Ja xchol yiʼoj ja Tekstoʼik jel xkoltani ja bʼa jsakʼaniltiki jani bʼa oj skoltayotik bʼa pasilxta oj tatik ja tekstoʼik bʼa Biblia sok bʼa oj natik jastal oj kuchkujtik ja jastik wa x-ekʼ ja bʼa jsakʼaniltiki. Ja juʼun it cha ojni skoltayotik bʼa stajel tekstoʼik jel xkoltani bʼa stsatsankʼujolajel ja tuki sok oj koltajuke bʼa oj snaʼe jas oj skʼuluke bʼa oj yayi stoyjel ja Jyoba. Kechan la jletik ja yolomajel wa xmakunikujtiki sok ojni kiltik ke ja bʼa yojoli ayiʼoj sjobʼjelik sok wa xcholo tʼusan bʼa jujuntik sjejel jel xkoltani (kʼela ja bʼarecuadro « Ja jastal yajel makunuk ja juʼun it»). Wegoxta oj tatik tekstoʼik jel xkoltani sok rasonik jel xmakuni ja bʼa Yabʼal ja Dyosi. Chomajkil, oj tatik rasonik jel chaʼanyabʼal bʼa oj skoltayotik ja keʼntiki sok bʼa oj koltaytik ja tuki.

Ja juʼun it mey yiʼoj yibʼanal ja tekstoʼik wa skʼana bʼa jun jasunuk. Jaʼuktoma, kechantani jaʼa skʼeʼulabʼil bʼa oja paklay mas (Pr 2:​1-6). Bʼa oj paklaytik mas, la katik makunuk ja referenciaʼik bʼa tekstoʼik sok ja notaʼik bʼa spaklajel ja bʼa La Biblia. Traducción del Nuevo Mundo. Cha ojni bʼobʼ katik makunuk Ja Juʼun bʼa koltanel spaklajel bʼa spaklajel lek ja jas wa stojolan ja jastal yajel makunuk jun teksto. La jpaklaytik ja juʼunik mas ajkʼachi bʼa oj kʼul jbʼajtik asegurar ja jas actualisado ayi.

Wa xmajlaytikon ke ja juʼun it oj skoltayex bʼa oja taʼex ja snajelil, ja yabʼjel stojolil sok ja biboʼil yiʼoj ja Yabʼal ja Dyosi. Yajni wanex spaklajel ja juʼun it, mastoni oj ya kʼuʼukex ke «ja yabʼal ja Dyosi sakʼan ay sok ayni yip» (Heb 4:12).