Mini tolabida pasiluk yajel juljkʼujoltik ja jas wa xkʼulantik estudiari. Pe wegoni wa xjul jkʼujoltik ja slajelalik sok ja sjejelik ya makunuk ja Jesús. ¿Jas yuj? Yujni wego wa xjak bʼa jpensartik. Junxtani jastal it, ta wa xkʼulantik dibujoʼik ja bʼa jas wa xkʼulantik estudiar, masni wego oj kan jkʼujoltik. ¿Jastal oj bʼobʼ jkʼuluktik? Jani skʼulajel dibujoʼik yajni wantik skʼulajel estudiar.

Ja matik wa skʼulane dibujoʼik ja bʼa jastik ajkʼach wane snebʼjeli yiluneje ke wego wa xjul skʼujole ja yaljelik, ja pensarik sok ja puntoʼik mas tʼilani. Ja sdibujoʼe mini jel tojbʼeluk. Sok jujuntik paklanumik wa xyalawe ke ja matik ayxa skʼujole wani xbʼobʼ yawe el slekilal skʼulajel ja it.

Yajni xa kʼulan estudiar, ¿jas yuj mixa kʼulan dibujoʼik ja bʼa jas wana snebʼjeli? Bʼobʼta chamto oja wil ja jastik oj juluka kʼujoli.