Paraʼiso miʼ oj slaj ja bʼa luʼumkʼinal ja bʼa tiʼempo itiʼ. Diʼos mini nunka skʼana ja bʼa Luʼumiʼ oj ajyuk jitsan wokol sok cham kʼujol, yajal sok ixtalajel. Ja yuj, Diʼos oj skʼuluk ja Luʼumiʼ oj pax jun paraʼiso. ¿Jastal oj ajyuk? Ja Bibliʼa wax yala jastal.

Kristiʼano jumasaʼ jel lekeʼ. Ja Paraʼiso oj snajuk yamigo jumasaʼ bʼa Diʼos. Spetsanil oj skolta sbʼaje. Oj bʼej yuke ja bʼa stojol sbʼej ja Jiʼoba (Proverbios 2:21).

Jel oj ajyuk ja waʼeli. Bʼa Paraʼiso mini june ma oj ekʼ yuj waʼin. Ja Bibliʼa wax yala: “Oj ajyuk jitsan inat [ma waʼel] ja bʼa luʼumiʼ” (Salmo 72:16, NM).

Lek tikil naʼits sok atel jel xyaʼa gusto. Yajni ja Luʼumiʼ jun xa paraʼiso, spetsanil pamiliʼa oj ajyuk snaje, sok yibʼanale oj ajyuk jun yatele ojʼa juk yiʼleʼ slekilale (Isaías 65:21-23).

 Laman bʼa spetsanil luʼumkʼinal. Mixa oj ajyuka tiroʼa mini oj chamuk ja kristiʼano bʼa gerra. Ja Yabʼal Diʼos wax yala: “[Diʼos] skʼulana chʼakuk ja gerra jumasaʼ” (Salmo 46:8, 9, NM).

Lekilal, mixa ay chʼamel. Jachuk wax yala ja Bibliʼa jachʼ oj ajyuk: “Mini jun swinkil [bʼa Paraʼiso] ojyal: «Wa xkabʼ chamel»” (Isaías 33:24, NM). Mixani oj ajyuk renko jumasaʼ, pakʼa sat jumasaʼ, pakʼa chikin jumasaʼ mini ma miʼ xkʼumani (Isaías 35:5, 6).

Mixa oj ajyuk cham kʼujol mini yajal sok chamel chʼakel. Yabʼal Diʼos wax yalaj: “Mixa ni oj to okʼuke otro buʼelta. Mixa oj to tristeʼaxuke. Mixa ni oj koʼuk mas ja xchameleʼi. Miʼ oj ajyuk ja syajal ja skuʼerpoʼeʼi. Mini maʼ oj chamuka porke ja sbidaʼe jastal ajyiʼ, ekʼtani juntiroʼa” (Apocalipsis 21:4).

Mixa oj ajyuk kristiʼano jumasaʼ malo. Jiʼoba wax yala jachʼ oj ajyuk: “Ojni kʼuts juke ela jaʼil ja bʼa mero luʼumiʼ ja ma jel malo jumasaʼ, sok oj jots xuk elej ja tiwi ja ma wax chay kʼujolani” (Proverbios 2:22, NM).

Ja kristiʼano jumasaʼ oj syajtaj sbʼaje sok oj skis sbʼaje. Mixa oj ajyuk jas miʼ tojuk, tʼenwanel, okʼ skʼujol kechan yeʼna mini ja ilkʼujolil. Ja kristiʼano jumasaʼ oj ajyuke tsoman sok oj ajyuke sakʼan soka jel toj ja bʼa Diʼosi (Isaías 26:9).