Jel ma wokol oja ta juna wamigo, chomajkil jel ma wokol juntiro oja wamigoʼuk. Ta waxa kʼujolan oj wa wamigoʼuk ja Diʼosi moka wakan skʼuʼajel oj yawi jitsan jastik slekilal. Jesus yala ja ma wa skʼuʼan ja yeʼn ajyiʼ: “Ja smeranili oj yaʼ wajanik libre” (Juan 8:32). ¿Ja stojolil ja jawi?

Oj bʼobʼuk kawuj aj yan libre ja wego. Oj bʼobʼuk kawuj aj yan libre ja bʼa sjejel miʼ meranuki sok abʼal bʼa Satanasi skʼulunej bʼa jitsan kristiʼano oj skʼuʼuk. Oj bʼobʼuk kawuj aj yan libre ja bʼa tristeʼaxeli soka sakʼanil miyon jumasaʼ kristiʼano miʼ snaʼawe sbʼaj ja Jiʼoba (Romanos 8:22). Ja yamigo jumasaʼ ja Diʼosi oj bʼobʼuk ajyuk libre ja bʼa “jel wala xiwtik” ta “chamtiki” (Hebreos 2:14, 15).

Oj bʼobʼuk kawuj aj yan libre ja bʼa yajkʼachil luʼumkʼinal bʼa Diʼosi. ¡Ja jel stsamal oj ja ta libre! Ja yajni ja Luʼum junxa paraʼiso, oj ajyuk libre bʼa gerra bʼa chamel sok mulal. Libre bʼa pobreʼil sok waʼin. Libre bʼa oj awelaxukotik sok chamel chaʼkel. Libre bʼa xiwel, teʼnwanel sok miʼ tojuk. Ja Bibliʼa wax yala bʼa Diʼos: “Wana sjam jel ja wa kʼabʼi sok yajelyiʼ spetsanil ja maʼtika sakʼani ja jasa wa skʼana weʼi” (Salmo 145:16, NM).

 Yamigo jumasaʼ ja Diʼosi oj ajyuke sakʼan bʼa juntiro. Sakʼanil miʼ xchaʼki jun majtanal jel xmakuni sbʼaj Diʼos oj yayiʼ ja maʼtik wa sleʼa oj yamigoʼuki (Romanos 6:23). ¡Pensaran ja stojolil bʼa wa bʼaj weʼna ja sakʼanil bʼa juntiro!

Oj ajyu kawu tiʼempo bʼa oja kʼul jitsan jastik. Keta wa xakʼana oja nebʼ yajel okʼ juntikʼe kʼin. Keta wa xakʼana oja nebʼ yajel yelaw maʼ yatel tajel teʼ. Ma waxa kʼana oja nebʼ bʼa chante jumasaʼ maʼ yalkʼul jumasaʼ. Keta waxa kʼulan gusto oj jbʼeyan najat sok snajel sbʼaj tuk chonabʼ soka swinkili. Soka sakʼanil miʼ xchʼaki spetsanil ja itiʼ oj bʼobʼuk.

Oj ajyukawuj tiʼempo bʼa oja ta jitsan ja wamigo. Ja sakʼanil bʼa juntiro oj bʼobʼa naʼ sbʼaj jitsan wamigo bʼa Diʼos. Ojana jastik atelil wa skʼulane gusto sok ojana sbʼaj ja smodoʼeʼi, jachuk oja wamigoʼuke chomajkil. Oj ja yajtaye sok oj syajtaya (1 Corintios 13:8). Soka sakʼanil bʼa miʼ xchaʼki, oj ajyuk tiʼempo bʼa spetsanil ja kristiʼano bʼa Luʼumiʼ oja wamigoʼuk. Maslek: ja wa yajtanel soka Jiʼoba oj skʼul sbʼaj mas tsats yajnix ekʼ jitsan joʼwinike (siʼento jumasaʼ) jabʼil. ¡Oj bʼobʼa kʼulabʼaj yamigo bʼa Diʼos juntiro!