SJEJEL 60
Moka wakan yajel tsatsbʼuk jawa kʼuʼajel
Ja janekʼxa tyempo wana skʼulajel estudiar, anebʼata jitsan jastik sbʼaja Jyoba. Yuja jaw, ja yajalkʼujol awiʼoj bʼa Jyoba jelxa kʼita bʼa bʼobʼta awatayi jawa sakʼanili sok awiʼajta jaʼ. Ta mito, bʼobʼta wana xa pensar bʼa jelxa mojan oja kʼuluk. Pe wani xmajlaxi ke ja yajni xa wiʼaj jaʼi moka wakan yajel tsatsbʼuk jawa kʼuʼajel. Ja smeranili, ojni bʼobʼa wa tsatsbʼuk ja jastal waxa wilabʼaj soka Jyoba bʼa tolabida. La kiltik jastal.
1. ¿Jas yuj moka wakan yajel tsatsbʼuk ja jastal waxa wilabʼaj soka Jyoba?
Tʼilani skʼujolajel bʼa mi oj katikan yajel tsatsbʼuk ja jastal wa xkila bʼajtik soka Jyoba. ¿Jas yuj? «Bʼa jachuk nunka oj jitskotik ja bʼa skʼuʼajeli» sok yajelkan ja yeʼn (Hebreos 2:1). ¿Jas oj skoltayotik bʼa mi oj katikan yaʼteltajel toj? Ajyel latsan ja bʼa xcholjel sok slejel tuk modoʼik bʼa yaʼteltajel mas ja jDyostiki (kʼuman ja Filipenses 3:16). ¡Mini ay sakʼanil mas lek ja yaʼteltajel ja Jyoba! (Salmo 84:10).
2. ¿Jasa moka wakan skʼulajel?
Ama ojtikxa chʼak jawa estudio, pe jawa sakʼanil bʼa snochuman Kristo kechantoni kʼeʼel. Ja Biblia wa xyala ke kada nochuman tʼilan oj yiʼe ja «ajkʼach modoʼal» (Efesios 4:23, 24). Ta mixa wakan skʼuljel estudiar ja Biblia sok wajel ja bʼa reunioniki, oja nebʼ mas sbʼaja Jyoba sok ja smodoʼik. Leʼa modoʼik bʼa mas oja noch ja smodoʼik. Sok moka wakan stukbʼesela bʼaj ja bʼa jas tʼilan bʼa oja wa gustoʼaxuk.
3. ¿Jastal oj skoltaya ja Jyoba bʼa oj tsatsbʼuk jawa kʼuʼajel?
Ja Biblia wa xyala: «Ja Dyos [...] yeʼn mismo oj chʼak xchapex. Ja yeʼn oj ya ajyanik yij, ja yeʼn oj ya ajyanik tsats, ja yeʼn oj yaʼex bʼa jun skujlayubʼil tsʼunan ay lek» (1 Pedro 5:10). Jpetsaniltik wa x-ekʼ jbʼajtik pruebaʼik, pe ja Jyoba wa xyaʼa kiptik bʼa oj kuchkujtik (Salmo 139:23, 24). Cha wa skʼapa oj yawi ja kʼankʼunel sok ja ipal bʼa oja waʼteltay toj lek (kʼuman ja Filipenses 2:13).
LA JNEBʼTIK MAS
La kiltik jas oj bʼobʼa kʼuluk bʼa mi oja wakan yajel tsatsbʼuk jawa kʼuʼajel sok ja slekilalik oj yawi ja Jyoba.
4. Moka wakan loʼilanel soka lekila wamigo
Yajel orasyon sok skʼulajel estudiar ja Biblia skoltuneja bʼa oja wamigoʼuk ja Jyoba. ¿Oj maʼ bʼobʼ skoltaya ja jastik jaw bʼa masto mojan oj ajyansok? ¿Bʼa jastik modo?
Kʼumanik ja Salmo 62:8 sok loʼilananik sbʼaja jas ti nochani:
-
Stojbʼesel ja worasyonik oj skoltaya yajel tsatsbʼuk ja jastal waxa wilabʼaj soka Jyoba. ¿Jastal?
Kʼumanik ja Salmo 1:2 sok loʼilananik sbʼaja jas ti nochani:
-
Stojbʼesel mas ja skʼumajel ja Biblia oj skoltaya yajel tsatsbʼuk ja jastal waxa wilabʼaj soka Jyoba. ¿Jastal?
¿Jastal oj bʼobʼ wa el mas slekil jawa westudio atuchʼili? Bʼa oja taʼ jujuntik jastal oja kʼuluk, kʼelawik ja BIDEO. Tsaʼan loʼilananik sbʼaja jas ti nochani:
-
¿Bʼa jastik oj bʼobʼa wa makunuk?
-
¿Bʼa jastik waxa kʼana oja kʼul estudiar?
5. Aʼajyuka kʼelsat
Yajel ajyuka kʼelsat ja bʼa yaʼteltajel ja Jyoba oj skoltaya oj tsatsbʼuk mas jawa kʼuʼajel. Kʼelawik ja BIDEO sok loʼilananik sbʼaja jas ti nochani:
-
¿Jastal koltaji ja Cameron jaʼ ya ajyuk skʼelsatik?
Mi kibʼanaltik oj bʼobʼ wajkotik xcholjel bʼa pilan país. Pe ojni bʼobʼ katik ajyuk jkʼelsatik. Kʼumanik ja Proverbios 21:5 sok loʼilananik sbʼaja wa kʼelsatik waxa kʼana oja wa ajyuk ja...
-
... bʼa kongregasyon.
-
... bʼa xcholjel.
¿Jastal oj makunukawuj ja rason jaw bʼa oj lajxukawuj jawa kʼelsat?
Bʼobʼta oja wa ajyuk wa kʼelsat
-
Stojbʼesel mas ja worasyonik.
-
Skʼumajel yenteroʼil ja Biblia.
-
Snajel sbʼaj yibʼanal ja hermanoʼik bʼa wa kongregasyon.
-
Yajel kʼe jun estudio bʼa Biblia.
-
Ochel precursor auxiliar ma regular.
-
Jaxa winike, skʼujolajel bʼa stajel jastal siervo ministerial.
6. Abʼan stsamalil tolabida jawa sakʼanili
Kʼumanik ja Salmo 22:26 sok loʼilananik sbʼaja jas ti nochani:
-
¿Jas oja kʼuluk bʼa oja wabʼ stsamalil jawa sakʼanil ja wego sok bʼa tolabida?
JA JASA NEBʼA
Moka wakan yajel tsatsbʼuk ja jastal waxa wilabʼaj soka Jyoba sok yajel ajyuka kʼelsatik. ¡Jachuk oja wabʼ stsamalil tolabida jawa sakʼanili!
Yajel juljkʼujoltik
-
¿Jas yuj oj bʼobʼ ajyan seguro ke oj skoltaya ja Jyoba bʼa oja waʼteltay toj lek?
-
¿Jas oj bʼobʼa kʼuluk bʼa mas tsats oj ajyuk ja jastal waxa wilabʼaj soka Jyoba?
-
¿Jas yuj tʼilan oja wa ajyuka kʼelsat bʼa oj tsatsbʼuk jawa kʼuʼajeli?
LEʼA TUK JASTIK
¿Jasa mas tʼilan xyila ja Jyoba: jun ekʼele bʼa sjejel ajyel toj ma bʼa tolabida?
Asta jun yaʼtijum toj ja Jyoba oj bʼobʼ chʼayuj ja gustoʼil. Ila jastal oj cha bʼobʼ ajyukyuj.
¿Jas wa skʼulan palta bʼa yajel ajyuka kʼelsatik sok stajel?
Ila jas yuj tʼilan tsats oj ajyuk ja jkʼuʼajeltik, sok jastal oj bʼobʼ lajxukawuj.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
