JASTAL YAJELKAN SMAKʼLAJEL JA ILKʼUJOLI
1 | Moka wil menos ja tuk
Ja Biblia wa xyala:
«Ja Dyosi mini june maʼ menos wa xyila, wani skʼulan aseptar ja matik wa xiwyeyuji sok wa skʼulane ja bʼa jas leki, chikan bʼa xchonabʼeʼa» (HECHOS 10:34, 35).
¿Jas wa stojolan?
Ja Jyoba * Dyos mini skʼulanotik jusgar yuja jchonabʼtik, ja jrasatik, ja kelawtik ma ja jkulturatik. Ja yeʼn jani wa xwaj skʼujol ja jas mas tʼilani, wan xkʼan kaltik, ja jas wa xpensaraʼantik sok ja jastal wa xkabʼ ayotik. Ja Biblia wa xcholo: «Ja winiki jaʼita wa xwaj skʼujol ja jas wa xyila ja sati, pe ja Jyoba jaʼ wa xyila ja kʼujolal» (1 Samuel 16:7).
Ja jas oj bʼobʼa kʼuluk:
Ama mi xbʼobʼ kiltik ja skʼujole ja tuk, pe wani xbʼobʼ jnochtik ja Jyoba bʼa mi maʼ menos wa xyila. Kʼujolan bʼa kechanta oj wajuka kʼujol june sok mi bʼa jun tsome kristyanoʼuk. Ta awaʼabʼaj kuenta bʼa mi jel lek xa wila ja tuk, bʼobʼta yuja srasa ma yuja spaisi, kʼanayi ja Dyos bʼa ayawi awip bʼa mi maʼ menos oja wile sok yajel eluk ja bʼa wa kʼujoli (Salmo 139:23, 24). Ta jach waxa kʼulan, ja Jyoba ojni skoltaya (1 Pedro 3:12).
^ par. 6 Ja Jyoba jani ja sbʼiʼil ja Dyosi (Salmo 83:18).
«Nunka bʼa ochelonsok kulan gusto lek sok june maʼ sak ja yelawi […]. Ja wego tixani ayon bʼa jun meran pamilya bʼa yibʼanal ja luʼumi» (TITUS).
