Sjejelik wa xbʼobʼ skoltayotik:

• Sl 78:​40, 41; 106:​36-46. Ama ja israʼelenyoʼik tikʼanxta yawe tristeʼaxuk ja Jyoba, ja yeʼn yaʼani perdon.

• Lu 15:​11-32. Bʼa oj xchol ja jastal wa xbʼobʼ yaʼotik perdon ja Jyoba, ja Jesús staʼa tiʼal jun tatal bʼa ay syajulal skʼujol ke yaʼa perdon ja yunini yajni sutxi skʼujol ja bʼa jastik mi lekuk skʼuluneji.

Sjejelik wa xbʼobʼ skoltayotik:

• Heb 9:​22-28. Ja jekabʼanum Pablo xcholo ke stsʼakatal yuja sakʼanil yaʼa ja Jesús, ja Jyoba ojni bʼobʼ ya perdon ja jmultiki.

• Ap 7:​9, 10, 14, 15. Ja jekabʼanum Juan stsʼijbʼan ke ja Dyos yaʼa perdon ja smule ja «niwan nole kristyano» yujni ajyiyujile skʼuʼajel ja bʼa sakʼanil yaʼa ja Jesús.

 Sjejelik wa xbʼobʼ skoltayotik:

• Job 42:​7-10. Bʼajtanto oj stojbʼes sok oj ya koʼyi slekilal ja Job, ja Jyoba yala yabʼ ke ayayi orasyon sbʼaja oxwane winike ke sleʼaweyi lom smuli.

• Mt 18:​21-35. Ja Jesús xcholo sok jun sjejel ke ta wa xkʼanatik oj yaʼotik perdon ja Jyoba, ja keʼntiki cha tʼilani oj katik perdon ja tuki.

Sjejelik wa xbʼobʼ skoltayotik:

• Sl 32:​1-5; 51:​1, 2, 16, 17. Yuja koʼta bʼa chaʼanik mulali, ja rey David yabʼ jel yajbʼel ay sok tʼenan ay, sok sutxi skʼujol.

• Snt 5:​14-16. Ja Santiago xcholo ta ay maʼ xkoʼ bʼa jun chaʼan mulal, tʼilani oj waj yalyabʼ ja ansyanoʼiki.

Sjejelik wa xbʼobʼ skoltayotik:

• 1Re 21:​27-29; 2Cr 18:​18-22, 33, 34; 19:​1, 2. Yuja rey Acab yaʼa sbʼaj chʼin yajni snaʼa ke oj kʼulajuk kastigar, ja Jyoba sjeʼayi syajulal skʼujol; pe tsaʼan ja Acab sjeʼani ke mi meran sutxel skʼujol, ja yuj ja Jyoba mini yaʼa perdon sok yaʼanikan ke amiljuk.

• 2Cr 33:​1-16. Ama ja rey Manasés jel malo waji, ja Jyoba yaʼa perdon yajni sutxi skʼujoli; ja Manasés sjeʼa ke meran stukbʼesta sbʼaj: yaʼakan ja stoyjel kʼulubʼal dyosiki sok koltani bʼa stoyjel ja Jyoba.

Sjejelik wa xbʼobʼ skoltayotik:

• 2Sa 12:13; 24:1; 1Re 9:​4, 5. Ama ja David koʼ bʼa chaʼanik mulal, ja Jyoba yaʼani perdon yujni sutxi skʼujol; mas tsaʼan ja Jyoba yala ke kʼotel jun winik toj.

 Sjejelik wa xbʼobʼ skoltayotik:

• Mt 26:​36, 40, 41. Ja snebʼumanik bʼa mas ajyiye ekʼ soka Jesús ochkan swayele yajni mas wa xmakuniyuji; pe yabʼni stojol sok yila ke yajtik aye.

• Mt 26:​69-75; Lu 24:​33, 34; Hch 2:​37-41. Ja Pedro oxe ekʼele yala mi snaʼa sbʼaj ja Jesús, pe ja yeʼn yaʼa perdon yajni yila ke sutxita skʼujol; yajni sakʼwi ja Jesús, sjeʼa sbʼaj soka yeʼni sok tsaʼan yayi cholalik jel chaʼanyabʼal ja bʼa kongregasyoni.

Sjejelik wa xbʼobʼ skoltayotik:

• Mt 23:​29-33. Ja Jesús yala yabʼ ja jeʼumanik bʼa ley sok ja fariseoʼik bʼa chabʼ kara ajyiye ke ojni kʼulajuke kastigar ja bʼa Gehena, ma oj chʼayjuk snajele bʼa tolabida.

• Jn 17:12; Mr 14:21. Ja Jesús ya sbʼiʼiluk ja Judas Iscariote «ja yunin ja chʼakelali» sok yala ke masto lek ja mokxta pojkuk ja chʼaykʼujolanum it.