Ama wani la tajkitik ja yajni ay maʼ wa syajbʼesotiki, pe ja Dyosi mi skʼana oj katik kumxukyi. Jaʼuktoma, ja yeʼn wani slokowotik oj jmajlaytik bʼa ay jas oj skʼuluk, yujni skʼapunej ke mojanxa oj stojbʼes yibʼanal ja jastik mi tojuki (Salmo 37:7, 10).

Yajni wa xkatik stup june, kechan wa xlajxikujtik smakʼlajel mas ja ilkʼujoli. Ja yuj, ta ay maʼ syajbʼesneja, mok wa stupe. Komo abʼaj sok aʼa kulan. Ayni ekʼele masni lek ja yajelkan jachuki (Proverbios 19:11). Pe bʼa tuk ekʼele, masni lek yaljel ja jas ekʼeli. Jun sjejel, ta ja weʼn kʼulubʼalawi jun jasunuk bʼa mi lekuk, bʼobʼta oja tsaʼ yaljel yabʼ ja policía ma ja matik ay xcholeʼi.

¿Jaxa ta waxa wila mi xbʼobʼa tojbʼes ja wokol bʼa jun modo laman? Ma ¿jaxa ta waxa wabʼ akʼulanta spetsanil ja janekʼ wa xbʼobʼawuj bʼa stojbʼesel bʼa jun modo laman? Ama jachuk, mok wa stupe, pes yujni ja jaw kechan oj ya ipaxuk mas. Aʼakan smakʼlajel ja ilkʼujoli. Nebʼa sjipjela kʼujol ke ja Dyos oj stojbʼes ja wokoli. Ja bʼa Salmo 37:3-5 wa xyala: «Jipa akʼujol bʼa yeʼn, sok ja yeʼn ti oj ajyuka mok».