SJEJEL 56
Koltanan bʼa oj ajyuk tsoman ja kongregasyon
Yajni teytik sok ja kermanotiki, wa xkabʼtik jastal ja rey David. Ja yeʼn yala: «¡Jelni lek sok jelni xyaʼa gusto ke ja hermanoʼik tsoman aye junxta lajan!» (Salmo 133:1). Ja jastal tsoman ayotiki mi stuchilta wa x-ajyi; jpetsaniltik tʼilan oj koltanukotik bʼa mi oj chʼayuk.
1. ¿Jas modoʼik ja bʼa xchonabʼ ja Dyos wa xpaywani?
Ta wajya bʼa jun kongregasyon bʼa pilan país, bʼobʼta mi oja wabʼ stojol ja kʼumali; pe bʼa tuk jastik oja wabʼ ti aya bʼa wa naj. ¿Jas yuj? Yujni chikan bʼa oj wajana, oja wil ke ja Testigoʼik wa xkʼulantikon estudiar ja Biblia soka junxta juʼunik. Sok wa xkʼujolantikon syajtajel bʼajtikon. Chikan bʼayotikon, jpetsaniltikon wa xkʼanatikon oj taʼtikon tiʼal ja sbʼiʼil ja Jyoba sok stoyjel junxta lajan (Sofonías 3:9; nota).
2. ¿Jastal oj bʼobʼ koltanan bʼa oj ajyuk tsoman ja kongregasyon?
«Yajtabʼajik lek sok spetsanila kʼujolex» (1 Pedro 1:22). ¿Jastal oj bʼobʼa noch ja rason jaw? Jaʼuktoma ja oj waja kʼujol ja jas mi lek wa skʼulane ja tuk, ila ja lekil smodo yiʼoje. Mok jaʼita amojtay ja matik junxta ja jas waxa kʼulanex gusto; cha leʼa modo snajel sbʼaj tuk hermanoʼik bʼa tuk lugar sok kultura. Chomajkil, leʼa modo bʼa yajel eluk chikan jas mi lek yiljel ja tuk ay ja bʼa wa kʼujol (kʼuman ja 1 Pedro 2:17). a
3. ¿Jas oja kʼuluk yajni x-ajyi awuj jun kʼumal sok jun hermano?
Ama tsoman aytik; pe yuja mulanumotik, ayni mi jachuk ja jas wa xmajlaytik ma wa xyajbʼes jbʼajtik. Ja yuj ja Yabʼal ja Dyos wa xyala kabʼtik: «Moka waʼexkan [...] yajela bʼajex perdon». Wa xcha yala: «Ja Jyoba yaʼawex perdon sok spetsanil skʼujol, ja yuj cha jach kʼulanik ja weʼnlexi» (kʼuman ja Colosenses 3:13). Ama jitsan ekʼele wa xyajbʼestik ja Jyoba, pe wani xyaʼawotik perdon. Ja yuj wa smajlay ke oj katik perdon ja kermanotik. Ta ay maʼ ayajbʼusnej, leʼa modo stojbʼesel ja jas ekʼeli (kʼuman ja Mateo 5:23, 24). b
LA JNEBʼTIK MAS
Pensaran bʼa jastik modo oj bʼobʼ koltanan bʼa oj ajyuk lamanil sok tsoman ja kongregasyon.
¿Jas oja kʼuluk bʼa oj wa kulansok june?
4. Kʼulan ganar ja mi lek yiljel ja tuk
Wa xkʼana oj jetikyi yajalkʼujol spetsanil ja kermanotik. Pe bʼobʼta wokol oj kabʼtik skisjel jujuntik, jun sjejel ja bʼa lajansok tuke wa xkilatik yuja keʼntik. ¿Jas oj bʼobʼ skoltayotik? Kʼumanik ja Hechos 10:34, 35 sok loʼilananik sbʼaja jas ti nochani:
-
Ja Jyoba lekni xyila ja kristyano bʼa tuktukil jakele bʼa oj kʼotuke jastal sTestigo. Yajel tʼabʼana kʼujol ja jaw, ¿jastal tʼilan oja wil ja matik tuke yuja weʼn?
-
¿Jastal wa sjeʼawe ja bʼa wa lugari mi lek xyilawe ja tuk? ¿Jas yuj moka wakan a-sjoma ja jaw?
Kʼumanik ja 2 Corintios 6:11-13 sok loʼilananik sbʼaja jas ti nochani:
-
¿Jas oj bʼobʼa kʼuluk bʼa oja yajtaye mas yibʼanal ja hermanoʼik?
5. Aʼa perdon sok spetsanila kʼujol
Ama ja Jyoba mi xmakuniyuj oj katik perdon, pe wa xyaʼawotik perdon sok spetsanil skʼujol. Kʼumanik ja Salmo 86:5 sok loʼilananik sbʼaja jas ti nochani:
-
¿Jas wa sjeʼakitik ja bersikulo ja jastal wa x-akʼwani perdon ja Jyoba?
-
¿Jas yuj waxa waʼa tsʼakatal yuja wa x-akʼwani perdon?
-
¿Jastik ekʼele bʼobʼta wokol oj kabʼtik yijel jbʼajtik lek soka tuk?
¿Jasa tʼilan oj jkʼuluktik bʼa snochjel ja Jyoba, sok jachuk ajyel tsoman soka kermanotik? Kʼumanik ja Proverbios 19:11 sok loʼilananik sbʼaja jas ti nochani:
-
Yajni ay maʼ wa skʼulan jun jasun mi lek xa wila ma wa syajbʼesa, ¿jas oj bʼobʼa kʼuluk bʼa mi oj ipaxuk el?
Ay ekʼele keʼntik ja wala yajbʼesnitik. Yajni jach x-ekʼi, ¿jasa tʼilan oj jkʼuluktik? Kʼelawik ja BIDEO sok loʼilananik sbʼaja jas ti nochani:
-
¿Jas skʼulan ja hermana bʼa stojbʼesel ja kʼumal?
6. Awajuka kʼujol ja jastik lek ja bʼa hermanoʼik
Yajni mas wa xnaʼatik sbʼaje ja kermanotik, mi kechan ja wa xkilatik ja jastik lek bʼa yeʼnle cha wani ja jastik mi lek. ¿Jas oj jkʼuluktik bʼa ja oj waj jkʼujoltik ja jastik bʼa lek? Kʼelawik ja BIDEO sok loʼilananik sbʼaja jas ti nochani:
-
¿Jas oj skoltaya bʼa oj wajuka kʼujol ja jastik lek ja bʼa hermanoʼik?
Ja Jyoba ja wa xwaj skʼujol ja jmodotik. Kʼumanik ja 2 Crónicas 16:9a sok loʼilananik sbʼaja jas ti nochani:
-
¿Jastal waxa wabʼ snajel ke ja Jyoba ja wa xwaj skʼujol ja jastik lek bʼa weʼn?
Asta jun tsamal diamante ay sjomelal, ama jachuk jel chaʼanyabʼal. Jach wa x-ekʼ soka kermanotik: mulanume, pe bʼa Jyoba jel chaʼanyabʼale.
JA JAS WA XYALAWE JUJUNTIK: «Bʼa ay maʼ oj ka perdon, tʼilan bʼajtan oj sjeki wa snaʼa malaya».
-
¿Jas yuj tolabida puesto oj ajyukotik akʼwanel perdon?
JA JASA NEBʼA
Ta waxa waʼa perdon ja hermanoʼik sok waxa jeʼayile yajalkʼujol, ojni koltanan bʼa oj ajyuk tsoman ja kongregasyon.
Yajel juljkʼujoltik
-
¿Jastal oj bʼobʼa kʼul ganar ja mi lek yiljel ja tuk?
-
¿Jas oja kʼuluk yajni x-ajyi awuj jun kʼumal sok jun hermano?
-
¿Wan maʼ xa kʼana oja wa perdon ja tuk jastal ja Jyoba? ¿Jas yuj?
LEʼA TUK JASTIK
Ja Jesús ya makunuk jun sjejel ke wa skoltayotik bʼa mi oj jkʼultik jusgar ja tuk. Ila jasa.
¿Tʼilan maʼ oj kʼantik aʼajukotik perdon ta wa xkʼuʼantik mi jas jkʼulunejtik?
Ila chabʼ winik ti kʼiye bʼa jun lugar bʼa mi lek xyila sbʼaje ja rasaʼik snebʼawe ajyel tsoman.
Ja Johny soka Gideon: skontra sbʼaje ajyi, ja wego smoj-aljelxa sbʼaje (6:42)
Paklay jastal stojbʼesel ja kʼumalik bʼajtanto oj jomuk ja lamanil ja bʼa kongregasyon.
«La jtojbʼestik sok yajtanel ja kʼumaliki» (Ja Juʼun Cholumani, mayo bʼa 2016)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
