Ta miyuk, pe sen bʼobʼta ayni bʼa awiluneja. Ja bʼa notisyaʼik wani xkabʼtik bʼa kristyanoʼik bʼa wa x-ilkʼujolajiye yuja jakele bʼa pilan país, yuja srasaʼe ma yuja wa xyiʼaj smoj winike. Ja yuj jitsan gobyernoʼik yaʼuneje el leyik bʼa skʼulajel luchar soka jastik mi lek wa xkʼulaxi yuja ilkʼujoli.

Ja ilkʼujolaneli wani snika mas ilkʼujol. Ja matik wa x-ilkʼujolajiye wani skʼanawe oj yawe stupe, soka it wani x-ipaxi-el ja yilkʼujoleʼi.

Bʼobʼta ay bʼa kʼenubʼala, kʼulubʼala burlar, kʼakʼlubʼala sok kʼulubʼala amenasar. Pe ja ilkʼujoli mini jaʼukta jaw. Tikʼanxta wa xyijan ixtalanel, yajbʼesnel, ilwanel kontra, milwanel ma xchʼayjel snajel jun tikʼe kristyano.

Ja rebista it oj xchol bʼa ojni bʼobʼ jkʼuluktik ganar ja ilkʼujoli sok yajel sjakʼjel ja sjobʼjelik it:

• ¿Jas yuj jel ja ilkʼujoli?

• ¿Jastal yajelkan smakʼlajel ja ilkʼujoli?

• ¿Oj maʼ kʼotuk ja kʼakʼu mixa oj ajyuk ilkʼujol?