Diʼos wa skʼana oja wamigoʼuk. ¿Wan maxa naʼa weʼn oj bʼobʼa wamigoʼuk ja persona mas jel tʼilani ja bʼa spetsanil ja satkʼinali? Abraʼan ajyiʼ sakʼan ayxa aʼay tiʼempo; sbʼiʼilan yamigo bʼa Diʼos (Santiago 2:23). Bibliʼa wa sloʼiltay pilan winike sok pilan ixuke wajye yamigo bʼa Diʼos sok yiʼaje niwak slekilale. Ja bʼa tiʼempo itiʼ, aʼay kristiʼano bʼa spetsanil Luʼumiʼ skʼulunej sbʼaje yamiga jumasaʼ bʼa Diʼos. Weʼn chomajkil oj bʼobʼa kʼulabʼaj yamigo bʼa Diʼos.

Skʼuljelabʼaj yamigo bʼa Diʼos ja mas lek yuj skʼuljelabʼaj yamigo chikan maʼ kristiʼanoʼil. Diʼos nunka skʼulanyiʼ payar ja yamigo jumasaʼ mix jipji kanyuji (Salmo 18:25). Skʼuljelabʼaj yamigo bʼa Diʼos ja mas lek yuj ajyel kujtik aʼay takʼin. Yajni jun ma jel yiʼo takʼin ja yajni wax chamyeʼi pilan maʼ wax kan soka stakʼini. Pe maʼtika yamigo ja Diʼosi ayiʼoje jun portuna mini ma oj sjapyiʼ (Mateo 6:19).

Ta ayni jujuntik miʼ skʼanaweʼ oja noch sjnebʼjel bʼa Diʼos. Ta chomajkil ja wa wamigo jumasaʼ soka wa pamiliʼa jumasaʼ miʼ oj skʼane (Mateo 10:36, 37). Ta aykʼa maʼ wa stselaya ma wax yalawabʼ oj yawi jun wokol, pensaraʼan ma oja kʼan oj kanan sok lek: ¿Soka Diʼosi ma soka kristiʼano jumasaʼ? Chomajkil pensaraʼan: ta aykʼa ma yalawabʼi nunka mok waʼan, ¿ojmaʼa kiseʼ? Pes miyuk, jasyuj bʼa oj ajyukotik sakʼan jel tʼilan oj wakotik. Lek, ¡pes Diʼos oj bʼobʼ yawi sakʼanil bʼa juntiro! Ja yuj, nochoj snebʼjel jastal oja wamigoʼuk ja Diʼosi sok nunka moka wakani ay ma askom aj (Juan 17:3).