¿Tukbʼesnubʼal maʼ ja Yabʼal ja Dyosi?
Jujuntik kristyano wa sjobʼo sbʼaje ta tukbʼesnubʼal ja Yabʼal ja Dyosi. Ja aluman Isaías yala jabʼi ja srason ja Dyos «wa x-albʼi bʼa tolabida» (Isaías 40:8). ¿Jastal oj bʼobʼ ajyukotik seguro ke ja skʼapjelik yaʼunej ja Dyos jachtoni mero jastal tsʼijbʼaji?
Ja Dyosi ay yip bʼa mi oj chʼayuk ja Yabʼali sok bʼa mi maʼ oj stukbʼes. Ja bʼa najate, yajni wa skʼulane kopyar sok skʼabʼe ja Yabʼal ja Dyosi, ja matik wa skʼulane kopyari wa xyajtabʼane lek kada letra ja tekstoʼik bʼa jachuk seguro oj ajyuke bʼa mi jas oj yawe ochuk, stukbʼesel sok mini jas oj yawe elkan. Pe yuja mulanumotik, jujuntik ja matik skʼulane kopyari skʼulane payar bʼa jujuntik yaljel, pe mini stukbʼese ja stojolil ja bʼa mero tekstoʼik.
¿JAS YUJ WA XBʼOBʼ AJYUKOTIK SEGURO KE JA BIBLIA JANI MERO YIʼOJ JA SRASONIK JA DYOSI?
Ayni mil kopya ja bʼa poko juʼunik ja bʼa Yabʼal ja Dyosi. Ta ataʼa june bʼa mi oj slajtik ja bʼa kʼulubʼal kopyari, ojni bʼobʼa wa slaj sbʼaj soka tuk kopyaʼik bʼa oja wil ta yuj mi lek kʼulaji kopyar (ta wa waxa kʼana oja naʼ mas, kaʼax ja bʼa jw.org sok kʼuman ja artikulo «¿Se ha cambiado o manipulado la Biblia?»).
Jun sjejel, la jpensaraʼuktik ja bʼa poko juʼunik bʼa naʼubʼal sbʼaj Royoʼik bʼa mar Muerto, bʼa taji bʼa 1947 bʼa jujuntik kʼeʼen mojan ja bʼa mar Muerto yuj jujuntik beduinoʼik (árabeʼik bʼa wa xbʼejyiye ja bʼa takin kʼinal). Ja bʼa poko juʼunik it ayni yiʼoj xetʼanik ja bʼa Yabʼal ja Dyosi sok tsʼijbʼaji ayxa mas ja 2,000 jabʼil. Ja matik jel chapani yawe slaj ja royoʼik it soka Yabʼal ja Dyos kiʼojtik ja bʼa jtyempotiki. ¿Jasa kʼot snaʼe?
Ja matik jel chapane it kʼot snaʼe ja tekstoʼik ja bʼa Yabʼal ja Dyos kiʼojtik ja bʼa jtyempotiki, wani slaja sbʼaj soka bʼa jastal mero tsʼijbʼunubʼali. * Jun spaklajel skʼulane jaʼankʼujol lek ja bʼa poko juʼunik, wa xyala ke ja Yabʼal ja Dyos wa xkʼumantik ja bʼa jtyempotiki, jani mero srasonik ja Dyosi. Mini ay duda, ja Dyosi yeʼnani stalnunej ja Yabʼali bʼa mini oj tukbʼuk ja jastalni mero tsʼijbʼunubʼal man bʼa jtyempotik.
Ja yuj wani xbʼobʼ ajyukotik seguro ja bʼa jas wa xkʼumantik ja bʼa Yabʼal ja Dyos wani xbʼobʼ jipjkʼujoltik. Soka jas jpaklaytikta, la kiltik jas wa sjeʼakitik ja alumanik sbʼaja Dyosi.
^ par. 7 Geza Vermes: The Complete Dead Sea Scrolls in English, p. 16.
Bʼobʼta cha ojni akʼul gusto
JA JUʼUN CHOLUMANI
Ja Biblia talnaji sbʼaja stukbʼesel ja rason yiʼoji
Jujuntik ixuk winik sleʼuneje modo bʼa stukbʼesel ja rason yiʼoj ja Biblia. ¿Jastal naji ma jom ja jas wa skʼana oj skʼuluke?
ESSENTIAL BIBLE TEACHINGS
¿Jas yuj wa xbʼobʼ jipjkʼujoltik ja Biblia jani ja smeranili?
Jujuntik ixuk winik wax yalawe ja Biblia kechan yiʼoj loiʼilik sok kwentoʼik sok tsibʼuneje ja ixuk winik. Yuj yenuk ja Dyos ja maʼ tsibʼune ja biblia mini oj sla ja jastal jel chaʼanyabʼalil.
DOCUMENTARIES
Ja yeʼnle yilawe chaʼanyabʼalil ja Biblia: Xetʼan (William Tyndale)
Ja yajtanel yiʼoj bʼa Biblia tini ilxi ja bʼa aʼtel skʼulani. Sok man jtyempotik wa xkatik el slekilal ja jasa skʼulani.
