Sjejelik wa xbʼobʼ skoltayotik:

• 1Sa 15:​17-23. Ja aluman Samuel tsats lek stojo ja rey Saúl yuja skʼokoyi ja yabʼal ja Jyoba sok tsaʼan xchiktes ja stʼilanil bʼa ajyel kʼuʼabʼal.

• Heb 5:​7-10. Ama ja Jesús tolabida kʼuʼabʼal ajyi soka sTati, yajni ti ajyi ja bʼa Luʼumi sok yiʼaj wokol snebʼani ajyel kʼuʼabʼal bʼa chikan jastal wan taxel.

Sjejelik wa xbʼobʼ skoltayotik:

• Da 3:​13-18. Ama peligro ajyi ja sakʼanile, ja oxwane hebreoʼik bʼa toj ajyiye soka Jyoba mini skʼanawe oj koʼuke sbʼaj mekʼan ja imajen skʼulan ja Nabucodonosor.

• Mt 22:​15-22. Ja Jesús xcholo ke ja snebʼumaniki tʼilani oj ajyuke kʼuʼabʼal soka matik ay xcholeʼi pe kechantani ta mi skʼoko ja yabʼal ja Dyosi.

• Hch 4:​18-31. Ja jekabʼanumiki mini yawekan xcholjel sok mini xiwye ama timjiye yuja matik ay xcholeʼi.

Sjejelik wa xbʼobʼ skoltayotik:

• Esd 7:​7-10. Ja tojil sacerdote Esdras, xchapa ja skʼujoli bʼa kʼotel jun lekil sjejel bʼa ajyel kʼuʼabʼal soka sLey ja Dyos sok bʼa sjejelyi ja tuki.

• Jn 14:31. Ja Jesús xcholo jas yuj jachni mero skʼulan jastal alubʼalyabʼ yuja sTati.

Sjejelik wa xbʼobʼ skoltayotik:

• Gé 6:​9-22; Heb 11:7. Ja Noé sjeʼa ke ayiʼoj skʼuʼajel yajni stojbʼes jun arka jastalni aljiyabʼ yuja Jyoba.

• Heb 11:​8, 9, 17. Ja Abrahán sjeʼa ke ayiʼoj skʼuʼajel yujni waj kʼuʼabʼal soka Jyoba, pe mini kechanuk ja yajni el ja bʼa Ur, cha jachni yajni sleʼa modo yajel jastal majtanal ja yunini.

 Sjejelik wa xbʼobʼ skoltayotik:

• Le 26:​3-6. Ja Jyoba wa skʼapa oj ya koʼyi slekilal sok oj stalnay ja matik wa x-ajyiyesok kʼuʼabʼali.

• Nú 13:​30, 31; 14:​22-24. Yuja kʼuʼabʼal waj ja Caleb, aji koʼyi slekilal yuja Jyoba.

Sjejelik wa xbʼobʼ skoltayotik:

• Gé 2:​16, 17; 3:​17-19. Ja Adán sok ja Eva paxye mulanum sok xchʼayawe ja smajlajel bʼa ajyel sakʼan ja bʼa Tsamal Lugari sok ajyele sakʼan bʼa tolabida, yujni skʼokoweyi ja yabʼal ja Jyoba.

• Dt 18:​18, 19; Hch 3:​12, 18, 22, 23. Ja Jyoba yalakan ke oj ajyuk jun aluman masto ekʼxel yuja Moisés sok xcholo ke ja matik oj skʼokeyi ja yabʼali ojni yiʼe wokol.

• Jud 6, 7. Ja anjelik kʼoka abʼal sok ja swinkil ja Sodoma sok ja Gomorra mi ajyiye kʼuʼabʼal, sok yuja jaw jelni aji tajkuk ja Jyoba.

Sjejelik wa xbʼobʼ skoltayotik:

• Jn 12:​46-48; 14:24. Ja Jesús xcholo ke ja matik oj skʼokeyi ja yabʼali ojni kʼulajuke jusgar sok oj kʼulajuke kastigar.

Sjejelik wa xbʼobʼ skoltayotik:

• Gé 37:​3, 4, 8, 11-13, 18. Yajni junto kerem ja José, ajyi kʼuʼabʼal soka stati sok asta skʼulan biajar bʼa yiljel ja yermanoʼiki ama wa x-ilkʼujolaji.

• Lu 2:51. Ama ja Jesús mey yiʼoj mulal, ajyi kʼuʼabʼal soka José sok ja María, bʼa mulanume.