Yajulal kʼujol
¿Jas modoʼalik ti chʼikan soka yajulal kʼujoli?
-
Sjejelik wa xbʼobʼ skoltayotik:
-
Sl 51:1, 2. Ja rey David spatayi skʼujol ja Jyoba ke ajejukyi yajulal kʼujol: skʼanayi ke aʼajuk perdon sok akusjukyi ja smuliki.
-
Lu 10:29-37. Bʼa xchiktesel ja jas ti chʼikan ja yajulal kʼujol, ja Jesús xcholo jun loʼil bʼa jun samaritano bʼa sjeʼayi lekil skʼujol sok snaʼa syajulal jun judío.
-
¿Jas yuj jpetsaniltik wa xkʼanatik oj jejukitik yajulal kʼujol?
Sl 130:3; Ec 7:20; 1Jn 1:8
Cha kʼela ja 1Re 8:46-50.
¿Jastal wa xnaʼatik ke ja Jyoba wa sjeʼa syajulal skʼujol?
Éx 34:6; Ne 9:17; Sl 103:8; 2Co 1:3
-
Sjejelik wa xbʼobʼ skoltayotik:
-
Job 42:1, 2, 6-10; Snt 5:11. Ja Jyoba sjeʼayi syajulal skʼujol ja Job sok sjeʼayi jach oj cha skʼuluk.
-
Lu 15:11-32. Ja Jesús ya slaj ja jastal wa sjeʼa syajulal skʼujol jmoktik ja Jyoba jastal jun tatal wa skʼulan tratar ja skerem kʼoka abʼal bʼa wa sutxi skʼujoli.
-
¿Jas yuj ja Jyoba wa sjeʼa syajulal skʼujol jmoktik?
Cha kʼela ja Tit 3:4, 5.
¿Jasa ti chʼikan ja bʼa sakʼanil yaʼa ja Kristo soka bʼa oj ajuk perdon ja jmultiki?
¿Jas yuj tʼilan oj kʼantikyi ja Jyoba ke a-sjeʼ syajulal skʼujol jmoktik sok tolabida yajelyi tsʼakatal yuja jaw?
-
Sjejelik wa xbʼobʼ skoltayotik:
-
Sl 51:1-4. Yajni koʼ mulal ja rey David, yabʼ ke jel mulal ay sok spatayi skʼujol ja Jyoba ke ajejukyi syajulal skʼujol sok aʼajuk perdon.
-
Lu 18:9-14. Ja Jesús xcholo jun loʼil bʼa xchiktesel ke ja Jyoba wa sjeʼayi syajulal skʼujol ja matik chʼin wa xyaʼa sbʼajeʼi sok mi snakʼawe ja smuleʼi.
-
¿Jastal wa xnaʼatik ke ja matik koʼyeta bʼa chaʼan mulal wantoni xbʼobʼ jejukyile yajulal kʼujol yuja Jyoba?
Dt 4:29-31; Is 55:7
-
Sjejelik wa xbʼobʼ skoltayotik:
-
2Cr 33:9-13, 15. Ama ja rey Manasés jel malo waji, sutxi skʼujol sok spatayi skʼujol ja Jyoba ke ajejukyi yajulal kʼujol; tsaʼan, cha och rey sok yuja jastik skʼulani sjeʼa ke tukbʼitani.
-
Jon 3:4-10. Ama ja swinkil ja Nínive jel spekʼawe chikʼ sok smilawe jitsan kristyano, sutxi skʼujole sok jejiyile yajulal kʼujol yuja Dyosi.
-
Ta wa xkʼanatik oj sjekitik syajulal skʼujol ja Jyoba, ¿jas yuj jel tʼilan oj kaltik ja jmultiki sok oj tukbʼes jbʼajtik?
Sl 32:5; Pr 28:13; 1Jn 1:9
Ama ja Jyoba ay syajulal skʼujol jmoktik, mini xya elkotik libre ja bʼa wokolik wa xyiʼajan ja jmultiki, sok bʼobʼta ojni tojukotik
Éx 34:6, 7; 2Sa 12:9-13
¿Jas yuj tʼilan oj jetikyile syajulal jkʼujoltik ja tuki?
Ta mi xjeʼatikyile syajulal jkʼujoltik ja tuki, ¿jasa oj ekʼuk soka jastal wala taxtik soka Jyoba?
Cha kʼela ja Pr 21:13.
-
Sjejelik wa xbʼobʼ skoltayotik:
-
Mt 18:23-35. Ja Jesús ya makunuk jun sjejel bʼa xchiktesel ke ta mi xjeʼatikyile syajulal jkʼujoltik ja tuki, ja Jyoba cha mini oj sjeʼ syajulal skʼujol jmoktik.
-
Lu 10:29-37. Ja tsamal sjejel bʼa lekil samaritano wa sjeʼakitik ke ja Jyoba sok ja Jesús jelni lek xyilawe ja matik wa sjeʼaweyi syajulal skʼujole ja tuki; pe mini lek xyilawe ja matik mi sjeʼawe syajulal skʼujoleʼi.
-
¿Jastal wa xyila ja Jyoba ja matik wa sjeʼaweyi syajulal skʼujole ja tuki?
Bʼobʼta cha ojni akʼul gusto
SBʼAJA KEʼNTIKONI
Kʼana maʼ oj yulataya
Naʼa ja sjakʼjel bʼa jun sjobʼjel bʼa Biblia ma naʼa sbʼaj mas ja testigoʼik bʼa Jyoba.
