Ja Jesús yala ke ja kristyanoʼik bʼa lek skʼujole ojni bʼobʼ snaʼe sbʼaj ja smeranili (Juan 10:​4, 27). Ja yuj wani xkʼana oj jetikyile ja meran sjejelik bʼa Biblia spetsanil ja kristyanoʼik wala ochtiksoke loʼili. Ojni bʼobʼ kʼe kaltik yabʼye «¿Wan maʼ xa naʼa ke...?» ma «¿Ay maʼ bʼa awabʼunej ke...?» sok tixa oj yaktik jun sjejel bʼa Biblia. Tsaʼan oj bʼobʼ katik makunuk jun teksto bʼa oj xchol ja sjejel jaw. Yaljel yabʼ jun sjejel bʼa Biblia ja kristyano jachni jastal stsʼunjel jun yal inat ja bʼa skʼujoli. ¡Sok jaxa Dyosi ojni yakan bʼa oj ya kʼiʼuk ja yal inat jaw! (1 Cor. 3:​6, 7).

•  Ja tyempo jakumi

•  Ja pamilya

•  Ja Dyos

•  Ja orasyon

•  Ja Jesús

•  Ja sGobyerno ja Dyos

•  Ja wokol

•  Ja matik chamel

•  Ja relijyon

 JA TYEMPO JAKUMI

1. 1. Ja jastik mi lek wan ekʼel sok ja jastal wa sjeʼa ja smodo ja kristyanoʼik kʼotelni jun preba bʼa ojxta tukbʼuk yibʼanal (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Ja Luʼumi mi oj chʼaysnajel (Sal. 104:5; Ecl. 1:4).

3. 3. Oj tojbʼuk ja jastal jomubʼal ja luʼumi (Is. 35:​1, 2; Apoc. 11:18).

4. 4. Jpetsaniltik mixa oj maloʼaxukotik (Is. 33:24; 35:​5, 6).

5. 5. Ja weʼn oj bʼobʼ ajyan sakʼan bʼa tolabida ja bʼa Luʼumi (Sal. 37: 29; Mat. 5:5).

 JA PAMILYA

1. 6. Ja tatamali jel tʼilan oj syajtay ja xcheʼumi «jastalni wa syajtay sbʼaj ja yeʼni» (Efes. 5:33; Col. 3:19).

2. 7. Ja cheʼumali tʼilan oj skis lek ja statami (Efes. 5:33; Col. 3:18).

3. 8. Ja tatamal sok ja cheʼumal tʼilan mok xchʼaykʼujoluk sbʼaje (Mal. 2:16; Mat. 19:​4-6, 9; Heb. 13:4).

4. 9. Ja untikal bʼa wa skisawe sok wa skʼuʼaneyi ja snantate lekni oj wajyujile (Prov. 1:​8, 9; Efes. 6:​1-3).

 JA DYOS

1. 10. Ja Dyos ay jun sbʼiʼil (Sal. 83:18; Jer. 10:10).

2. 11. Ja Dyos ayiʼoj jun lekil rason jel tʼilan bʼa keʼntik (2 Tim. 3:​16, 17; 2 Ped. 1:​20, 21).

3. 12. Ja Dyos jel toj sok mini june maʼ menos wa xyila (Deut. 10:17; Hech. 10:​34, 35).

4. 13. Ja Dyos wa skʼana oj skoltayotik (Sal. 46:1; 145:​18, 19).

  JA ORASYON

1. 14. Ja Dyos wa skʼana oj katikyi orasyon (Sal. 62:8; 65:2; 1 Ped. 5:7).

2. 15. Ja Biblia wa sjeʼakitik jastal yajelyi orasyon (Mat. 6:​7-13; Luc. 11:​1-4).

3. 16. Tʼilan tikʼan oj katikyi orasyon (Mat. 7:​7, 8; 1 Tes. 5:17).

 JA JESÚS

1. 17. Ja Jesús waj jun lekil maestro sok tolabida jel xmakuni ja srasoniki (Mat. 6:​14, 15, 34; 7:12).

2. 18. Ja Jesús yalaxakan ja jas wan ekʼel ja bʼa jtyempotiki (Mat. 24:​3, 7, 8, 14; Luc. 21:​10, 11).

3. 19. Ja Jesús yeʼn ja Yunin ja Dyosi (Mat. 16:16; Juan 3:16; 1 Juan 4:15).

4. 20. Ja Jesús mi Dyosuk (Juan 14:28; 1 Cor. 11:3).

 JA SGOBYERNO JA DYOS

1. 21. Ja Dyos yaʼunej kujlajuk jun gobyerno ja bʼa satkʼinali (Dan. 2:44; 7:​13, 14; Mat. 6:​9, 10; Apoc. 11:15).

2. 22. Ja sGobyerno ja Dyos oj slokʼolukan yibʼanal ja gobyernoʼik ja bʼa Luʼumi (Sal. 2:​7-9; Dan. 2:44).

3. 23. Ja sGobyerno ja Dyos kechan yeʼn oj ya tojbʼuk ja swokolik ja kristyano (Sal. 37:​10, 11; 46:9; Is. 65:​21-23).

 JA WOKOL

1. 24. Ja Dyos mi yeʼn smuluk ja jwokoltiki (Deut. 32:4; Sant. 1:13).

2. 25. Ja Satanás yeʼn wan yajel mandar ja bʼa luʼumkʼinal it (Luc. 4:​5, 6; 1 Juan 5:19).

3. 26. Ja Dyos wa xyila jawa wokol sok wa skʼana oj skoltaya (Sal. 34:​17-19; Is. 41:​10, 13).

4. 27. Ja Dyos ojxta xchʼaysnajel ja wokoliki (Is. 65:17; Apoc. 21:​3, 4).

 JA MATIK CHAMEL

1. 28. Ja matik chameli mixato jas snaʼawe sok mi wanuke yijel wokol (Ecl. 9:5; Juan 11:​11-14).

2. 29. Ja matik chameli mi xbʼobʼ skoltayotik sok mi xbʼobʼ yixtalaʼukotik (Sal. 146:4; Ecl. 9:​6, 10).

3. 30. Ja matik chamelkujtik oj sakʼwukejani (Job 14:​13-15; Juan 5:​28, 29; Hech. 24:15).

4. 31. «Mixani oj ajyuk chamelal» (Apoc. 21:​3, 4; Is. 25:8).

 JA RELIJYON

1. 32. Ja Dyos mi lek xyila yibʼanal ja relijyoni (Jer. 7:11; Mat. 7:​13, 14, 21-23).

2. 33. Ja Dyos wa xyilkʼujolan ja ajyel chabʼ kara (Is. 29:13; Miq. 3:11; Mar. 7:​6-8).

3. 34. Ja meran yajtanel wa xchiktes ja relijyon smeranili (Miq. 4:3; Juan 13:​34, 35).