Jun kʼakʼu, jun hermana bʼa Nueva Zelanda yila ja bideo Preocupémonos unos por otros, bʼa wa xyala ke ja Jyoba mini kechanuk wa snaʼa yajulal, pes ayni jas wa skʼulan (Is. 63:​7-9). Ja yeʼn skʼana ay jas oj skʼuluk sok slejel maʼ oj bʼobʼ skoltay. Ja kʼakʼu jaw waj sman jujuntik jasunuk, yila jun ixuk tey bʼa calle sok yala yabʼ oj smanyi tʼun swaʼel. Ja ixuki lekni yabʼi. Yajni ja hermana kumxi bʼa oj yayi ja swaʼeli, yaʼ el slekilal bʼa oj xcholyabʼ sok ya makunuk ja tratado ¿Oj maʼ kʼotuk ja kʼakʼu mixa oj kitik wokol?

Ja ixuki och okʼuk. Yala ke ti kʼi bʼa smeranil, pe ayxabʼi jitsan jabʼil ke spila sbʼaj ja bʼa kongregasyon. Pe ja bʼa tsaʼanixta kʼakʼu ekʼeljani skʼanunejyi ja Jyoba akoltajuk bʼa oj kumxuk. Ja hermana yayi jun Biblia sok kanye bʼa oj kʼe skʼuluke estudiar. a

Jastalni ja Jyoba, wani xbʼobʼ jetik ke wa xnaʼatik syajulal ja kristyano, bʼa tini chʼikan ja jpamilyatik sok ja hermanoʼik bʼa kongregasyoni. Pilan modo bʼa sjejel ja modoʼal it jani slejel modoʼik bʼa xcholjel.