Sjejelik wa xbʼobʼ skoltayotik:

• Gé 3:​1-6. Ja Eva mini skʼulan luchar soka kʼankʼunelik mi lekuk ajyiyuji sok yaʼakan bʼa akʼulajuk ganar.

• Jos 7:​1, 4, 5, 20-25. Yajni ja Acán skʼokoyi ja yabʼal ja Jyoba, jitsan yiʼaje wokol yuja jas skʼulani.

 Sjejelik wa xbʼobʼ skoltayotik:

• Gé 39:​7-12. Ama ja xcheʼum ja Potifar jitsan ekʼele ya och probar ja José, ja yeʼn mini aji koʼ luʼum.

• Job 31:​1, 9-11. Ja Job mini okʼ skʼujol jun ixuk bʼa mi jaʼuk ja xcheʼumi.

• Mt 4:​1-11. Ja Jesús mini aji koʼ luʼum yajni kʼulaji probar yuja Satanás.

Sjejelik wa xbʼobʼ skoltayotik:

• Lu 22:​40-43. Ja Jesús yaʼakankitik jun lekil sjejel bʼa ajyel ibʼ kʼabʼal yajni skʼuʼanyi ja sTati asta ja bʼa ekʼele jel wokoli.

• 1Pe 3:​1-6. Ja jekabʼanum Pedro staʼa tiʼal ja Sara jastal jun lekil sjejel bʼa oj ajyuke ibʼ kʼabʼal ja cheʼumalik yaʼtijumik Dyosi.

Sjejelik wa xbʼobʼ skoltayotik:

• Gé 39:​4-12. Ja José sak ajyi ama jitsan ekʼele monji yuja xcheʼum ja Potifar.

• Can 4:12; 8:6. Ja sulamita toj ajyi soka winik wa skʼana sok jachuk ajyi sak; ja yeʼn mini koʼ mulal.

Sjejelik wa xbʼobʼ skoltayotik:

• Da 1:​3-5, 8-20. Ja aluman Daniel sok ja oxwane yamigoʼiki tsatsni ajyiye sok mi skʼokowe ja Ley bʼa Moisés bʼa wa xyala jas waʼelal oj bʼobʼ yabʼye.

• Lu 21:​1-4. Ja Jesús stoyo yuja yal sdonasyon yaʼa jun biuda, pes yujni sjeʼa ayiʼoj jun niwan skʼuʼajel.

Sjejelik wa xbʼobʼ skoltayotik:

• 1Cr 25:​1-8. Ja rey David sleʼa jun kʼole kʼinanumik sok tsʼebʼanumik bʼa lajan oj aʼtijuke bʼa jachuk oj skʼuluk ja xcholi.

• Ne 3:​1, 2, 8, 9, 12; 4:​6-8, 14-18, 22, 23; 5:16; 6:15. Ja Jyoba ya koʼyi slekilale ja matik puesto ajyiye bʼa aʼtel lajan, sok jachuk lajxiyujile stojbʼesel ja sbardaʼil ja Jerusalén bʼa kechanta 52 kʼakʼu.

Sjejelik wa xbʼobʼ skoltayotik:

• Heb 11:​8-10. Yuja Abrahán jel meran kʼot bʼa yeʼna ja sGobyerno ja Dyosi, puestoni ajyi bʼa ajyel bʼa naʼitsik bʼa karpa bʼa pilan país.

• Heb 11:​24-27. Ja jastik stsaʼa skʼulajel ja aluman Moisés xchiktes ja bʼa sakʼanil ke jelni meran kʼot bʼa yeʼna ja Jyoba.

Sjejelik wa xbʼobʼ skoltayotik:

• Heb 12:​1-3. Ja jekabʼanum Pablo ya makunuk ja sjejel bʼa Jesús bʼa stsatsankʼujolan ja snochumanik Kristo bʼa oj kuchyujile.

• Snt 5:​10, 11. Ja Santiago staʼa tiʼal sbʼaja jastal kuchyuj ja Job sok ja jastal aji koʼyi slekilal yuja Jyoba.

Sjejelik wa xbʼobʼ skoltayotik:

• Nú 14:​1-4, 11. Ja israʼelenyoʼiki mini skʼulane respetar ja Moisés sok ja mero olomal sacerdote Aarón; jaxa Jyoba yilani yeʼn mi kʼulaji respetar.

• Mt 21:​33-41. Ja Jesús ya makunuk jun slajelal bʼa xchiktesel ja jas oj ekʼ sbʼaj ja matik mi skʼulane respetar ja yeʼn ma ja yalumanik ja Jyoba.

Sjejelik jel xkoltani:

• 1Sa 23:​15-18. Ja Jonatán stsatsankʼujolan ja David yajni ja rey Saúl sleʼa modo bʼa oj smile.

• Hch 15:​22-31. Ja tsome tojwanum bʼa bʼajtan siglo sjekayi jun karta ja kongregasyoniki bʼa jel tsatsankʼujolajiye ja hermanoʼiki.

Sjejelik wa xbʼobʼ skoltayotik:

• Ne 5:​14-19. Yuja mandaranum Nehemías xiwyuj ja Jyoba, mini sloʼlay ja xchonabʼ ja Dyosi, jastalni skʼulane ja tuki.

Heb 5:​7, 8. Ja Jesús yaʼakankitik ja sjejel bʼa jastal xiwel yuja Dyosi.

 Sjejelik wa xbʼobʼ skoltayotik:

• Hch 10:​1-7. Ama ja Cornelio mi judíoʼuk, ja Jyoba yaʼa sbʼaj kuenta ke wa xtoyjiyuj, wa xiwyuj sok jel jaman skʼujol.

• 1Ti 3:16. Ja Jesús yaʼakankitik jun lekil sjejel sbʼaja xiwel yuja Dyosi.

Sjejelik jel xkoltani:

• Sl 45:2. Ja jas alubʼalkan sbʼaja Mesías yala ke ja Rey stsaʼunej ja Jyoba ojni ya makunuk tsamal yaljelik.

• Lu 4:22. Ja kristyanoʼiki jelni ochkan spensare yuja jastal jel tsamal kʼumani ja Jesús.