Tʼilan oja nebʼ sbʼaj ja Diʼosi bʼa oja wamigoʼuk ja yeʼni. ¿Ja wa wamigo jumasaʼ wan mas snaʼa sbʼaj ja wa bʼiʼili? Jachuk. Diʼos chomajkil wa skʼana kelaj natik sbʼaj sok lakatikʼ makunuk ja sbʼiʼili. Ja sbʼiʼil Jiʼoba (Salmo 83:18; Mateo 6:9). Chomajkil, ojni bʼobʼa nebʼe jasa lek wax yila soka jasa miʼ lekuk wax yila. Tʼilan oja naʼ machʼtika yamigo jumasaʼ sok machʼtika skontra jumasaʼ. Jel tʼilan pila aʼay tiʼempo ja yajni ay ma oj natik sbʼaji, ja yuj, Bibliʼa wax yala lek oj piltik tiʼempo bʼa oj nebʼtik bʼa Jiʼoba (Efesios 5:15, 16).

Yamigo jumasaʼ ja Diʼosi wa skʼulane ja jasa yʼen lek xyila. Pensaraʼan ja bʼa wa wamigo jumasaʼ: ta wan kʼa xa wixtalan sok waxa kʼulan ja jas miʼ lek xyila, ¿ojtoma aʼ wamigoʼuk? ¡Pes miyuk! Soka Diʼosi lajan sok, ta xakʼana oja wamigoʼuk ojniʼa kʼuluk ja jas lek wa xyila aj (Juan 4:24).

Miʼ spetsaniluk relijiʼon wax koltani oj kʼulbʼajtik yamigo bʼa Diʼosi. Jesus, ja mas lek yamigo bʼa Diʼos, yala bʼa chabʼ bʼej: June ja a jaman sok bʼutʼel kristiʼano jumasaʼ. Ja bʼej itiʼ wax yiʼa oche bʼa chʼakelal. Ja pilani ja aʼ latsʼaniʼ soka tiwi wax wajye jel tʼusan kristiʼano jumasaʼ: ja bʼej jawi wax yiʼa oche bʼa sakʼanil miʼ xchaʼki. Ja itiʼ wax kʼan yal taxa kʼana oja kʼula bʼaj yamigo bʼa Diʼos, ojniʼa nebʼ jastal smodoʼil oja kʼul adorar lek (Mateo 7:13, 14).