Syajal; chamelal
¿Jas sjejelik bʼa Biblia wa xchiktes ke mey smaloʼil yaj oj kabʼtik yajni wa xcham june maʼ jel xkʼanatik?
Gé 23:2; 24:67; 37:34, 35; 42:36; Jn 11:19, 31, 33-36
Cha kʼela ja 2Sa 1:17-27; Hch 9:36-39.
¿Jastal wa xnaʼatik ke ja Jyoba meran wa skʼana oj yayi kʼulan skʼujol ja matik aye bʼa syajal yuj ay maʼ chamelyujile?
Sl 34:18; Is 57:15; 61:1, 2
¿Jas yuj wa xyaʼa kʼulan jkʼujoltik snajel ja smeranil sbʼaja yajni ay maʼ wa xchami?
Ec 9:5, 10; 1Te 4:13
-
Sjejelik wa xbʼobʼ skoltayotik:
-
Lu 20:37, 38. Ja Jesús xcholo ke ja sakʼwelal ja chamwiniki jelni meran, pes bʼa Jyoba lajansok sakʼanto aye.
-
Jn 11:5, 6, 11-14. Yajni cham ja yamigo jel skʼana ja Jesús, ja Lázaro, ja yeʼn xchiktes ke ja matik chamelexa lajansok kechanta wane wayel.
-
Heb 2:14, 15. Ja jekabʼanum Pablo xcholo ke mok ajyukotik moso yuja xiwel sbʼaja chamelali.
-
¿Jas yuj ja Biblia wa xyala ke masni lek yajni wa xcham june ke yuja wa xpojki?
Pr 22:1; Ec 7:1, 2
¿Jastal wa xcholo ja Biblia sbʼaja chamelali sok jasa oj kʼulajukyi yuja Dyosi?
Is 25:8; 1Co 15:26; Ap 20:14; 21:3, 4
¿Jas yuj wa xkʼuʼantik lek ke ja matik chameleʼi oj sakʼwuke?
Is 26:19; Jn 5:28, 29; Hch 24:15
-
Sjejelik wa xbʼobʼ skoltayotik:
-
Ja Biblia wa staʼa tiʼal bʼa bʼalune kristyano ke sakʼwiye, sok waxake bʼa yeʼnle cha ajyiye sakʼan ja bʼa Luʼumi. Ja loʼilik it wani xyayi kʼulan skʼujol sok yajelyi jun smajlajel ja matik wane yijel wokol yuj ay maʼ chamelyujileʼi.
-
1Re 17:17-24. Ja aluman Elías ya sakʼwuk ja skerem jun biuda bʼa Sarepta, jun chonabʼ bʼa Sidón.
-
2Re 4:32-37. Ja bʼa chonabʼ Sunem, ja aluman Eliseo ya sakʼwuk jun yal kerem sok ya kumxukyi ja snantati.
-
2Re 13:20, 21. Jun winik bʼa mito jel albʼeluk chamel sakʼwi yajni ja skuerpo staʼa sbʼaj soka sbʼakel ja aluman Eliseo.
-
Lu 7:11-15. Ja bʼa chonabʼ Naín, ja Jesús ya sakʼwuk ja skerem jun biuda yajni jun nole kristyano wajumexa smukjel.
-
Lu 8:41, 42, 49-56. Ja Jesús ya sakʼwuk ja yal yakʼix ja Jairo, jun olomal ja bʼa naʼits wa stsomo sbʼaje.
-
Jn 11:38-44. Ja Jesús ya sakʼwuk ja yamigo jel skʼana, ja Lázaro, sok ya kumxukyi ja yermanaʼik, ja Marta sok ja María.
-
Hch 9:36-42. Ja jekabʼanum Pedro ya sakʼwuk ja Dorcas, jun hermana naʼubʼal sbʼaj yuja jastik lek wa skʼulani.
-
Hch 20:7-12. Ja jekabʼanum Pablo ya sakʼwuk jun kerem sbʼiʼil Eutico bʼa chami yuja moʼkon bʼa jun bentana.
-
-
Ja Jyoba ya sakʼwuk ja Jesukristo jastal jun ikʼ ason bʼa mixa oj chamuk, sok ja it wa xya jkʼuʼuktik ke ja Dyos ojni ya kʼot smeranil yibʼanal ja jas skʼapuneji.
-
Ja Jesús yeʼnani ja maʼ bʼajtan sakʼwi bʼa waj bʼa satkʼinal sok ajiyi jun sakʼanil bʼa mixa oj chamuk, pe mini kechan yeʼn waji; ja 144,000 tsaʼubʼale cha jachtikni wa x-ekʼ sbʼaje ja yajni wa sakʼwiyeʼi.
-
¿Jastal oj bʼobʼ jkoltaytik ja matik wane yijel wokol yuj ay maʼ chamelyujile?
Bʼobʼta cha ojni akʼul gusto
¡KʼEʼAN!
Lekil koltanel sbʼaja matik aye bʼa syajal
Ja Biblia wa skʼapa lekil koltanel sbʼaja matik aye bʼa syajal.
TUK TEMAʼIK
Yajni ay maʼ wa xcham bʼa jel xkʼanatik
Ja il oja taʼ jujuntik rasonik bʼa oj kuchukawuj ja tristeʼil yajni ay maʼ wa xchamawuj.
JA JUʼUN CHOLUMANI
¿Jasa wa x-ekʼ yajni ay maʼ wa xchami?
¿Ja Biblia wa sloʼiltay waxake ixuk winik sakʼwiye sbʼaja chamel chʼakeli?
JA JUʼUN CHOLUMANI
¿Merani maʼ sakʼwi ja Jesús?
¿Jasa wa xya jkʼuʼuktik ja smeranil sbʼaja Jesús ja Evangelioʼiki?
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.
