Skʼuljelabʼaj yamigo bʼa Diʼosi ja kechan ja mas lek oj bʼobʼ ekʼukawuj. Ja Diʼosi oj sjeʼawi jastal oj ajyukawuj lekilal sok oj yaʼa wabʼ talnubʼala lek, oj spilaj bʼa aʼay mal skʼuʼajel sok aʼay mal modo. Oj smaklay ja wa worasiʼon jumasaʼ. Oj skoltaya bʼa oj ajyukawuj slamanil sok oja jipa kʼujol (Salmo 71:5; 73:28). Oj skoltaya ja yajni ayabʼaj wokoli (Salmo 18:18). Chomajkil Diʼos wa skʼana yawi juna majtan: sakʼanil miʼ xchʼaki (Romanos 6:23).

Ta wala mojxi och soka Diʼosi, ojni mojxuka mok ja yamigo jumasaʼ ja Diʼosa. Yamigo jumasaʼ ja Diʼosi chomajkil ojniʼa wamigoʼukaj. Mas lek: jani jastal wa moj alijel jumasaʼ. Oj ajuk yiʼleʼ gusto oj sjeʼawi soka bʼa Diʼosi, sok oj skoltaya sok oj stsatsal kʼujolanaj.

Miʼ lajanukotik soka Diʼosi. Skʼujolajel skʼuljelabʼaj yamigo ja Diʼosi, jel tʼilan ojana stojol skʼuljelabʼaj yamigo miʼ wax kʼanyal oj laj jbʼajtisok. Yeʼni ayiʼoj aʼay, aʼay jabʼil, ja keʼntik aykiʼojtik tʼusan, yeʼna wa snaʼa mas sok mas ay yip yuja keʼntiki. Yeʼn kechan jMandaranumtik. Ja yuj, tawax kʼanatik jkʼulbʼajtik yamigo jumasaʼ, ojni maklatiyiʼ sok oj kʼultik ja jasa wax yalkabʼtiki; ja jawi jani bʼa jlekilaltik (Isaías 48:18).