XETʼAN 7
Jun rason aʼxi ayxa aʼay tiʼempo
Jiʼoba miʼ oj yakani ja kristiʼano malo oj sjom el ja Paraʼiso. Ja tiwi kechan tiʼoj ajyuk sakʼan ja yamigo jumasaʼ. ¿Jasa ekʼyuj ja kristiʼano malo jumasaʼ? Ja loʼil bʼa Noʼe wax yal kaptik stojol ajaw. Ekʼta aʼay mil jabʼil yajniʼa Noʼe ajyiʼ sakʼan; wa jun winik lek, tolabida skʼulan yip bʼa skʼuluk ja jas wa skʼana ja Jiʼoba ajyiʼ. Pe ja tuk ja kristiʼano bʼa Luʼumiʼ jel maloʼe ajyiʼ. Jachuk Jiʼoba yal yabʼja Noʼeji oj schʼay snajel spetsanil ja kristiʼano malo soka niwak bʼutʼjaʼ. Chomajkil yal yabʼi oj skʼul jun arka bʼa spamiliʼa sok yeʼn bʼa miʼ oj chamuke ja yajni xjak ja Niwakbʼutʼjaʼ (Génesis 6:9-18).
Noʼe soka spamiliʼa skʼulane ja arka. Noʼe yaʼyiʼleʼ rason ja kristiʼano jumasaʼ oj jak ja Niwakbʼutʼjaʼ, pe mini ma smaklaʼa. Snochoni sbʼaje soka ja smaloʼileʼi. Jachuk xchʼika ja chante jumasaʼ bʼa arka ja yajni chʼaki; yeʼn soka spamiliʼa chaʼoch yeʼniʼa. Jayu Jiʼoba yijan niwak awasero: chabʼ winike (40) kʼakʼu sok chabʼ winike (40) akʼwal, sok ja Luʼumiʼ bʼutʼ jaʼ (Génesis 7:1-12).
Kristiʼano jumasaʼ ma jel malo chamyeʼniʼa, pe Noʼe soka spamiliʼa ekʼ yeʼni sakʼana. Jiʼoba stalnaye yajni jak ja Niwakbʼutʼjaʼ sok yaʼkan yiʼle tiʼ bʼa Luʼum sak ja bʼa malo (Génesis 7:22, 23). Ja Bibliʼa wax yala oj schʼak elej tuk ekʼele ja maʼtik miʼ skʼanaweʼ oj skʼuluke ja bʼa toji. Miʼ oj schʼak elej ja maʼtik leki, ja it jumasaʼ oj ajyuke sakʼan juntiro ja bʼa Luʼumiʼ yajni junxa Paraʼiso (2 Pedro 2:5, 6, 9).
Ja bʼa tiʼempo itiʼ, jitsan kristiʼano wa skʼulane ja malo. Ja luʼumkʼinal bʼutʼel wokol. Jiʼoba wa sjeka rason jumasaʼ soka sTaʼuman tiʼ jumasaʼ, pe jel jitsan juntiro ja maʼ miʼ skʼan smaklaye ja yabʼal ja Jiʼoba. Miʼ xkʼan stukbʼes sbʼaje mini skʼanaweʼ Diʼos oj aljukyabʼye ja bʼa leki sok bʼa miʼ lekuki. ¿Jasa oj ekʼ yujule ja kristiʼano jumasaʼ itiʼ? ¿Ojma tukbʼuke jun kʼakʼu? Jel jitsan mini nunka oj tukbʼukeʼa. Ja tiʼempo tixa ay mojan ja bʼas xchʼakelale ja kristiʼano malo, sok mixa oj sakʼwuke (Salmo 92:7).
Ja Luʼumiʼ mini oj chʼakukaj; oj pax jun paraʼiso. Yamigo jumasaʼ ja Diʼosi oj ajyuke sakʼan bʼa juntiro ja bʼa Paraʼiso bʼa Luʼumiʼ (Salmo 37:29).
Bʼobʼta cha ojni akʼul gusto
BIDEOʼIK
Ja Noé kʼuʼabʼal ajyi soka Dyos
Ja Noé ajyi sakʼan bʼa jun tyempo ja ixuk winiki jel wa spekʼawe chikʼ. Ja yuj, ja Dyos yiʼajan jun niwan bʼutʼ jaʼ. Pe ja Noé kʼuʼabʼal ajyi soka Dyos sok yaʼakan kitik jun lekil sjejel ja bʼa jtyempotiki. Ja bʼa bideo it oja nebʼ jastal soka kʼuʼabʼal ajyi wa skoltayotik jpetsaniltik.
