¿Akʼumunejxa maʼ ja numeroʼik it ja bʼa Ja Juʼun Cholumani? Ila ta oj bʼobʼa wayi sjakʼjel ja sjobʼjelik it:

¿Jas lekil sjejel wa xyaʼa ja Jyoba ja bʼa jastal wa xyila ja ixukeʼi?

Ja Jyoba mi maʼ menos wa xyila, sok mi mas tʼilan wa xyila ja winike ke yuja ixukeʼi. Wa smaklay, wa xcham skʼujol sbʼaja jastal wa xyabʼ aye, ja swokole sok wa sjipa skʼujol bʼa oj skʼuluke ja aʼtel wa xyayile (w24.01, slam 15 sok 16).

Yajni ja Efesios 5:7 wa xyala: «Mok lajan ataʼ abʼajex», ¿jastal oj bʼobʼ katik makunuk?

Ja jekabʼanum Pablo yakitik rason bʼa mok jmojtaytik ja matik wa xya wokolanukotik skʼuʼajel ja jastik yaʼunej kujlajuk ja Jyoba. Ja it mi kechan ti chʼikanuk bʼa yajel ekʼ tyempo sok tuk kristyano, cha jachni ja bʼa redes sociales (w24.03, slam 22 sok 23).

¿Jas tikʼe loʼilik bʼa mi meranuk mok jkistik?

Tʼilan la jtalnay jbʼajtik soka loʼilik bʼa mi naxeluk ta meran kʼotel bʼa bʼobʼta wa sjekawe ja kamigotik bʼa jlekilaltik, bʼa ayiʼoj korreoʼik bʼa kristyanoʼik mi xnaʼatik sbʼaje sok bʼa wa staʼa tiʼal ja jas wa xyalawe ja apóstataʼik bʼa lom wa sjeʼawe ke wa skʼana oj snebʼe ja smeranili (w24.04, slam 12).

¿Jasa wa xnaʼatik sok jasa mi xnaʼatik sbʼaja jastal oj skʼul jusgar ja Jyoba ja rey Salomón, ja matik chamye ja bʼa Sodoma sok ja Gomorra sok ja bʼa niwan Bʼutʼ Jaʼi?

Mini xnaʼatik ta Jyoba xchʼayunejxa snajele bʼa tolabida, pe wani xnaʼatik ke ja yeʼn wani xchʼak snaʼ ja jas ti chʼikan sok jelni syajulal skʼujol w24.05, slam 3 sok 4.

Yuja Jyoba yeʼn kʼotel ja «yijil Toni», ¿jasa wa sjeʼakitiki? (Deut. 32:4).

Ojni bʼobʼ jleʼ jkoltajeltik bʼa Jyoba. Wani xbʼobʼ jipjkʼujoltik bʼa yeʼn, pes yujni tolabida wa xya kʼotuk ja jas wa skʼapa. Sok cha mini xtukbʼi, pes yujni ja jastal kʼotel sok ja jas wa skʼana mini xtukbʼi (w24.06, slam 26 man 28).

¿Jasa oj skoltayotik bʼa oj kʼajyukotik bʼa jun yajkʼachil kongregasyon?

Sjipjel jkʼujoltik bʼa Jyoba ojni skoltayotik jastalni skʼulan soka yaʼtijumik ja bʼa tyempo ekʼta, mok jlajtik ja yajkʼachil kongregasyon soka bʼa bʼaytik ajyi, lani jkʼujoluktik bʼa aʼtel lajan soka hermanoʼik ja bʼa kongregasyon sok slejel yajkʼachil kamigotik (w24.07, slam 26 man 28).

¿Jasa wa sjeʼakitik ja oxe loʼil ja bʼa Mateo kapitulo 25?

Ja bʼa chejik sok ja chiboʼik wa xchiktes ke tʼilan oj ajyukotik toj, sok jaxa ja bʼa lajune solteraʼi wa xchiktes ke tʼilan oj ajyukotik chapan sok kʼelan jakan, sok ja bʼa talentoʼik wa sjeʼakitik ja stʼilanil bʼa oj aʼtijukotik (w24.09, slam 20 man 24).

¿Janekʼ xchaʼanil yiʼoj ja yojyalil ja bʼa stemplo ja Salomón?

Bʼa jujuntik poko juʼunik, ja 2 Crónicas 3:4 wa xyala ke ayiʼoj «120 xujkubʼ», bʼa wa xchiktes ke wajni jun torre bʼa 53 metro ja xchaʼanili. Pe tuk poko juʼunik bʼa wa xbʼobʼ jipxuk kʼujolal wa xyala ke ayiʼoj «20 xujkubʼ», wa xkʼan alxuk, 9 metro ja xchaʼanili. Ja tsaʼanxta it lajansok masni wa syaka sbʼaj soka spimil ja paretik ja bʼa templo (w24.10, slam 31).

¿Jas wa stojolan ke ja siervo ministerialik tʼilani «kechanta june oj ajyuk ja xcheʼumeʼi»? (1 Tim. 3:12).

Ja siervo ministerial bʼa nupanel tʼilani kechan june oj ajyuk ja xcheʼumi sok tʼilani mi oj koʼ mulal sok ixuk winik. Chomajkil, tʼilani oj ajyuk toj soka xcheʼumi sok mok stsak tuk ixuke (w24.11, slam 19).

¿Jas yuj wa xnaʼatik ke ja Juan 6:53 mi jaʼuk ja skujlayubʼil ja bʼa Cena ja Kajwaltiki?

Ja bʼa Juan 6:​53, ja Jesús staʼa tiʼal sbʼaja stʼilanil yabʼjel ja sbʼakʼtel sok yujel ja xchikʼel. Ja yaljelik jaw yala yabʼye jun nole judíoʼik ja bʼa Galilea ja bʼa jabʼil 32 bʼa mitoni sjeʼawe skʼuʼajel bʼa yeʼna. Chomajkil, tsaʼan yajni ekʼ jun jabʼil yajni ya kujlajuk ja Cena ja Kajwaltik ja bʼa Jerusalén, staʼayile tiʼal matik oj yaʼe mandar lajan soka yeʼn ja bʼa satkʼinal (w24.12, slam 10 sok 11).