Satanas wa skʼana oja kʼul jastik junuk bʼa brujo. Jitsan kristiʼano wax yaweyiʼ majtanal ja ma ekʼta yujile sok ja espiritu jumasaʼ bʼa mok ixtalajuke. Wax xiwye yuj ja yip bʼa luʼumkʼinal bʼa espiritu jumasaʼ. Wax yawe makunuk jastik junuk wax yaʼa ja brujo; wax yuʼaje an, wa skʼuʼane, ay yip bʼa brujo, ma wa sbʼatsʼa we skuʼerpoʼe. Ju juntik kristiʼano ay yiʼoje bʼa snaje jastik junuk nakʼan ma mukan yuj wa skʼuʼane oj talna juke yuj ja yipi. Pilan kristiʼano jumasaʼ wax yaʼ makunuk an bʼa brujo yujila wa skʼuʼane oj ekʼ yujile lek yujila wax bʼolmalaniyeʼi; ja preba bʼa snajtsil nebʼu juʼuni ma ja soka skʼel satiʼ.

Ja mas lek bʼa miʼ oj yixtaluka Satanasi ja oja wamigoʼuk ja Jiʼoba. Diʼos Jiʼoba soka yanjelesiʼ mas jela yipe yuja Satanasi soka spukuji (Santiago 2:19; Apocalipsis 12:9). Jiʼoba wanxa skʼana oj yaʼ makunuk ja yipi bʼa oj skolta ja yamigo jumasaʼ mix jipji kanyuji (2 Crónicas 16:9).

Ja Yabʼal Diʼos wax yalaj: “Miʼ oj bʼobʼa kʼulukex majiʼa”. Jiʼoba wax yala miʼ lekuk ja majiʼa sok jastik junuk bʼa brujo yuj ja kristiʼano wax aji ochuke toj lek bʼa yip Satanas Diʼablo (Levítico 19:26, NM).