Bʼajtanto ja bʼa estudio

1. 1. Chapabʼaj lek. Pensaran ja jas wa xmakuniyuj, ja jastal wa xtax sok ja jastik wa skʼuʼan jawa westudiante. ¿Ay maʼ jun jasunuk wokol oj yabʼ stojol ma oj ya makunuk? Paklay ja artikuloʼik sok ja bideoʼik ja bʼa xetʼan «Leʼa tuk jastik» sok pensaran jastal oj bʼobʼ koltajukyuj. Jachuk chapan oj ajyan bʼa oj wa makunuk ja bʼa estudio ta ay stʼilanili.

Ja yajni wana skʼulajel ja estudio

1. 2. Ta lek xyila ja estudiante, ayi jun orasyon ja bʼa skʼeʼulabʼil sok ja bʼa xchʼakulabʼili.

2. 3. Awajuka kʼujol ja jas yiʼojan ja bʼa sjejeli sok aʼakan akʼumanuk jawa westudiante.

3. 4. Yajni oj kʼeʼan bʼa jun pilan xetʼan, kʼuman ja jas mas tʼilani sok taʼa tiʼal jujuntik yolomajel ja bʼa sjejeli.

4. 5. Yajni la chʼaksok bʼa jun xetʼan, amakunuk ja bʼa yajel juljkʼujoltik bʼa jachuk ja estudiante oj julskʼujol ja jas snebʼa bʼa Biblia.

5. 6. Ja yajni oja paklay kada xetʼan soka wa westudiante:

   1. Kʼumanik lajan ja bʼajtan parrapoʼik ja bʼa skʼeʼulabʼili.

   2. Kʼumanik yibʼanal ja teksto bʼa wa xyala «Kʼumanik».

   3. Kʼumanik tuk tekstoʼik ta ay stʼilanili.

   4. Jeʼayi yibʼanal ja bideoʼik bʼa wa xyala «Kʼelawik» (ta wa xbʼobʼa kʼuluk).

   5. Aʼa spetsanil ja sjobʼjeliki.

   6. Paklayik lajan ja potoʼik ma ja dibujoʼik ja bʼa xetʼan «La jnebʼtik mas».

   7. Amakunuk ja recuadro «Leʼa modo skʼulajel ja it» bʼa jachuk ayil janekʼ wan skʼujolajel. Tsatsankʼujolan bʼa oj ya ajyuk jun skʼelsat. Ojni bʼobʼ wa makunuk ja jas yiʼojan ja bʼa recuadro ma bʼa pilan.

   8. Jobʼoyi ta yiʼaj gusto jun artikulo ma bideo ja bʼa xetʼan «Leʼa tuk jastik» yajni xchapa sbʼaji.

   9. Leʼa modo bʼa oj chʼaka kʼulukex estudiar jun sjejel bʼa kada estudio.

Yajni chʼakta ja estudio

1. 7. Moka wakan spensarajel sbʼaja wa westudiante. Kʼanayi ja Jyoba bʼa aya koʼyi slekilal ja janekʼ wan skʼujolajeli sok ayawi ja biboʼil wa xmakuniwuj bʼa oja koltay.