Ja jas skʼulan ja Jesús

¿Jasa wa xnebʼatik ja jastal skʼulan ja Jesús?

2. Ta wala kʼumanitik bʼa jun modo pasil, ja kristyanoʼiki mi oj chʼay skʼujole ja jas wa xjeʼatikyile sok oj kʼot bʼa skʼujole.

 Nocho ja Jesús

3. Mok jel kʼumanan. Mok chʼaka cholyabʼ yibʼanal jawa westudiante ja jas waxa naʼa bʼa jun jasunuk. Mas lek jaʼita awajuka kʼujol ja jas yiʼojan ja bʼa juʼun wana skʼulajelsok estudiari. Yajni waxa wayi jun sjobʼjel, majlay sok pasensya bʼa oj sjakʼe. Pe ¿jaxa ta mi snaʼa ja sjakʼjel ma xyala jun jasunuk bʼa mi jachukuk wa xyala ja Biblia? Ayi mas sjobʼjelik bʼa oj kʼot yabʼ stojol. Ta ja estudiante yabʼta stojol, ekʼansok bʼa pilan.

4. Amakunuk ja jas wanxa snaʼa bʼa oj yabʼ stojol yajkʼachil jasunuk. Jun sjejel, ta kʼeʼa paklaysok jun jasunuk bʼa wa staʼa tiʼal sbʼaja sakʼwelali, ojni bʼobʼa paklay tʼusan soka wa westudiante ja jas wanxa snaʼa sbʼaja jastal wa xtax ja chamwiniki.

5. Tsaʼa lek ja sjejelik oj wa makunuki. Bʼajtanto oj wa makunuk jun sjejel jobʼa abʼaj:

1.    «¿Kʼotel maʼ jun sjejel bʼa jel pasil?».

2.   «¿Wego maʼ oj yabʼ stojol ja kestudiante?».

3.   «¿Oj maʼ julskʼujol ja jas mas tʼilani, ma kechan oj julskʼujol ja sjejel?».