AKʼE JUNA LOʼIL
SJEJEL 5
Tsamal kʼumanan
Rason bʼa Biblia: «Ja jas oja walexi tolabida tsamal aʼabʼxuk» (Col. 4:6).
Ja jas skʼulan ja Pablo
1. Kʼela ja BIDEO ma kʼuman ja Hechos 17:22, 23. Tsaʼan aʼa ja sjobʼjelik ti nochani:
-
¿Jastal yabʼ ja Pablo yajni yila ke ja bʼa Atenas bʼutʼel kʼulubʼal dyosik? (Kʼela ja Hechos 17:16).
-
¿Jastal sjeʼa ke tsamal kʼumani ja Pablo yajni xcholo yabʼ ja swinkil Atenas?
¿Jasa wa xnebʼatik ja jastal skʼulan ja Pablo?
2. Bʼobʼta masni oj smaklayotik ja kristyano ta wa stsaʼatik lek ja jas oj kaltiki, jastal oj kaltik sok jas tyempo oj kaltik.
Nocho ja Pablo
3. Tsaʼa lek ja yaljeliki. Jun sjejel, ta ochyasok loʼil june bʼa mi snaʼa bʼa Dyos, bʼobʼta tukni oja wal ja jastal oja taʼ tiʼal ja Biblia ma ja Jesús.
4. Mok wegoxta tojwanan. Aʼakan ja kristyano ayal jaman lek. Sok yajni ay jas xyala bʼa mi slaja sbʼaj soka Biblia, mok kʼeʼansok kʼumal (Sant. 1:19). Ta wa xkana maklay lek, ojni awabʼ stojol ja jas wa skʼuʼani sok jas yuj jach wa skʼuʼani (Prov. 20:5).
5. Yajni stojol ayi, ochan akuerdo sok kʼulan felicitar. Ajuluka kʼujol, bʼobʼta ja kristyano skʼuʼunej lek ke stojolni ay. Bʼajtan, ochan loʼilsok ja bʼa jas akuerdo ayasoki sok tsaʼan takal takal koltay bʼa oj yabʼ stojolil ja jas wa sjeʼa ja Biblia.
CHA KʼELA
Prov. 25:15; 2 Tim. 2:23-26; 1 Ped. 3:15
