini abʼaltanel (kʼuman ja Proverbios 16:28).
3. ¿Jas oj skoltayotik kʼumanel bʼa wa xtulwani?
Ja jas wa xkalatik wa xchiktes ja jas mero wa xkabʼtik sok wa xpensarantik (Lucas 6:45). Ja yuj tʼilan oj kʼajyukotik spensarajel jastik bʼa lek, wa xkʼan kaltik, jastik toj, sak, sbʼej oj toyxuk sok wa xnikwani yajtanel (Filipenses 4:8). Bʼa oj bʼobʼuk, tʼilan oj tsatik lek ja jas wa xkatik ekʼsok gusto sok slejel lekil amigoʼik (Proverbios 13:20). Cha lekni spensarajel bʼajtanto kʼumanel. Pensaran jastal oj yabʼ ja tuk soka jas oja wal. Ja Biblia wa xyala: «Ja yajni mi xpensaraʼaxi ja jas wa x-alxi jach jastal ja syajbʼesnel jun espada, pe ja yakʼ ja matik bibo wa xyajnay ja yajbʼeli» (Proverbios 12:18).
LA JNEBʼTIK MAS
La kiltik jas tikʼe kʼumal lek xyila ja Jyoba sok bʼa wa stsatsankʼujolani.
4. Talnabʼaj soka jas waxa wala
Jpetsaniltik ayni wa xkalatik jun jasunuk bʼa tsaʼan wa xnaʼatik malaya (Santiago 3:2). Kʼumanik ja Gálatas 5:22, 23 sok loʼilananik sbʼaja jas ti nochani:
-
¿Jastik ja bʼa modoʼal jaw oja kʼanyi ja Jyoba bʼa skomjel ja jas waxa wala sok jastal waxa wala? ¿Jastal oj skoltaya ja modoʼalik jaw?
Kʼumanik ja 1 Corintios 15:33 sok loʼilananik sbʼaja jas ti nochani:
-
Ja wamigoʼik sok ja jas waxa wa ekʼ gusto, ¿oj maʼ bʼobʼ sjom ja jastal wala kʼumani? ¿Jastal?
¿Jas oj nikwanuk ja jastal wala kʼumani?
Kʼumanik ja Eclesiastés 3:1, 7 sok loʼilananik sbʼaja jas ti nochani:
-
¿Jas ekʼele lek kanel chʼabʼan ma smajlajel jas tyempo lek yaljel jun jasunuk?
5. Taʼa tiʼal lek ja tuk
¿Jas oj jkʼuluktik bʼa mi oj kaltik jastik bʼa wa xyajbʼesni? Kʼelawik ja BIDEO sok loʼilananik sbʼaja jas ti nochani:
-
¿Jas yuj ja hermano wa skʼana oj stukbʼes ja jastal modo wa staʼa tiʼal ja tuk?
-
¿Jasa skʼulan bʼa lajxiyuj?
Kʼumanik ja Eclesiastés 7:16 sok loʼilananik sbʼaja jas ti nochani:
-
¿Jasa tʼilan oj juljkʼujoltik yajni wa xkʼanatik yaljel jun jasunuk mi lek bʼa june?
Kʼumanik ja Eclesiastés 7:21, 22 sok loʼilananik sbʼaja jas ti nochani:
-
Yajni ay maʼ wa xyala jun jasun mi lek bʼa weʼn, ¿oj maʼ bʼobʼ skoltaya ja bersikuloʼik jaw bʼa skomjelabʼaj? ¿Jas yuj?
6. Tsamalxta kʼuman jawa pamilya
Ja Jyoba wa skʼana yajxta sok tsamalxta oj kʼumuktik ja jpamilyatik. Kʼelawik ja BIDEO sok loʼilananik sbʼaja jas ti nochani:
-
¿Jasa oj skoltaya bʼa yajxta oja kʼumuk jawa pamilya?
Kʼumanik ja Efesios 4:31, 32 sok loʼilananik sbʼaja jas ti nochani:
-
¿Jas tikʼe kʼumal wa xya ajyuk laman jawa pamilya?
Ja Jyoba yala ja jastal wa xyabʼ bʼa Jesús. Kʼumanik ja Mateo 17:5 sok loʼilananik sbʼaja jas ti nochani:
-
¿Jastal oj bʼobʼa noch ja Jyoba yajni wala loʼilani soka wa pamilya?
Leʼa modo bʼa skʼulajel felicitar ja tuk yuja jastik lek wa skʼulane.
JA JAS WA XYALAWE JUJUNTIK: «Wa xkala ja jas wa xpensarani. Ta mi lek xyabʼ ja tuk, ti xyilaʼa».
-
¿Akuerdo maʼ aya soka tikʼe pensar jaw? ¿Jas yuj?
JA JASA NEBʼA
Ja yaljeliki jel yiʼoj yip. Tʼilan oj jpensaraʼuktik ja jas oj kaltik, jas tyempo sok jastal oj kaltik.
Yajel juljkʼujoltik
-
¿Jas tikʼe yaljelik oja wa makunuk bʼa skoltajel ja tuk?
-
¿Jas tikʼeʼik kʼumal mok elkujtik?
-
¿Jas oj skoltayotik bʼa tolabida oj tulwanuk sok tsamalxta oj kʼumanukotik?
LEʼA TUK JASTIK
¿Jas oj skoltayotik bʼa kʼumanel bʼa jun modo wa xtulwani?
Nebʼa jas oj bʼobʼ skoltaya bʼa mi oj wa makunuk yaljelik bʼa kux.
«¿Jas wokol wa xyiʼajan ja yaljelik bʼa mi lekuki?» (Artikuloʼik bʼa jw.org)
Ila jas oj bʼobʼa kʼuluk bʼa mi oj koʼan ja bʼa trampa bʼa loʼiltanel.
Kʼuman jastal ja Jyoba skoltay jun winik ja bʼa slucha bʼa yajelkan ja mal kʼumal.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
