Jesukristo ja aʼ yunin ja Jiʼoba sok yamigo lek, ja mas wa syajta. Bʼajtanto ja Jesus jak sakʼan jasta winik ja bʼa Luʼumiʼ, tixani ajyiʼa sakʼan bʼa satkʼinal; waj jun persona espiritu soka jel yip (Juan 17:5). Tsaʼan jak bʼa Luʼumiʼ bʼa oj sjeʼyiʼ ja kristiʼano ja smeranili bʼa Diʼos (Juan 18:37). Chomajkil yaʼa sakʼanili jastal kristiʼano bʼa oj yaʼyiʼ sakʼanil sbʼa mulali sok chamel chʼakel bʼa kristiʼano kʼuʼabʼali (Romanos 6:23). Ja tiʼempo itiʼ, ja Jesusi Reyxa bʼa Reʼino bʼa Diʼos; ja Reʼino bʼa Diʼosi ja jun mandar bʼa satkʼinal, oj skʼul keʼa Luʼumiʼ a waj jun paraʼiso (Apocalipsis 19:16).

Anjel jumasaʼ chomajkil yamigo bʼa Diʼos. Anjel jumasaʼ miʼ kʼe jas sakʼanile jastal kristiʼano bʼa Luʼum. Diʼos kʼulaji yujule bʼa satkʼinal yajni mito skʼulan ja Luʼumiʼ (Job 38:4-7). Skʼulan miyon jumasaʼ bʼa anjel (Daniel 7:10). Ja it yamigo jumasaʼ bʼa Diʼos sakʼane bʼa satkʼinal; wa skʼanaweʼ ja kristiʼano a snebʼe ja smeranil bʼa Jiʼoba (Apocalipsis 14:6, 7).

Chomajkil ja bʼa Luʼumiʼ teya ja yamigo jumasaʼ a Diʼos; sbʼiʼil yuj staʼuman tiʼ. Jun taʼuman tiʼ jaʼa ma wax yala bʼa stisat ma ay xchol ja jasa wa snaʼa bʼa kristiʼano ma bʼa jastik junuk. Ja taʼuman tiʼ jumasaʼ bʼa Jiʼoba wax yal weyabʼ ja kristiʼano jumasaʼ ja jasa wa snaʼawe sbʼa Jiʼoba soka jas wa skʼana oj skʼuluki (Isaías 43:10). Lajan soka ja anjel jumasaʼ, ja Taʼuman tiʼ wa skʼanaweʼ oj skoltaya bʼa ja nebʼ ja smeranil bʼa Jiʼoba. Wa skʼanaweʼ chomajkil oja kʼula bʼaj yamigo bʼa Diʼos.