Sita wan kʼaxa kʼana oja wamigoʼuk Diʼos, ja wa relijiʼoni jani jawi ja bʼa Diʼos wax yala leki. Jesus yala “ja maʼ meran wa skʼuʼan ja Diʼosi” oj skʼuluke adorar ja Diʼosi jastal wax yala ja “[s]meran[ili]” (Juan 4:23, 24). Kechan ay jun modo bʼa lek bʼa skʼulajel adorar ja Diʼosi (Efesios 4:4-6). Ja relijiʼon smeranil ojyiʼaʼoch ja bʼa wa sakʼanili miʼ xchʼaki sok bʼa relijiʼon wa sjeʼa abʼali ojyiʼaʼoch ja bʼa wa chʼakelal (Mateo 7:13, 14).

Ta waxa wa leka sat ja kristiʼano jumasaʼ ojana bʼaya ja relijiʼon smeranil. Jastal ja Jiʼoba jel lek, ja smeran kʼuluman adorari chomajkil ojni skʼul sbʼaje leka. Jun lekil steʼil naranjo wax yaʼa lekil naranja jumasaʼ, jachuk, relijiʼon smeranil wax yaʼ ajyuk lekil kristiʼano jumasaʼ (Mateo 7:15-20).

Yamigo jumasaʼ ja Jiʼoba wa skisawe jitsan ja Bibliʼa. Wa snaʼawe ja Diʼosi yakitik ja Bibliʼa: ja yuj wax yawe makunuk bʼa oj jejuk yiʼleʼ ja bʼej bʼa sakʼanile, oj stoj bʼese ja wokol jumasaʼ sok koltajel bʼa oj snaʼe sbʼaj bʼa Diʼos (2 Timoteo 3:16). Ja yeʼnleʼi wax yaʼa yipe bʼa oj skʼuluke ja jasa wax choloweʼi.

 Yamigo jumasaʼ ja Jiʼoba wa syajta sbʼaje. Jesus sjeʼa syajal skʼujol soka kristiʼano jumasaʼ ja yajni sjeʼa yiʼleʼ bʼa Diʼos sok ayajnan ja jchamumiʼ. Ja maʼtik bʼa relijiʼon smeranil chomajkil wani syajtane kristiʼano jumasaʼ. Jastal Jesus, ja yeʼnleʼi miʼ skʼenan ja ma mey stakʼin jumasaʼ, ja tuk rasa mini ja bʼa tuk chonabʼi. Jesus yala ja kristiʼano oj snaʼe machʼti junka ja snebʼumani yuj ja syajal skʼujoleʼi wa syajtaj sbʼajeʼi (Juan 13:35).

Yamigo jumasaʼ ja Diʼosi wa skisawe ja sbʼiʼil: Jiʼoba. Sita ay ma miʼ xkʼan yaʼ makunuk ja wa bʼiʼili, ¿ojma bʼobʼa wa lekil wamigoʼuk? Pes miyuk. Yajni kiʼojtik jun kamigotik, wa xkʼumantik soka ja sbʼiʼili sok wa xkʼumantik sbʼaj jastik junuk lek bʼa sbʼaj yeʼn. Ja yuj, ja maʼtik wa xkʼan yamigoʼuk ja Diʼosi tʼilanij yaʼ makunuk ja sbʼiʼila sok oj kʼumanuk jastik junuk lek bʼa sbʼaj. Jiʼoba wa skʼana laj kʼultik ja jaw (Mateo 6:9; Romanos 10:13, 14).

Jastal Jesus, yamigo jumasaʼ ja Diʼosi wa sjeʼa we ja Reʼino bʼa Diʼosi. Ja Reʼino bʼa Diʼosi ja ni ja mandar bʼa satkʼinal oj skʼuluk ja Luʼumiʼ oj pax jun paraʼiso. Yamigo jumasaʼ ja Diʼosi wax yalaweʼ yabʼ ja kristiʼano ja it je lek yabʼalil bʼa Reʼino bʼa Diʼos (Mateo 24:14).

Taʼuman tiʼ jumasaʼ bʼa Jiʼoba wax yaʼa yipe bʼa oj skʼul sbʼajeʼ yamigo sbʼa Diʼos. Wa skisawe ja Bibliʼa sok wa syajta sbʼaje. Chomajkil wax yawe makunuk sok wa skisawe ja sbʼiʼil ja Diʼosi; wa sjeʼa we ja Reʼino bʼa Diʼos yiʼa kristiʼano jumasaʼ. Ja taʼuman tiʼ jumasaʼ bʼa Jiʼoba wa skʼulane ja yaʼni sbʼa relijiʼon smeranil bʼa Luʼumiʼ.