Bʼajtan kontra bʼa Diʼosi jaʼa Satanas Diʼablo. Ja yeʼn jun persona espiritu sleʼa smul soka Jiʼoba. Satanas wan snochjel oj tiroʼanuk soka Diʼosi, ja yuj ja kristiʼano jumasaʼ bʼa spetsanil ja Luʼumiʼ jel yiʼoje niwak wokol. Satanas jel malo juntiro, sleʼa abʼal sok wax milwani (Juan 8:44).

Lajan soka Satanasi, pilan persona espiritu chomajkil skʼulan sbʼaje kontraʼe Diʼosi. Ja Bibliʼa wax yala sbʼiʼile pukuj. Jastal Satanas, yeʼnleʼ skontraʼe ja kristiʼano jumasaʼ, jel sgustoʼeʼ oj jom wanuke (Mateo 9:32, 33; 12:22). Ja yuj, Jiʼoba oj xchʼak elej bʼa juntiro ja Satanasi soka spukuj jumasaʼ. Kechan xta tʼun tiʼempo wax kanyuj bʼa oj sjomeʼ ja kristiʼano jumasaʼ (Apocalipsis 12:12).

Bʼa oja kʼulabʼaj yamigo bʼa Diʼos, miʼ oj bʼobʼa kʼul ja jas wax yala Satanasi. Satanas soka spukuji jumasaʼ wa xyil kʼujolane ja Jiʼoba. Skontraʼe ja Diʼosi; wa skʼanaweʼ ja weʼn kontraʼan ja Diʼosi. Ja yuj, stʼilanil ja tsaʼeʼ ma oja wa gusto axuk: Satanas ma Jiʼoba. Ta waxa kʼana sakʼanil bʼa juntiro, oja tsaʼeʼ skʼuljel ja jas wa skʼana ja Diʼosi. Satanas wa xlolani sok jitsan modo sok trampa. Jachuk slolunej jel jitsan juntiro ja kristiʼano (Apocalipsis 12:9).