SJEJEL 57
¿Jas oj ekʼuk ta koʼya bʼa jun chaʼan mulal?
Ama jel xa yajtay ja Jyoba sok waxa leʼa modo mi jas oja kʼuluk bʼa oja yajbʼes, ayni ekʼele oja kʼojchuka wok. Pe ayni mulalik mas jel chaʼanik yuja tuk (1 Corintios 6:9, 10). Ta koʼya bʼa jun chaʼan mulal, ajuluka kʼujol ke ja Jyoba mi oj yaʼakan syajtajela yuja jaw; puesto ay oj yaʼa perdon sok oj skoltaya.
1. ¿Jasa tʼilan oj jkʼuluktik bʼa oj yaʼotik perdon ja Jyoba?
Yajni june wa syajtay ja Jyoba wa xkʼot snaʼ ke koʼta bʼa jun chaʼan mulal, jelni triste wa x-ajyi. Pe ja Jyoba wa xyaʼa kulan skʼujol soka kʼapjelal it: «Ama jawa mulexi jach jastal chakal escarlata, oj pax sak jastal ja teʼewi» (Isaías 1:18). Ta meran jnaʼatik malaya, ja Jyoba oj yaʼotik perdon. ¿Sok jasa ti chʼikan ja snajel malaya? Tini chʼikan snajel meran malaya ja bʼa mulal koʼelotiki, yajelkan ja jas malo sok spatjelyi skʼujol ja Jyoba ayotik perdon. Anto, june wa skʼujolan meran stukbʼesel ja jastal wa spensaran ma yajelkan skʼulajel ja bʼa jas iji koʼel mulal, sok wa sleʼa modo yajel makunuk ja bʼa sakʼanil ja jas yaʼunejkan kulan ja Jyoba (kʼuman ja Isaías 55:6, 7).
2. ¿Jas koltanel wa xyakitik ja Jyoba soka ansyanoʼik ta kotik chaʼan mulal?
Ja maʼ wa xkoʼ chaʼan mulal, ja Jyoba wa xyayi ja rason it: «A-spay ja ansyanoʼik bʼa kongregasyon» (kʼuman ja Santiago 5:14, 15). Ja winike jaw bʼa tʼojubʼale yuja espíritu santo wa syajtaye ja Jyoba sok ja xchejik, sok chapane bʼa oj skoltayotike stojbʼesel ja jastal wa xkila jbʼajtik soka Jyoba (Gálatas 6:1).
¿Jastal wa skoltayotike ja ansyanoʼik ta kotik bʼa jun chaʼan mulal? Chabʼe ma oxe bʼa yeʼnle oj skoltayotike yabʼjel stojol soka Biblia jas yuj malo ja jas jkʼulantik. Cha oj yakitike lekil rason sok ja tsatsankʼujolajel wa xmakunikujtik bʼa mixa oj kokotik mulal. Bʼobʼta ja ansyanoʼik oj stimotike skʼulajel jujuntik aʼtel ja bʼa kongregasyon bʼa jun tyempo, manto la tojbʼitik. Ta ay maʼ koʼ bʼa jun chaʼan mulal sok mi snaʼa malaya, ja ansyanoʼik oj skʼuluke expulsar bʼa stalnajel ja kongregasyon yuja mixa lek wa xtaxi.
LA JNEBʼTIK MAS
Ila chaʼanyabʼal ja jas wa skʼulan ja Jyoba bʼa oj skoltayotik ta kotik jun chaʼan mulal.
3. Yaljel ja jmultik wa skoltayotik
Chikan jas mulal oj kokotik jani wa x-ixtalaji ja Jyoba, ja yuj tʼilan oj kaltik yabʼ ja jmultiki. Kʼumanik ja Salmo 32:1-5 sok loʼilananik sbʼaja jas ti nochani:
-
¿Jas yuj lekni jaʼ oj kaltikyabʼ ja jmultik ja Jyoba yuja oj jnakʼtik?
Wala likikaxitik ja yajni wa xkalatik yabʼ ja jmultik ja Jyoba, cha jachuk ta wa xkʼanatikyi jkoltajeltik ja ansyanoʼik. Kʼelawik ja BIDEO sok loʼilananik sbʼaja jas ti nochani:
-
¿Jas koltajel ajiyi ja Canon yuja ansyanoʼik bʼa oj kumxuk soka Jyoba?
Tʼilani mok jnakʼtik sok la kaltik yabʼye ja smeranil ja ansyanoʼik, yujni teye bʼa oj skoltayotike. Kʼumanik ja Santiago 5:16 sok loʼilananik sbʼaja jas ti nochani:
-
¿Wan maʼ xa kʼuʼan ta kalatik ja smeranil mas pasil oj skoltayotike ja ansyanoʼik? ¿Jas yuj?
Ala jawa muli, alayabʼ ja smeranil ja ansyanoʼik sok kisa ja tsamal skoltanel ja Jyoba.
4. Skʼulajel expulsar bʼajni jlekilaltik kibʼanaltik
Ta ay maʼ koʼel jun chaʼan mulal pe mi skʼana oj skʼuʼuk ja jastik yaʼunejkan kulan ja Jyoba, mixani oj bʼobʼ ajyuk ja bʼa kongregasyon. Ja yuj wa xkʼulji expulsar. Anto mixa xmojtaytik, cha mixa xkʼumantik. Kʼumanik ja 1 Corintios 5:6, 11 sok 2 Juan 9-11, sok loʼilananik sbʼaja jas ti nochani:
-
Yajel tʼabʼan jkʼujoltik ke ja levadura wa xya pojxuk yibʼanal ja wotsʼubʼal arina bʼa pan, ¿oj maʼ jomjuk ja kongregasyon ta smojtaye jun mulanum mi snaʼa malaya? ¿Jas yuj?
Jitsan ke ajyiye expulsado kumxiyeta ja bʼa kongregasyon. ¿Jas yuj? Yujni ama yaj ja tojwanel, koltajiye bʼa oj snaʼe malaya (Salmo 141:5). Kʼelawik ja BIDEO sok loʼilananik sbʼaja jas ti nochani:
-
¿Jastal koltaji ja Sonia ja ajyi expulsada?
¿Jastal wa lajxiyuj ja skʼulajel expulsar june...
-
... bʼa yajel sakbʼuk ja sbʼiʼil ja Jyoba?
-
... bʼa sjejel ke ja Jyoba toj sok wa syajtayotik?
5. Ja Jyoba oj yaʼotik perdon ta jnaʼatik malaya
Ja Jesús xcholo jun loʼil bʼa oj kabʼtik stojol jastal wa xyabʼ ja Jyoba yajni june wa snaʼa malaya. Kʼumanik ja Lucas 15:1-7 sok loʼilananik sbʼaja jas ti nochani:
-
¿Jas wa sjeʼakitik bʼa Jyoba ja loʼil jaw?
Kʼumanik ja Ezequiel 33:11 sok loʼilananik sbʼaja jas ti nochani:
-
¿Jasa tʼilan oj jkʼuluktik bʼa sjejel jnaʼunejtik malaya?
Ja Jyoba jach jastal jun talnachej: jel xcham skʼujol ja xchejik.
JA JAS WA XYALAWE JUJUNTIK: «Wala xiwyon yaljel yabʼye ja ansyanoʼik. Ta kala yabʼye, oj skʼulukone expulsar».
-
¿Jas oja walyabʼ june bʼa jach wa spensaran?
JA JASA NEBʼA
Ta kotik jun chaʼan mulal pe jnaʼatik meran malaya sok puesto ayotik bʼa mixa oj jkʼuluktik, ja Jyoba oj yaʼotik perdon.
Yajel juljkʼujoltik
-
¿Jas yuj lekni jaʼ oj kaltikyabʼ ja jmultik ja Jyoba?
-
¿Jasa tʼilan oj jkʼuluktik bʼa oj ya perdon ja Jyoba ja jmultik?
-
¿Jas yuj tʼilan oj jkʼantikyi jkoltajeltik ja ansyanoʼik ta kotik jun chaʼan mulal?
LEʼA TUK JASTIK
Ila jastal jun winik ya el slekil ja yajulal skʼujol ja Jyoba, wa xcholo ja Isaías 1:18.
Nunka la jkʼultik dudar ja bʼa syajulal skʼujol ja Jyoba (5:02)
¿Jastal wa x-axi el slekilal ja wa xkʼulji expulsar june?
Nebʼa jastal oja cholyabʼ june mi Testigoʼuk sbʼaja skʼuljel expulsar.
Ila ja bʼa wa xcholo ja sakʼanil «Wa xkʼana oj kumxukon soka Jyoba» jastal jun winik yabʼ ke ja Jyoba cha wan ijeljanyuj ja bʼa smeranil.
«Ja Biblia stukbʼes ja sakʼanile» (Ja Juʼun Cholumani, 1 bʼa abril bʼa 2012)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
