SJEJEL 55
Koltay jawa kongregasyon
Bʼa sutanal ja luʼum, miyonik kristyano gustoxta wa stoyowe ja Jyoba bʼa milik kongregasyon. Ja nochumanik Kristo jaw jel chaʼanyabʼal xyilawe ja tojelal wa x-ajiyile sok kongana wa skoltaye ja kongregasyon bʼa jitsan modo. ¿Jach maʼ waxa wabʼ ja weʼn ja bʼa wa kongregasyon?
1. ¿Jastal oj bʼobʼa koltay ja kongregasyon soka wa tyempo sok ja wipi?
Jpetsaniltik oj bʼobʼ koltanukotik ja bʼa kongregasyon. Jun sjejel, ¿ay maʼ hermanoʼik bʼa awelexa ma maloʼaye? ¿Oj maʼ bʼobʼa kʼapabʼaj oja wiʼe och ja bʼa reunión? ¿Ma oj bʼobʼa kʼuluk jastik tuk bʼa yeʼnle, jastal smanjelyile jastik ma skoltajele soka yaʼtele bʼa snaje? (Kʼuman ja Santiago 1:27). Cha oj bʼobʼ jkʼap jbʼajtik koltanel skusjel sok stojbʼesel ja Naʼits bʼa tsomjelal. Mi maʼ wa stʼenawotik skʼulajel ja jastik jaw; keʼn gustoxta wa xkʼapa jbʼajtik yuja wa xyajtaytik ja Dyos sok ja kermanotik (Salmo 110:3).
Ja matik yiʼunejexa jaʼ oj cha bʼobʼ koltanuke bʼa tuk modoʼik ja bʼa kongregasyon. Ja hermanoʼik oj bʼobʼ kʼotuke siervo ministerialik ta wa skʼulane ja jas wa skʼana ja Biblia, sok ansyanoʼik ja x-ekʼ ja tyempo. Seʼa hermanoʼik ma hermanaʼik, oj bʼobʼ koltanuke ja bʼa xcholjel jastal precursorik. Cha ay jujuntik Testigo wa xkoltaniye yajel kʼe naʼitsik bʼa stoyjel ja Dyos. Sok tuk wa xwajye pilan lugar bʼa jun kongregasyon wa skʼana skoltajel.
2. ¿Jastal oj bʼobʼ jkoltaytik ja kongregasyon soka jtakʼintik sok tuk jas jbʼajtik?
Ja Biblia wa xyala: «Toyo ja Jyoba soka jastik chaʼanik stsʼakol awiʼoji» (Proverbios 3:9). Juni chaʼan cholal yajel makunuk ja jtakʼintik sok tuk jastik jbʼajtik bʼa skoltajel ja kongregasyon sok ja xcholjel bʼa sutanal ja luʼumi (kʼuman ja 2 Corintios 9:7). Soka jdonasyontik cha wala koltanitik ja bʼa wa x-ekʼ desgrasya. Jitsan kʼajyel wa ‹spilawe› tʼunuk bʼa yajel donasyon (kʼuman ja 1 Corintios 16:2). Oj bʼobʼ katik ochuk ja bʼa kaja bʼa donasyon wa xkatikyi stoyjel ja Dyos ma sjekjel bʼa internet bʼa donate.pr418.com. Ja Jyoba wa xyaʼakan ke oj katik makunuk ja jas jbʼajtik bʼa sjejelyi ke wa xyajtaytik.
LA JNEBʼTIK MAS
Ila jujuntik modo jastal oj bʼobʼa koltay ja kongregasyon.
3. Oj bʼobʼ wa makunuk ja jastika bʼaj
Ja Jyoba sok ja Jesús wa syajtaye ja maʼ gusto wa xyaʼa. Jun sjejel, ja Jesús yila ja jastal xchʼaka sbʼaj jun biuda pobre bʼa yajel jun donasyon. Kʼumanik ja Lucas 21:1-4 sok loʼilananik sbʼaja jas ti nochani:
-
¿Tʼilan maʼ jitsan oj katik bʼa gusto oj ajyuk ja Jyoba?
-
¿Jastal wa xyabʼ ja Jyoba sok ja Jesús ja wa xkaʼatik yuj ti wa x-el man jkʼujoltik?
Bʼa snajel jastal wa x-axi makunuk ja donasyonik, kʼelawik ja BIDEO. Tsaʼan loʼilananik sbʼaja jas ti nochani:
-
¿Jastal wa xyawe el slekil ja kongregasyonik bʼa sutanal ja luʼum yuja donasyonik?
4. Oj bʼobʼa kʼapabʼaj koltanel
Ja yaʼtijumik ja Jyoba bʼa najate gustoxta koltaniye stojbʼesel ja lugarik wa xyaweyi stoyjel ja Dyos, mi kechanuk yajel takʼin. Kʼumanik ja 2 Crónicas 34:9-11 sok loʼilananik sbʼaja jas ti nochani:
-
¿Jas skʼulane ja israʼelenyoʼik bʼa stalnajel ja snaj ja Dyos, ja lugar bʼa yajelyi stoyjel?
Bʼa yiljel jastal wa snochowe ja sjejel jaw ja testigoʼik bʼa Jyoba, kʼelawik ja BIDEO. Tsaʼan loʼilananik sbʼaja jas ti nochani:
-
¿Jas yuj tʼilan yajel ajyuk sak sok lek skʼeljel ja Naʼitsik bʼa Tsomjelal?
-
¿Bʼa jastik modo oj bʼobʼ koltanan?
5. Ja hermanoʼik oj bʼobʼ skʼujoluke stajel mas cholal
Ja Biblia wa snika skʼujol ja hermanoʼik a-skʼujoluke bʼa oj yawe tsatsbʼuk mas ja skʼuʼajele, sok jachuk skoltajel ja janekʼ wa xbʼobʼyujile ja kongregasyon. Bʼa yiljel jun sjejel, kʼelawik ja BIDEO. Tsaʼan loʼilananik sbʼaja jas ti nochani:
-
¿Jas skʼulan ja Ryan bʼa oj ajyukyuj mas skʼuʼajel sok skoltajel mas ja kongregasyon?
Ja Biblia wa xyala jas oj skʼuluke ja hermanoʼik wa skʼana oj ochuke siervo ministerial sok ansyano. Kʼumanik ja 1 Timoteo 3:1-13 sok loʼilananik sbʼaja jas ti nochani:
-
¿Jas wa xmajlaxi sbʼaja hermanoʼik wa skʼana oj ochuke siervo ministerial sok ansyano?
-
¿Jas wa xmajlaxi sbʼaja spamilyaʼe? (Kʼelawik ja bersikuloʼik 4 sok 11).
-
Ta ja hermanoʼik wa skʼujolane ja bʼa jastik jaw, ¿jastal wa xya el slekil ja kongregasyon?
JA JAS WA SJOBʼOWE JUJUNTIK: «¿Jastal wa staʼawe takʼin ja testigoʼik bʼa Jyoba bʼa skʼulajel ja yaʼtele?».
-
¿Jas oja wale?
JA JASA NEBʼA
Ja Jyoba jel chaʼanyabʼal xyila ja wa xchʼaka jbʼajtik bʼa skoltajel ja kongregasyon soka jtyempotik, kiptik sok ja jastik jbʼajtik.
Yajel juljkʼujoltik
-
¿Jastal oj bʼobʼ jkoltaytik ja kongregasyon soka jtyempotik sok ja kiptik?
-
¿Jastal oj bʼobʼ jkoltaytik ja kongregasyon soka jastik jbʼajtik?
-
¿Jastik modo waxa kʼana oja koltay ja kongregasyon?
LEʼA TUK JASTIK
Ila jas yuj ja Dyos mi smajlay ke ja yaʼtijumiki oj yaʼe ja diesmo.
«¿Jas wa xyala ja Biblia sbʼaja diesmo?» (Artikuloʼik bʼa jw.org)
Ja Biblia wa xyala jujuntik cholalik yiʼoje ja winike bʼa yiʼunejexa jaʼi. Pe ¿jasa wa x-ekʼ yajni jun hermana tʼilan oj skʼuluk junuk ja cholalik jaw?
«Ja rason ja bʼa olomal ja bʼa kongregasyon» (Ja Juʼun Cholumani, febrero bʼa 2021)
Naʼa sbʼaj jujuntik Testigo ke mi xiwye xchʼakjel sbʼaje bʼa oj ajyukyujile ja juʼunik ja yermanoʼe.
Ila ke ja testigoʼotikon bʼa Jyoba tuk ja jas wa xkʼulantikon bʼa stajel ja takʼin bʼa skʼulajel ja kaʼteltikon yuja tuk relijyonik.
«¿Bʼa wa x-el ja takʼin bʼa skʼulajel ja yaʼtele ja testigoʼik bʼa Jyoba?» (Artikuloʼik bʼa jw.org)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
