Satanas wax yaʼa bʼaj stiʼ satik ja malo, bʼa oj kʼultik ja jaw. Ja ma wa skʼana yamigoʼuk ja Diʼosi, ojni yil kʼujoluk ja jasa Jiʼoba wax yil kʼujolani (Salmo 97:10). Ja itiʼ ja jujuntik jastik junuk jumasaʼ miʼ skʼulane ja yamigo Diʼosi:

Mulal jumasaʼ bʼa sekso. “Miʼ jbʼobʼa leʼa wajmul.” (Éxodo 20:14, NM.) Skʼuljel sekso miʼ nupanelukotik ja jaw chomajkil maloniʼa (1Corintios 6:18).

Jel xyakbʼi. Spetsanil “ja ma wajel skʼujol ja yujel trago [...] miʼ ni oj bʼobʼ ochuke ja bʼa [reʼino bʼa, NM] Diʼosi” (1 Corintios 6:10).

Milwanel sok sjipjel alats bʼa mito yora uk. “Miʼ jbʼobʼ milwanan.” (Éxodo 20:13, NM.)

Elkʼanel. “Miʼ jbʼobʼ elkʼanan.” (Éxodo 20:15, NM.)

Abʼal. Jiʼoba wa xyil kʼujolan “akʼ miʼ meranuk” (Proverbios 6:17, NM).

 Ja tiro sok jel tajkel. Jiʼoba “wa xyil kʼujolan chikan machʼtik ja wa syajta ja tiroʼanel” (Salmo 11:5, NM). “Ja maʼ ja mero wan skʼulajel pensar ja jas wa skʼana ja yeʼn mismo, yuj ni ja mero wajel skʼujol ja kosa bʼa malo.” Jujune bʼa jastik junuk malo “jani jel xchole ja pleʼitoʼa” (Gálatas 5:19, 20).

Ma wax tajni sok takʼin. “Mas lek aktayik kani” ja kristiʼano “kechan yeʼn was kʼana ke oj ajyuk leki” sok wa skʼana ajyuk yuj spetsanil (1 Corintios 5:11).

Ilkʼujol bʼa tuk rasa sok bʼa tuk chonabʼ. “Yajxa wabʼ ja wa kontraʼexi. Kʼuman ja Diʼos yuj ja maʼ wax yilawa koraja.” (Mateo 5:43, 44.)

Diʼos wax yala kabʼtik jastik junuk bʼa lekilal keʼntik. Miʼ pasiluk yaʼ jel kani ja bʼa malo, pe ja jkoltajeltik bʼa Jiʼoba soka sTaʼuman tiʼ jumasaʼ oj bʼobʼ bʼa wakan ja jasa Diʼos miʼ skʼana (Isaías 48:17; Filipenses 4:13; Hebreos 10:24, 25).