Jitsan kristyano ja bʼa luʼumkʼinali wani skʼulanyujile palta swaʼele sok jun snaje. Jaxa tuki wani skʼana oj tojbʼuk ja sakʼanileʼi. ¿Jastal oj bʼobʼ jkoltaytik ja tuk sok oj ya koʼ jlekilatik ja Dyosi?

«Ja maʼ wa sjeʼayi pabor ja maʼ ajula sbʼaji jani wan yajelyi majan ja Jyoba, sok ja Yeʼn oj ya lokʼolaxuk soka jas wa skʼulani» (PROVERBIOS 19:17).

Ja Jesús yala jun loʼil sbʼa jun winik bʼa makʼjiyuj jujuntik elkʼanumik sok tʼusan mi smilawekani (Lucas 10:29-37). June maʼ jel lek skʼujol bʼa pilan país kʼot tekʼan sok skoltay, ama ti sbʼaj bʼa pilan país.

Ja lekil winik it mi kechan yajnayi ja syajbʼeli sok yayi takʼin. Cha yilani bʼa atojbʼuk.

¿Jasa wa xnebʼatik ja bʼa loʼil it? Ja Jesús wani sjejel tʼilani oj jkʼuluktik ja janekʼ wa xbʼobʼkujtik bʼa skoltajel ja tuki (Proverbios 14:31). Ja Yabʼal ja Dyos wa xyala ke ja Dyosi ojxtani xchʼay snajel ja pobreʼili sok ja wokoliki. Pe ¿jastal sok jas ora oj skʼuluk? Ja artikulo jakumi oj staʼ tiʼal sbʼaja slekilalik xchapunej bʼa weʼna ja Kʼulumani.