AKʼE JUNA LOʼIL
SJEJEL 4
Aʼabʼaj chʼin
Rason bʼa Biblia: «Aʼabʼajik chʼin spensarajel ke ja tuki mas ekʼxele yuja weʼnlexi» (Filip. 2:3).
Ja jas skʼulan ja Pablo
1. Kʼela ja BIDEO ma kʼuman ja Hechos 26:2, 3. Tsaʼan aʼa ja sjobʼjelik ti nochani:
-
¿Jastal sjeʼa ke chʼin yaʼa sbʼaj ja Pablo yuja jastal skʼuman ja rey Agripa?
-
¿Jasa skʼulan ja Pablo bʼa jaʼ staʼa tiʼal bʼa Jyoba sok ja bʼa Yabʼal, sok mi bʼa yeʼnuk? (Kʼela ja Hechos 26:22).
¿Jasa wa xnebʼatik ja jastal skʼulan ja Pablo?
2. Yajni wa xkʼumantik ja kristyano sok respeto sok chʼin wa xkaʼa jbʼajtik, masni wa xpayjiyeyuj ja jas wa xkalatiki.
Nocho ja Pablo
3. Moka jeʼabʼaj jelxa naʼa. Mok wa yabʼ ja kristyano ke wa xchʼaka naʼ yibʼanal sok ja yeʼn mi jas snaʼa. Tolabida kʼuman sok respeto.
4. Chiktes ke ja jas waxa jeʼa ti wa xwa el bʼa Biblia. Ja Yabʼal ja Dyosi ojni bʼobʼ snikyi skʼujol ja kristyanoʼiki. Yajni wa x-axi makunuk, wani xkoltaxiye bʼa tsʼunan lek oj ajyuk ja skʼuʼajel yiʼojeʼi.
5. Jeʼa lekila modo. Mokni ajeʼ ke weʼn aya wiʼoj rason. Mini wa xkʼanxi bʼa kʼeʼel kʼumalsoke. Yajela bʼaj chʼin oj skoltaya bʼa oj ajyan laman sok oja naʼ jas tyempo oja jitsabʼaj (Prov. 17:14; Tito 3:2). Ta waxa jakʼa bʼa jun modo waxa jeʼa lekila modo sok manso wala ajyi, bʼobʼta ja kristyano puesto oj ajyuk bʼa oj cha loʼilanuk jmoktik pilan ekʼele.
