¿Jasa wa sjeʼakitik ja alumanik sbʼaja Dyosi?
Ja bʼa tyempo najate, ja Dyosi ya makunuk alumanik bʼa sjekjelyi rasonik jel tʼilanik ja kristyano. ¿Wan maʼ xyala kabʼtik ja Dyos ja bʼa rasonik jaw ja jasa tʼilan oj jkʼuluktik bʼa oj ya koʼ jlekilaltik? Wan. La kiltik jasa wa xnebʼatik sbʼaja jas yalawe oxwane alumanik bʼa toj wajye.
JA ALUMAN ABRAHÁN (IBRAHIM)
Ja Dyosi mi stsawani sok wa skʼana oj ya koʼ slekilal spetsanil ja kristyano.
Ja Dyosi skʼapayi ja aluman Abrahán: «Spetsanil ja pamilyaʼik ja bʼa luʼumi oj kaʼ koʼyi slekilal yuj weʼna» (Génesis 12:3).
¿Jasa wa xnebʼatiki? Ja Dyosi jel wa skʼanawotik sok wa skʼana oj ya koʼ slekilal yibʼanal ja pamilyaʼik (winike, ixuke sok yal untik) bʼa wa xkʼuʼajiyuji.
JA ALUMAN MOISÉS (MUSA)
Ja Dyosi wa xyabʼ syajal ja jas wa x-ekʼ sbʼaj ja kristyano sok wa xya koʼ slekilal ja matik wa skʼujolan bʼa oj najuk sbʼajyuji.
Ja Maʼ jel Juntiro ja Yipi yayi ja aluman Moisés ja ipal bʼa skʼulajel milagroʼik. Ama jachuk, ja Moisés skʼanayi ja Dyosi: «Jeʼaki jawa bʼejiki bʼa jachuk oj bʼobʼ naʼabʼaj sok bʼa mi oj chʼayuk ja jastal lek waxa wilawoni» (Éxodo 33:13). Ja Dyosi jelni lek yabʼ ja jas skʼana ja Moisés sok ya koʼ slekilal yajelyi biboʼil sok skoltay bʼa oj snaʼ jastal kʼotel ja yeʼn sok ja smodo. Jun sjejel, ja Moisés snebʼa jabʼi ja Kʼulumani «jun Dyos jel snaʼa yajulal sok wa xyabʼ syajal» (Éxodo 34:6, 7).
¿Jasa wa xnebʼatiki? Ja Dyosi ojni ya koʼ jlekilaltik (winike, ixuke sok yal untik) ta wa xkʼujolantik bʼa oj jnatik sbʼaj lek. Ja bʼa Yabʼali, ja yeʼn wa xyala kabʼtik jastal oj jtoytik sok ja janekʼto wa skʼana oj ya koʼ jlekilaltik.
JA ALUMAN JESÚS (ISA)
Ja Jesús yabʼ syajal ja tuk sok ya tojbʼuk ja tuktukil tikʼe chamel yiʼojeʼi.
Ja Dyosi ojni ya koʼ jlekilaltik bʼa tolabida ta wa xnebʼatik sbʼaja jas skʼulan ja Jesús sok ja jas sjeʼa.
Ja Yabʼal ja Dyosi jelni wa staʼa tiʼal sbʼaja sakʼanil ja Jesús sok sbʼaja jastik sjeʼa. Ja Dyosi yayi ja Jesús ja ipal bʼa skʼulajel milagroʼik, jastal yajel tojbʼuk ja matik mi xyila kʼinali, ja matik mi xyabʼ kʼinali sok ja renkoʼiki. Asta ya sakʼwuk jujuntik matik chamele ajyi. Sok jachuk ja Jesús sjeʼa ja jas oj skʼuluk ja Dyos yuj keʼntik ja bʼa tyempo jakumi. Ja yeʼn xcholo kabʼtik ja jas tʼilan oj jkʼuluktik bʼa yabʼjel stsamalil ja lekilalik jaw: «Ja sacʼanil jahui jaʼ ba oj naajuc abaj ja hueni porque ja hueni, quechan único Dios mas nihuana. Sacʼana lec. Oj cho naajucon ja quen chomajquili. Ti oj yalea: Entonces ja Jesús jahui, jaʼ ni ja Cristo ja it seconej quitic ja Diosi» (Juan 17:3).
Ja Jesús yabʼ syajal ja tuk, jel lek smodo sok jel lek skʼujol. Tanto winike sok ixuke bʼa tuktukil sjabʼile skʼanawe ja lokjelal ajiyileʼi: «Nebʼawik bʼa keʼna, yujni mansoʼon sok chʼin wa xkaʼa jbʼaj, sok jel oj likikuk oja wabʼyex» (Mateo 11:29, TNM). Ja Jesús sjeʼayi lekil skʼujol, lek yila sok skisa ja ixukeʼi, sok mini jach skʼulan jastal ja winike ja bʼa styempoʼi bʼa mini yaj xyilawe ja ixukeʼi.
¿Jasa wa xnebʼatiki? Ke ja Jesús jelni syajta ja kristyano sok yakitik jun lekil sjejel sbʼaja jastal oj kil jbʼajtik ja keʼntiki.
JA JESÚS MI DYOSUK
Ja Yabʼal ja Dyosi wa sjeʼakitik kechan ay ‹jun Dyos› jaxa Jesucristo jani waj ja yakʼa rason (1 Corintios 8:6). Ja Jesús yala jaman lek ke ja Dyosi mastoni ekʼel yuja yeʼn sok yeʼnani ja Dyos ja maʼ sjekakon ja bʼa Luʼumi (Juan 11:41,42; 14:28). *
^ par. 17 Ta waxa kʼana oja nebʼ mas sbʼaja Jesucristo, kaʼax ja bʼa xetʼanik 8 sok 9 ja bʼa poyeto La fe verdadera, la puerta a una vida feliz, wa xtax bʼa www.pr418.com.