¿Ojto maʼ sakʼwukejan ja matik chamelexa?
¿Oj maʼ awal...
-
... ojo?
-
... miyuk?
-
... ma mi xnaxi?
JA JAS WA XYALA JA BIBLIA
«Huax cʼuan ja maʼ huax chami, tʼilan oj cho sac-huuc.» (Hechos 24:15, Ja yajcʼachil testamento.)
JA SLEKILAL BʼA WEʼNA
Ojni jtaʼ jkoltajeltik yajni ay maʼ wa xchamkujtiki (2 Corintios 1:3, 4).
Mini xiwel xta oj ajyukotik sbʼaja oj chamkotiki (Hebreos 2:15).
Ojni ajyukawuj jun meran smajlajel sbʼaja oj sakʼwuke ja matik chamelawuji (Juan 5:28, 29).
¿WAN MAʼ XBʼOBʼ JKʼUʼUKTIK MERAN LEK JA JAS WA XYALA JA BIBLIA?
Waniʼa, la kiltik kechanta oxe rasonik:
-
Ja Dyos yeʼnani yaʼa ja jsakʼaniltiki. Ja Biblia wa xya sbʼiʼiluk ja Dyos maʼ «huax yaa quitic ja jsacʼaniltiqui» (Hechos 17:24, 25; Salmo 36:9). Ta yeʼn ya yi sakʼanil spetsanil ja jastik wa xnijki, ¿mi maʼ cha ojni ya kumxukyi ja sakʼanil ja matik chamelexa?
-
Ja Dyosi yaʼoj xa sakʼwuk ixuk winik. Ja Biblia wa staʼa tiʼal waxake ekʼele sbʼaja matik sakʼwiye, ajyi ixuk, winik, keremtik sok awelik. Ja yeʼnleʼi sakʼwiye sok ti ajyiye bʼa Luʼum. Jujuntik wanto chamye ja aji sakʼwukeʼi, pe june bʼa yeʼnle ekʼelxa chane kʼakʼu ja chameli (Juan 11:39-44).
-
Ja Dyosi xkʼankʼuniyuj yajel sakʼwuk ja chamwiniki. Ja Dyosi wa xyijnay ja chamelchʼakeli, ja yeʼn wa xyila jastal jun skontra (1 Corintios 15:26). Jelni xkʼankʼuni skʼujol xchʼayel snajel ja kontraʼal it sok ojni skʼuluk soka sakʼwelal oj ya ajyuki. Ja yeʼn wa skʼana yajel kumxukyi ja sakʼanil bʼa luʼum spetsanil ja matik tey bʼa spensari (Job 14:14, 15).
JOBʼO ABʼAJ
¿Jas yuj wala awelaxitik sok wala chamtik?
Oj ataʼ ja sjakʼjel bʼa Biblia bʼa GÉNESIS 3:17-19 sok ROMANOS 5:12.
Bʼobʼta cha ojni akʼul gusto
ESSENTIAL BIBLE TEACHINGS
¿Jastal maʼ wa xtaxye ja matik chameleʼi?
Ja Biblia wa xyala ojni kʼotuk ja tyempo bʼa oj sakʼwuke jitsan ixuk winik, oj sakʼwuke jastalni ja Lázaro.
JA JUʼUN CHOLUMANI
Ja sakʼwelal, ¿jas rasonik kiʼojtik bʼa oj jkʼuʼuktik?
Ja Biblia wa xyala chabʼ rasonik bʼa oj jkʼuʼuktik ojni ajyuk sakʼwelal.
SBʼAJA KEʼNTIKONI
¿Jas yuj tʼilan spaklajel ja Biblia? (bideo mas najat)
Ja Biblia skoltunej jitsan mil ixuk winik bʼa sutanal ja luʼumi bʼa stajel ja sjakʼjel ja sjobʼjelik mas tʼilanik ja bʼa jsakʼaniltiki. ¿Wan maʼ xcha kʼana oj ataʼ ja weʼn?
